Kɔl-gɨ-Ɗari gɨ Ja̰ wal 15:16 - Gabri Maja

¹⁶ Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 15:16 ပူးပေါင်းရင်းမြစ်များ

Matɨyo 21:22

Hɨnga nɔm ga kɨŋ olɨn̰ Kumu le, naa dan̰ aye kudurɔ na kɨŋ kɨya wɔɔ hagɨŋ.»

Matɨyo 7:7

«Ɨngɨrgɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kan kɨya bɨgɨŋ, malagɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kɨŋ kɨya wɔɔ, dɨgagɨŋ kɨbɨ-ƴaa cɨndɨgɨŋ tumɔ tumɔ na, kan kɨya hangege bɨgɨŋ.

Kɔl-gɨ-Ɗari gɨ Lug wal 6:13

Kɨɗɨn̰ ga kɨɗɨn̰ wol yarara, ɨni na ban tee ka-aye-cay-tɨbayi gusi bɨ, ban tor kan ga won̰ mɔjɨ-cayge-sɔɔ duroyge ɗege dan̰ cɨndɨge teege ka-gɨre-gɨye kayi.

Kɔl-gɨ-Ɗari gɨ Ja̰ wal 13:18

Kɔl gɨ ɨŋ ba ye haw kɛ le ɨŋ ya ujan̰ na caygɨŋ nɔm naŋ. Ɨŋ-bandi ɨŋ sol kalaŋ ga ɨŋ ba torge. Ama naa wa wa kalɨn̰ ma ojɨ kɔl gɨ ba walge duroy Magtubu di da Kumu dɨŋ na ɨra kɨɗɨn̰di gaŋ. Kɔl gɨ nee le ye hɨn̰: «Ungo gɨ dii dɔɔ danaŋ le, say bɨle kardi bəŋ.»

Kɔl-gɨ-Ɗari gɨ Ja̰ wal 15:19

Tumɔ kɨŋ ni naa kalaŋ kage na, kan ni kɨya geygɨŋge, kɨya wa kɨŋ na kage. Ama kɨŋ na kalaŋ kage naŋ, kɨya wa ɨŋ torgɨŋ na duroyge. Na toy di hɨn̰ wo̰ ma, kan ƴomgɨŋge dan̰ kuduroyge.

Kɔl-gɨ-Ɗari gɨ Ja̰ wal 15:5

«Ɨŋ-bandi, ɨŋ na hɨyadi suru bɨ, kɨŋ na karɨn̰ kobi bɨ. Ungo gɨ na bugoŋ pɨna danaŋ bɨ, ɨŋ na bugoŋ pɨna danayi bɨ na, kɨya wɔyɛ na hɨn̰ hɨyadi suru gɨ wɔɔ karɨndi tɔgɨ wo̰. Kɨya wa dɨle ɨŋ-bandi na, kɨŋ kɨya ɓale lɔɔ hɨnga pɨna cay gusɨgɨŋ naŋ.

Kɔl-gɨ-Ɗari gɨ Ja̰ wal 6:70

Jesu dɨbɨge cay nee yege hɨn̰: «Kɨŋ ga mɔjɨ-caygɨŋ-sɔɔ le, kɛ na ɨŋ ba torgɨŋ naŋ ga? Ama ungo pɨna duroygɨŋ na ba-lɔɔ gɨye gɨ da Haban̰.»

Gɨye-lɔɔ 1:24

Kardi nee kan nɔm olge Kumu yege hɨn̰: «Ba-gulɔŋ Kumu, ji gɨ ba sɔlɛ ɗugoy kalaŋ nɔm le, gɨlni ungo gɨ ji ba dorii a duroy ban̰aŋ ga sɔɔ kɛ le,

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 10:41

Ban gɨl gusi na cɨn̰ kalaŋ nɔm naŋ, ama ban andaŋ na cayni ni-gandi ga ban torni leen̰ tɨmon̰ kayi, ga dii danayi bɨ, sii danayi bɨ, kardi bɔyɛ lɨbe koyi duroy kalaŋ ga madɨrdaŋ gaŋ.

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Magtubu di Pol wal bɨn̰ kalaŋ ga Rɔm 1:13

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

Magtubu di Pol wal bɨn̰ kalaŋ ga Rɔm 9:21

Kɛ, ba-gaɗe ɨmbɨlɨn̰ ɨran̰ dan̰ dɔnɔ a cay gun̰u naŋ ga? Dan̰ te gun̰u gɨ pɨna hayi gɨ nee le na, ban gaɗɨn̰ ɨmbɨlɨn̰ gɨ ni leen̰ gɨye gɨ woy dan̰ cɨndi bɨ, ɨmbɨlɨn̰ gɨ ni leen̰ gɨye gɨ dan̰ wɔlɛ pɨna pɨna bɨ.

