Kɔl-gɨ-Ɗari gɨ Ja̰ wal 14:26 - Gabri Maja

²⁶ Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 14:26 ပူးပေါင်းရင်းမြစ်များ

Matɨyo 1:18

Wɔɔ gɨ da Jesu-Kɨris le woy na hɨn̰ wo̰: Ƴoyi di ni Mari le, na ɗe kujɔ da Jɨsɛb. Ama kɨɗɨn̰ ga kan ƴage gusɨge naŋ ƴee bɨ ga ma, hɨndi ƴee kur dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 1:20

Kɨɗɨn̰ ga ban woy te ɨrɨme ƴee bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cayi duroy sɔndɛ gɨŋ, yeyi hɨn̰: «Jɨsɛb, kungay Dabid, ji ɗɔɔ ba hundɔrɔ gɨ ni kan̰e ƴɔɔ Mari coŋ naŋ. Kɨya wa kur gɨ hɨndi ƴee le, na dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Matɨyo 3:11

Ɨŋ-bandi na, ɨŋ leegɨŋ batɛm na dan̰ kaŋ ɗe gɨl gɨ kɨŋ na bɨle gɨye-lɔɔdɨgɨŋ. Ama ban gɨ tɨlga karɨnɨ nee le, dɔnɔdi ɗəŋ bɨrɨŋ gɨ ɨŋ ɓala gɨ ni pɨndɨre gangɨdi gɨyabe ga a tɨbayi coŋ naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Marg 12:36

Kɨya wa Dabid gusi koyi kalɨn̰ ma ye dan̰ gɨyəŋ gɨ da Turnɔ ɗe-kuduroy-bɛrɛ hɨn̰: “Ba-gulɔŋ Kumu yen̰ Ba-gulonɨ hɨn̰: Ɨre sɨma a cay kɔbɔŋ gɨ bara gɨŋ, Bɨrɨŋ gɨsɨn̰ gɨ ɨŋ kɨya bɨle ka-baadɨn̰ Leen̰ hɨnga ga ji kɨya bogɨn̰ gondɨn̰ cay nee.”

Marg 13:11

Kɨɗɨn̰ ga kan kɨya orɨn̰ danagɨŋ dobgɨŋge kobɨ ka-bɔyɛ kɔl gaŋ na, kɨŋ ɗɔɔ ba sɔlɛ a cay kɔl gɨ kɨŋ ba kɨya yɔɔ tumɔ naŋ. A boy tɨwadi di nee dɨŋ le yagɨŋ na kɔl gɨ kɨya ɨrga caygɨŋ, kɨya wa na kɨŋ-gandi ba kɨya yɔɔ kɔl naŋ, ama na Turnɔ ɗe-kuduroy-bɛrɛ.

Kɔl-gɨ-Ɗari gɨ Lug wal 1:15

Kɨya wa ban kɨya bɨləŋ ungo gɨ gumu tumoyi Ba-gulɔŋ. Ban kɨya sɔɔ cɛrɛ di suru naŋ bɨ, kɨya sɔɔ cɛrɛ gɨ ɗaŋ gɨ man̰i naŋ bɨ. Turnɔ ɗe-kuduroy-bɛrɛ kɨya ƴɔɔ kuduroy pɨl pɨl kɨɗɨn̰ ga ban ba baan̰ a kuduroy ƴoyi ƴee le.

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Kɔl-gɨ-Ɗari gɨ Lug wal 1:41

Kɨɗɨn̰ ga Elijabɛd je noy lapɨya di da Mari le na, kɨye gɨ a kudurɔɔ le, say lee gusi guɗu guɗu daa a kudurɔɔ. Bɨ Turnɔ ɗe-kuduroy-bɛrɛ ƴee Elijabɛd guso.

Kɔl-gɨ-Ɗari gɨ Lug wal 1:67

Turnɔ ɗe-kuduroy-bɛrɛ ƴee kuduroy Jagari gɨ ni kɨye bayi le pɨl pɨl, lee gɨ ban ye-kɔl-gɨ-Kumu-ba-yɔɔ hɨn̰:

Kɔl-gɨ-Ɗari gɨ Lug wal 11:13

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari, ma na mɨna ma Bayna gɨ som a daa nii, kɨya lɔɔ ɗɨn̰ gɨ nee le bɨn̰ kan ga ɨngɨriige Turnɔ ɗe-kuduroy-bɛrɛ le naŋ ga?»

Kɔl-gɨ-Ɗari gɨ Lug wal 2:25

Sɨlagɨŋ! Wɔlɛdi gɨ nee le, bara gɨ pɨna wo̰ som a cay ƴaa-di-gumu di Jerusalɛm dɨŋ gusondi na Simin̰o. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ. Ban som gam na jɨne hayi, ban gɨ Ba-jale ɗugɔ te wɨn̰je gɨ da Ɨsɨrayɛl. Turnɔ ɗe-kuduroy-bɛrɛ le baa dan̰ Simin̰o.

Kɔl-gɨ-Ɗari gɨ Lug wal 24:49

Sɨlagɨŋ! Ɨŋ-bandi, ɨŋ kɨya gɨygɨn̰ dan̰ hɨnga ga Banɨ ba ye gɨ ɗi na kɨya lɔɔ bɨgɨŋ le. Ama kɨŋ-gandi na, kɨŋ sɨma cay ƴaa-di-gumu dɨŋ kɛ, bɨrɨŋ gɨ ɗe dɔnɔ di da Kumu gɨsɨn caygɨŋ.»

Kɔl-gɨ-Ɗari gɨ Lug wal 3:22

Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Ja̰ wal 1:33

Tumɔ ɨŋ sɨla hɨn̰ gɨ naa ban ma, maŋ naa na ye koldi naŋ, ama ban gɨ ba gɨyigəŋ loon̰ kalaŋ batɛm boy kaŋ gaŋ le, yəŋ hɨn̰: «“Ungo gɨ ji na sɨla Turnɔ di da Kumu na se daa ɨre gɨsɨn sɨma cayi na, na ban gɨ ba-leen̰ kalaŋ batɛm dan̰ Turnɔ ɗe-kuduroy-bɛrɛ dɨŋ le”.

Kɔl-gɨ-Ɗari gɨ Ja̰ wal 12:16

Kɨɗɨn̰ ga hɨnga ga nee le lee gusɨge na, ka-aye-cay-tɨbayi sɨlage te hɨnga ga nee le naŋ! Ama kɨɗɨn̰ ga Kumu ba dɨbɨ gusoŋ-tɔgɛ a cay Jesu na, kan hɨnɨge bɨ solge gɨ kalaŋ na leeyige naa hɨnga ga na walge koldɨge duroy Magtubu di da Kumu di kan walge tumɔ ojɨn̰ cayi le. Bɨ na hɨnga ga nee le ma kan lee kol cayi.

Kɔl-gɨ-Ɗari gɨ Ja̰ wal 14:16

Ɨŋ-bandi, ɨŋ kɨya ɔlɛ Banɨ, ɗe bɨgɨŋ Ba-ƴɔɔ caygɨŋ a ban̰nɨ, Ba-ƴɔɔ caygɨŋ le kɨya sɔmɛ danagɨŋ dan̰ cɨndi.

Kɔl-gɨ-Ɗari gɨ Ja̰ wal 14:25

Ɨŋ yəgɨŋ kɔl gɨ nee le na kɨɗɨn̰ ga na ban̰gɨŋ pɨna.

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 16:7

Ama ɨŋ yəgɨŋ na kɔl gɨ cɨndi: Hɨn̰ gɨ ɨŋ na ɨra na, kɨya kuɗa kol caygɨŋ. Kɨya wa ɨŋ na ɨra naŋ na, Ba-ƴɔɔ caygɨŋ kɨya ɨrga waygɨŋ naŋ. Ama hɨn̰ gɨ ɨŋ na ɨra na, ɨŋ kɨya gɨygɨn̰ danayi bɨgɨŋ.

Kɔl-gɨ-Ɗari gɨ Ja̰ wal 2:22

Bɨ kɨɗɨn̰ ga Jesu boy lɨbɨ duroy kalaŋ ga madɨrdaŋ gaŋ na, ka-aye-cay-tɨbayi hɨnɨge gɨ ban ni na, naa yege hɨn̰ wo̰. Bɨ kan beege kuduroyge a cay kɔl gɨ kan walge duroy Magtubu di da Kumu dɨŋ bɨ, cay kɔl gɨ Jesu ba naa yege le bɨ.

Kɔl-gɨ-Ɗari gɨ Ja̰ wal 20:22

Kɨɗɨn̰ ga ban ye kɔl gɨ nee le hɨn̰ wo̰ ɨni na, ban pɨye habe cayge puu bɨ yege hɨn̰: «Ƴagɨŋ Turnɔ ɗe-kuduroy-bɛrɛ!

Kɔl-gɨ-Ɗari gɨ Ja̰ wal 6:45

Kan walge duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ye hɨn̰: “Kan nɔm Kumu ba kɨya gɨlge hɨnga.” Waŋ waŋ gɨ na ja kɔl gɨ da Bayi bɨ, ƴa kɔl gɨ ni gɨle koyi bɨ na, kɨya ɨrga gusɨnɨ.

