Kɔl-gɨ-Ɗari gɨ Ja̰ wal 14:6 - Gabri Maja

⁶ Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 14:6 ပူးပေါင်းရင်းမြစ်များ

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 1:4

Sɔmɛ-bɨra woy na boy Kɔl gɨŋ, sɔmɛ-bɨra, na kɨɗɨn̰ asɨn̰e gɨ da kalaŋ.

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 10:7

Jesu yege ɗaŋ coŋ hɨn̰: «Jagɨŋ! Aŋ yəgɨŋ daa waŋ na cɨndi, ɨŋ na kɨbɨ-ƴaa gɨ da gamge.

Kɔl-gɨ-Ɗari gɨ Ja̰ wal 10:9

Ɨŋ na kɨbɨ-ƴaa. Waŋ waŋ gɨ na andaŋ dan̰ gɨyəŋ hɨnge na, kɨya pɔɗɛ. Ban kɨya andaŋ ƴen̰ bɨ, jɨga doŋ bɨ, kɨya wɔɔ hɨnga ga ni dɔɔ bɨ.

Kɔl-gɨ-Ɗari gɨ Ja̰ wal 14:19

Lam wo̰ nee na, kalaŋ ga cay gɨsəŋ gaŋ kɨya sɔlɔŋ dan̰ cɨndɨge naŋ bɨrɨŋ. Ama kɨŋ na, kɨŋ kɨya sɔlɔŋ dan̰ cɨndɨgɨŋ kɨya gɨ ɨŋ som-bɨra bɨ, kɨŋ kalɨn̰ ma kɨŋ kɨya sɔmɛ-bɨra bɨ.

Kɔl-gɨ-Ɗari gɨ Ja̰ wal 15:1

Jesu ye ɗaŋ coŋ: «Ɨŋ na hɨyadi suru gɨ cɨndi bɨ, Banɨ na Ba-gulɔŋ yagedi suru bɨ.

Kɔl-gɨ-Ɗari gɨ Ja̰ wal 18:37

Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 6:57

Hɨn̰ gɨ Banɨ ba gɨyigəŋ ba som-bɨra dan̰ cɨndi bɨ, ɨŋ ba som-bɨra na kol cay Banɨ bɨ na, ungo gɨ na daaŋ na, kɨya sɔmɛ-bɨra dan̰ cɨndi kol canɨ bɨ.

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 8:32

Hɨn̰ wo̰ na, kɨŋ kɨya sɔlɛ kɔl gɨ cɨndi gɨ ojɨ cay Kumu bɨ, kɔl gɨ cɨndi kɨya lɔɔ gɨ kɨŋ kɨya bɨləŋ kalaŋ ga ka-sɔmɛ cayge kalɨn̰ bɨ.»

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Gɨye-lɔɔ 9:2

Ban or wan̰ mangɨl gɨ da ka-cay ka-bɔgɛ kɨbar bɨ, ɨngɨri magtubu di ɗe bii te tumɔ dan̰ guson̰ ƴaa-daye-di-da-Jubɨn̰əŋ ga Damas, ɗe hɨn̰ gɨ ɗi na waa ban̰aŋ dan̰ kandɨ, ga ayge gɨyəŋ kardi Ba-gulɔŋ na, ay na saɗɨdɨgage ɨrgan̰ danage a Jerusalɛm.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

1 Korɛ̰t 15:45

Na toy di hɨn̰ wo̰ ma walge duroy Magtubu di da Kumu dɨŋ yege hɨn̰: «Adam, ungo gɨ cay wase le Kumu bii sɔmɛ-bɨra.» Ama ojɨn̰ cay Adam gɨ kardi nee gɛs na, na ban mana kuyoŋdi-gusu gɨ da turnɔ gɨ ba bɨn̰ kalaŋ sɔmɛ-bɨra.

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

Kɔlɔs 2:17

Hɨnga ga nee le nɔm woy gɨlɨn̰ na hɨn̰ turnoy hɨnga ga gɨl tumɔ gɨ hɨnga ga ɗari na kɨya ɨrga kardi nee, ama Kɨris mana gusɨge ga leen̰ cɨndi.

Kɔlɔs 2:9

Jɔɔgɨŋ kɔl koge naŋ kɨya wa hɨnga nɔm ga wandɨn̰ gusi Kumu tɛlɛlɛ tɛlɛlɛ le, wandɨn̰ gusi Kɨris tɛlɛlɛ tɛlɛlɛ bɨ.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

Əbɨro 9:8

Na hɨn̰ wo̰ ma Turnɔ ɗe-kuduroy-bɛrɛ gɨl gɨ kɨɗɨn̰ ga duroy ƴaa-di-da-Kumu di leege dan̰ ɓala gɨ cay wase na baa nee ƴee na, gɨyəŋ gɨ jɨn̰ kɨɗɨn̰ ga woy dan̰ cɨndɨge ɗɨn̰ coŋ le hangaŋ naŋ ƴee.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Pɨyɛr 2:4

Sɨygɨŋ gusi Ba-gulɔŋ. Ban na oru gɨ woy-bɨra gɨ kalaŋ kan̰iige coŋ. Ama Kumu dorii kɨya gɨ Kumu solii gɨ ban na oru gɨ ƴee-cɨndi tɔgɨ.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 1:8

Hɨn̰ gɨ na na ya hɨn̰: «Na na ɨran̰ dan̰ ɨsɨna naŋ na», na nargɨŋ na gusɨnagɨŋ konagɨŋ gaŋ bɨ, kɔl gɨ cɨndi unɔ kɨbɨnagɨŋ bɨrɨŋ bɨ.

1 Ja̰ 2:23

Waŋ waŋ gɨ na man̰a kɨbi yan̰ gɨ Jesu naa Kurɨn̰-Kumu naŋ na, ungo gɨ nee le, Kumu na bayi naŋ ɨni. Ungo gɨ na ya pɨraŋ daa gɨ Jesu naa Kurɨn̰-Kumu na, Kumu bɨle na bayi ɨni.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

1 Ja̰ 5:6

Na Jesu-Kɨris ba sɔ gɨɗɨgɨ-Kumu gɨŋ ɨrga cay gɨsəŋ gaŋ bɨ lee batɛm dan̰ kaŋ bɨ, bee kɨbardi dugo dan̰ gɨyəŋ gɨ da tɨmaydi bɨ. Ban ɨrga na dan̰ kaŋ ƴɔbɨ naŋ, ama dan̰ kaŋ bɨ kɨbar bɨ. Turnɔ di da Kumu na kɔl gɨ cɨndi. Na hɨndi ba lɔɔ tɨmon̰ hɨn̰ wo̰ le kɔ.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 20:15

Waŋ waŋ gɨ gusondi na unɔ a boy magtubu sɔmɛ-bɨra gɨŋ le, kan kɨya ƴomii dibii duroy kuraydi tɨwa dɨŋ coŋ.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰:

Wasɨn̰a 3:7

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰: