Kɔl-gɨ-Ɗari gɨ Ja̰ wal 14:27 - Gabri Maja

²⁷ Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Kɔl-gɨ-Ɗari gɨ Ja̰ wal 14:27 ပူးပေါင်းရင်းမြစ်များ

Matɨyo 10:26

«Kɨŋ ɗɔɔ ba hundɔrɔ ungo naŋ. Kɨya wa hɨnga nɔm ga woy a kɨɗɨn̰ ɓurɔŋgɛdɨge gaŋ ga kan kɨya dɔrɛ toyge daa naŋ le unɔ bɨ, hɨnga nɔm ga woy a kɨɗɨn̰ wɔsɛdɨge gaŋ ga kan kɨya dɨle sɔlɛ naŋ le unɔ bɨ.

Kɔl-gɨ-Ɗari gɨ Lug wal 1:79

Ɗe asɨn̰ kalaŋ ga somge duroy dɨlɨm dɨŋ bɨ, Ga somge kɨbɨ tɨma dɨŋ bɨ. Kɨya dorɨn̰ tumoynagɨŋ a gɨyəŋ Di gusi-dɔbɛ gɨŋ bɨ.»

Kɔl-gɨ-Ɗari gɨ Lug wal 10:5

«Duroy ƴaa di ani ani di kɨŋ na ɨra boy nee na, yan̰gɨŋ kalaŋ ga duroy ƴaa di nee le hɨn̰: “Gusi-dɔbɛ di da Kumu baa danagɨŋ” pa dɨm.

Kɔl-gɨ-Ɗari gɨ Lug wal 12:4

«Ka-pogɨn̰ɨnɨ, aŋ yəgɨŋ daa waŋ: Kalaŋ ga ɓalge dɨɗe kuyoŋdi-gusɨgɨŋ, ama kardi nee kɨya ɓalege lɔɔ hɨnga ga ɗaŋ naŋ le, kɨŋ hundɔrge naŋ.

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Ja̰ wal 14:1

Jesu yen̰ ka-aye-cay-tɨbayi hɨn̰: «Ɗɔɔgɨŋ ɗugoygɨŋ algɨŋ naŋ, bɨgagɨŋ kuduroygɨŋ cay Kumu bɨ, bɨgagɨŋ kuduroygɨŋ canɨ nee bɨ.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Kɔl-gɨ-Ɗari gɨ Ja̰ wal 20:19

Borundo di da dɨmasɨ di nee le na, ka-aye-cay-tɨbay Jesu somge ƴen̰ lɨgɨge kɨbɨ-ƴaa cayge rɛj rɛj kɨya wa kan hɨndarge na Jubɨn̰əŋ. Ɨni na, Jesu ɨrga ɨre duroyge bɨ, leege lapɨya yege hɨn̰: «Gusi-dɔbɛ baa danagɨŋ.»

Kɔl-gɨ-Ɗari gɨ Ja̰ wal 20:21

Ɨni na, ban yege ɗaŋ coŋ hɨn̰: «Gusi-dɔbɛ baa danagɨŋ. Ɨŋ-bandi ɨŋ kɨya gɨyigɨŋ cay gɨsəŋ gaŋ, hɨn̰ gɨ Banɨ ba gɨyigəŋ a cay gɨsəŋ gaŋ bɨ.»

Kɔl-gɨ-Ɗari gɨ Ja̰ wal 20:26

Dɨmasɨ di ɗaŋ dɨŋ na, ka-aye-cay-tɨbayi jɨgage dayaŋge ɗaŋ coŋ a duroy ƴaa gɨ nee gɨŋ le. Tomas woy danage boy wɔlɛdi gɨ nee le, kɨbɨ-ƴaa lugudoŋ gag gag daa. Naa hɨn̰ wo̰ kalɨn̰ ma, Jesu andaŋ ɨre duroyge, leege lapɨya yege hɨn̰: «Gusi-dɔbɛ baa danagɨŋ.»