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Gɨye-lɔɔ 1:2

bɨrɨŋ andɨn̰ a boy wɔlɛdi gɨ Kumu ayi orɨn̰ danayi daa nii le. Tumɔ pa dɨm ma gɨ ban kɨya ɔrɛ ƴee na, Jesu gɨlɨn̰ ka-gɨre-gɨye kayi ga ban torge le hɨnga, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Gɨye-lɔɔ 1:4

Wɔlɛ gɨ pɨna gɨŋ, kɨɗɨn̰ ga ban som danage kɨbɨ dɔɔ gɨŋ na, ban yege hɨn̰: «Ɗɔɔgɨŋ cay ƴaa-di-gumu di Jerusalɛm coŋ naŋ. Ama sɨmagɨŋ nee, gaman̰gɨŋ hɨnga ga Banɨ ba ye gɨ ɗi na kɨya lɔɔ bɨgɨŋ le, na hɨnga ga kɨŋ ba je koldɨge kɨbɨnɨ tumɔ le.

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 11:16

Kɨɗɨn̰di ga nee gaŋ le bɨ, ɨŋ ɨrɨm cay kɔl gɨ Ba-gulɔŋ ba ye tumɔ le ban ye hɨn̰: «Ja̰ leen̰ kalaŋ batɛm na dan̰ kaŋ, ama kɨŋ na kan kɨya loogɨŋ batɛm na dan̰ Turnɔ ɗe-kuduroy-bɛrɛ.»

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 13:4

Barnabas bɨ, Sol bɨ le, na Turnɔ ɗe-kuduroy-bɛrɛ ba gɨyge ɗe gɨ kan na ɨrage Selesi. Kan nayge boy koburo gɨ gumu taa taa gɨŋ a kɨɗɨn̰ ga nee gaŋ le bɨ, kan say orge cɨndɨge jɨn̰ hɔgɨwa gɨ Sɨpɨr gɨŋ.

Gɨye-lɔɔ 15:28

Kɨya wa Turnɔ ɗe-kuduroy-bɛrɛ bɨ, ni-gandi gusɨni bɨ le, ni gey se hɨnga ga nɨn̰i ga ɗaŋ caygɨŋ naŋ. Ama na hɨnga nɔm ga ba kɛ le, ma naa wa wa kalɨn̰ ma, ojɨ gɨ ni lɔɔ.

Gɨye-lɔɔ 15:8

Ɨni na, Kumu gɨ ba sɔlɛ kuduroy kalaŋ le, lee tɨmon̰ kol cayge. Na toy di hɨn̰ wo̰ ma ban bɨge Turnɔ ɗe-kuduroy-bɛrɛ, hɨn̰ gɨ ban ba bɨna na-gandi wo̰ bɨ.

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Gɨye-lɔɔ 28:25

Kɨɗɨn̰ ga kan ba kɨya busoŋ dɨle bɔgɛ noyge pɨna na, Pol yege na kɔl gɨ ba kɛ ƴɔbɨ yege hɨn̰: «Kɔl gɨ Turnɔ ɗe-kuduroy-bɛrɛ ba ɗe a kɨbɨ Ijay ba-yɔɔ-kɔl-gɨ-Kumu-ba-yɔɔ gɨ yen̰ mon̰inagɨŋ le na kɔl cɨndi hayi!

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

Gɨye-lɔɔ 7:51

Bɨ Etɛn ye ɗaŋ coŋ ye hɨn̰: «Kɨŋ ka-cay osɨwa, ɗugoygɨŋ bɨ, sɨmaygɨŋ bɨ, lugdəŋ daa. Kɨŋ na ka-geye kɔl gɨ da Turnɔ ɗe-kuduroy-bɛrɛ naŋ dan̰ wɔlɛ pɨna pɨna. Kɨŋ gɨlɨn̰ hɨn̰ mon̰iigɨŋ wo̰ dɛj dɛj.

Gɨye-lɔɔ 7:55

Ama ban na, Turnɔ ɗe-kuduroy-bɛrɛ ƴee kuduroy pɨl pɨl. Ban ay cɨndi solɨn̰ gɨɗɨgɨ-Kumu ɨni na, sol asɨn̰a gɨ da Kumu bɨ, sol Jesu ɨre dan̰ tɨbay daa a cay kobɨ Kumu gɨ bara gɨŋ bɨ.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

2 Korɛ̰t 6:6

Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

Epɛs 1:13

Kɨŋ kalɨn̰ ma kɨɗɨn̰ ga kɨŋ ba je kɔl gɨ cɨndi, gɨ na Kɔl-gɨ-Ɗari gɨ kɨŋ wan̰ pɔɗɛ le, kɨŋ bee kuduroygɨŋ cay Kɨris. Ɨni na dan̰ gɨyəŋ gɨ da bugoŋ gɨ kɨŋ bugoŋ pɨna danayi le, Kumu ɗe kambe kayi gusɨgɨŋ. Kambe ga nee le na Turnɔ ɗe-kuduroy-bɛrɛ di ban ye gɨ ɗi na kɨya bɨn̰ kalaŋ kayi le.