1 Korɛ̰t 10:11

Hɨnga ga nee le nɔm andaŋ cayge ɗe na won̰ sɨman̰ bɨ, walge dugo duroy magtubu dɨŋ ɗe na sog sɨmayna na-gandi ga na ba woy kɨbɨ kagadi wɔlɛ gɨŋ bɨ.

Galad 1:15

Ama Kumu dan̰ ɗarwa toyi, ban dɔrɔŋ kɨɗɨn̰ ga ɨŋ ban̰ kuduroy ƴonɨ gaŋ ƴee bɨ, təŋ gɨ ɨŋ na laa gɨye bii.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:11

Kumu bəŋ gɨye tɔgɛ bɛrnɛ Kɔl-gɨ-Ɗari gɨ nee le kɔbɔŋ. Lee gɨ ɨŋ na ba-gɨre-gɨye bɨ, ba-gɨlɨn̰ kalaŋ hɨnga bɨ.

2 Timote 2:2

Hɨnga ga naa ji ba tɨrabɨ gusɨnɨ cɨn̰ tɨmon̰ ga kondi le, bɨga kobɨ kalaŋ ga kuduroyge pɨna ga ɓalge gɨlɨn̰ kalaŋ ga ɗaŋ jɨn̰ tumɔ bɨ.

Titɨ 1:5

Ɨŋ ɗen̰ a cay gɨsəŋ ga Kɨrɛtɨ gaŋ na ɗe gɨ an̰ na ɗen̰ hɨnga ga ba baa ƴee le dan̰ durɔ bɨ, ɗe an̰ na ɗen̰ ka-muɗɔlɛ a cay ƴaa ga gɨmdəŋ gaŋ pɨna pɨna hɨn̰ gɨ ɨŋ ba yen̰ le bɨ.

Əbɨro 11:4

Dan̰ gɨyəŋ gɨ da aye kudurɔ na, Abɛl bɨn̰ Kumu hɨnga ga ni bogɨn̰ kɨbar ga kuɗa ɗɨn̰ hɨnga ga da Kayin ga bee. Kɨya cay aye kudurɔ gɨ ban orɨn̰ le, Kumu solii leen̰ ungo gɨ dan̰ durɔ ɗɨngar. Kɨya wa Kumu gusi koyi ba ƴɔɔ hɨnga ga ni be kayi le. Bɨ na dan̰ gɨyəŋ gɨ da aye kudurɔ ma, Abɛl na mara kalɨn̰ ma, hɨnga ga ban lee le woy te yɔɔ kɔl ban̰ nee ƴee.

Magtubu di Jag wal 3:18

Kalaŋ ga gusi-dɔbɛ ƴom kuduroyge tɔgɨ le, kɨya gɨsege na cɨn̰ gusi-dɔbɛ dan̰ kardɨge kardɨge. Bɨ cɨn̰ hɨnga ga kan kɨya walege le, na gɨye-lɔɔ gɨ or dan̰ durɔ ɗɨngar bɨ.

1 Pɨyɛr 3:15

Ama Kɨris gɨ na Ba-gulɔŋ le, dɨrayigɨŋ sigɨŋ dan̰ cɨndi a ɗugoygɨŋ. Sɨmagɨŋ a cay tɨbaygɨŋ dɨŋ dan̰ wɔlɛ pɨna pɨna, ɗe agɨŋ dorɨn̰ te hɨnga ga kɨŋ ba bee ɨrɨmedɨgɨŋ cay nee le, tumoy kalaŋ ga ka-ɨngɨrgɨŋ toyge le.

1 Pɨyɛr 3:2

Kɨya wa kan solge gɨye-lɔɔdɨgɨŋ naa gɨye-lɔɔ gɨ kɔl gɨ ni yɔɔ na unɔ cay nee bɨ. Solge gɨ kɨŋ na orɨn̰ dan̰ hurɔmɔ bɨ.

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

1 Ja̰ 4:19

Na-gandi na, na geygɨŋ Kumu bɨ kamdɨnagɨŋ bɨ, kɨya gɨ na ban ba geynagɨŋ cay wase.