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Gɨye-lɔɔ 18:9

Duroy son̰do di pɨna wo̰ dɨŋ na, Ba-gulɔŋ yen̰ Pol duroy hɨnga ga buyoŋ cɨndi hɨn̰ dḛḛ wo̰ yey hɨn̰: «Ji ɗɔɔ ba hundɔrɔ, ya kɔl cɨndɨn̰ tumɔ tumɔ, sɔgɨyɛ naŋ.

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

1 Korɛ̰t 1:3

Ɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Galad 1:3

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 6:16

Kuɗa gɨ gusi-dɔbɛ bɨ, sɔlɛ cɨn̰-n̰age da Kumu bɨ, baa dan̰ kalaŋ nɔm ga gɨye-lɔɔdɨge woy hɨn̰ ban gɨ ɨŋ ba gɨlge wo̰ bɨ, baa dan̰ Ɨsɨrayɛl di hɨrɨwa di ban ɗe bɨ.

Pilib 4:7

Ɨni na, Kumu kɨya bɨgɨŋ gusi-dɔbɛ gɨ ɗɨn̰ ɨrɨme kɔl gɨ da kalaŋ. Gusi-dɔbɛ gɨ nee le ba kɨya game ɗugoygɨŋ bɨ, ɨrɨmedɨgɨŋ bɨ, a te bugoŋ pɨna dan̰ Jesu-Kɨris.

Kɔlɔs 1:2

ni-gandi ni ləgɨŋ lapɨya kɨŋ-gandi ka-karme ga ban̰aŋ dan̰ ga kandɨ ga bugoŋge pɨna dan̰ Kɨris ga woyge dan̰ cɨndɨge bɨ, ga ɨrege a cay tɨbayge dɨŋ bɨ, ga somge a cay ƴaa-di-gumu di Kɔlɔs dɨŋ. Ɗe gɨ Bayna Kumu laa ɗarwa danagɨŋ bɨ bɨgɨŋ gusi-dɔbɛ bɨ.

Kɔlɔs 1:20

Ɗe hɨnga nɔm ga gɨɗɨgɨ-Kumu gaŋ bɨ, Ga cay gɨsəŋ gaŋ bɨ, Jɨga bugoŋge pɨna danayi, Dan̰ gɨyəŋ gɨ da kurondi bɨ. Na dan̰ gɨyəŋ gɨ da kɨbardi kurondi, Gɨ bugoŋ dugo a cay sɨya-gɨ-dagɨli gɨŋ, Le ma gusi-dɔbɛ woy.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

2 Tesalonigɨ 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

2 Tesalonigɨ 3:16

Kuɗa gɨ Ba-gulɔŋ gɨ ba gusi-dɔbɛ bɨgɨŋ gusi-dɔbɛ dan̰ tɨwa nɔm bɨ, boy hɨnga nɔm bɨ. Kuɗa gɨ Ba-gulɔŋ baa danagɨŋ nɔm.

2 Timote 1:7

Kɨya wa Kumu bɨnagɨŋ na Turnɔ di ni hɨndarɨn̰ cɨn̰ ungo naŋ. Ama dan̰ gɨyəŋ gɨ da Turnɔ ɗe-kuduroy-bɛrɛ le, ban bɨnagɨŋ tɔgɨ bɨ, geye bɨ, ƴɔmɛ gusɨna osɨwa cay hɨnga gaŋ bɨ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

Əbɨro 7:2

Ɨni na, Abɨraham dor kɨbɨ hɨnga pɨna duroy hɨnga ga mɔjɨ gɨ da hɨnga nɔm ga ban lobɨ a kɨmbɨl gɨŋ le bii. Gusoŋ gɨ ni Mɛlgisedɛg le, duroy gɨ cay wase na «kɨlma gɨ da hɨnga ga dan̰ durɔ ɗɨngar.» Bɨ kardi nee ban na kɨlma gɨ a cay ƴaa di Salɛm dɨŋ nee coŋ, duroy na «kɨlma gɨ da gusi-dɔbɛ.»

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»