Epɛs 1:17

Kuɗa gɨ ban gɨ na Ba-gulondɨna Jesu-Kɨris bayi, ban gɨ na Bayna gɨ gusoŋ-tɔgɛ na koyi le bɨgɨŋ kɨŋ nɔm turnɔ di ɗe bɨn̰ ungo cɨn̰-muɗɔlɛ bɨ, ɗe haŋge cɨn̰ ungo cayi bɨ, ɗe agɨŋ solɨn̰ Kumu gɨɗaŋ.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

1 Tesalonigɨ 4:8

Na toy di hɨn̰ wo̰ ma, waŋ waŋ gɨ na kan̰a hɨnga ga ni gɨlgɨŋ ga nee le na, kan̰a na ungo gɨ ɨndi naŋ, ama kan̰ na Kumu gɨ ba bɨgɨŋ Turnɔ toyi ɗe-kuduroy-bɛrɛ le.

2 Timote 1:14

Gama gɨle hɨnga ga kuɗa ga gɨlɨn̰ge bɨ, been̰ge kobɨn̰ bɨ le ɗɔmɔmɔ, dan̰ gɨyəŋ gɨ da Turnɔ ɗe-kuduroy-bɛrɛ di woy kuduroynagɨŋ.

Titɨ 3:5

ban pɔɗɨnagɨŋ na kɨya gɨye-lɔɔ gɨ dan̰ durɔ ɗɨngar gɨ na leegɨŋ naŋ. Ama na kɨya sɔlɛ gɨ ban sol cɨn̰-n̰age tɔnagɨŋ. Ban pɔɗɨnagɨŋ na dan̰ gɨyəŋ gɨ da pɨle gɨ da wɔɔ gɨ hɨrɨwa bɨ, na dan̰ gɨyəŋ gɨ da Turnɔ ɗe-kuduroy-bɛrɛ bɨ.

Əbɨro 10:15

Turnɔ ɗe-kuduroy-bɛrɛ kalɨn̰ ma, ye gɨ hɨnga nɔm ga ni na ye koldɨge kɛ le, naa cɨndi. Kɨya wa kɔl gɨ hɨndi ba ye cay wase le ba kɛ:

Əbɨro 2:4

Kumu kalɨn̰ ma gɨl gɨ tɨmon̰ di kan na leege le naa cɨndi, dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ bɨ, belin̰əŋ ga toyge kan̰dɨge kan̰dɨge bɨ, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ gɨ hɨndi gosɨn dan̰ kuduroy geye kɔɔ bɨ.

Əbɨro 3:7

Na toy di hɨn̰ wo̰ ma, jagɨŋ kɔl gɨ Turnɔ ɗe-kuduroy-bɛrɛ ye: «Labɨde hɨn̰ gɨ kɨŋ na ja noy Kumu na,

Əbɨro 9:8

Na hɨn̰ wo̰ ma Turnɔ ɗe-kuduroy-bɛrɛ gɨl gɨ kɨɗɨn̰ ga duroy ƴaa-di-da-Kumu di leege dan̰ ɓala gɨ cay wase na baa nee ƴee na, gɨyəŋ gɨ jɨn̰ kɨɗɨn̰ ga woy dan̰ cɨndɨge ɗɨn̰ coŋ le hangaŋ naŋ ƴee.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

2 Pɨyɛr 1:21

Kɨya wa na kuduroy geye gɨ da ungo ba andɨn̰ dan̰ kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ naŋ, ama na kol jɨbe gɨ Turnɔ ɗe-kuduroy-bɛrɛ ba jɨbɨge ma kalaŋ yen̰ge kɔl gɨ Kumu ɗe kɨbɨge le.

1 Ja̰ 2:20

Ama kɨŋ-gandi na, kɨŋ gɨlɨn̰ hɨn̰ kan wo̰ naŋ. Kɨris n̰ɨgɨ Turnɔ ɗe-kuduroy-bɛrɛ caygɨŋ hɨn̰ gɨ kan n̰ɨgɨn̰ sɔŋ a cay ungo wo̰, lee gɨ kɨŋ-gandi nɔm kɨŋ orɨn̰ dan̰ hɨnga-sɔlɛ.

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.

1 Ja̰ 5:7

Ka-lɔɔ tɨmon̰ le won̰ sɨbɨ:

Magtubu di Jud wal 1:20

Ama ojɨn̰ caygɨŋ kɨŋ-gandi karmɨnɨ ga ɨŋ lee-toygɨŋ le, kɨŋ dɨba bandɨ kuduroy gusɨgɨŋ a te hɨnga ga ni gɨle ga cɨndi, ga kɨŋ bee kuduroygɨŋ cay nee ojɨn̰ cay Kumu le. Ulagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ.

Wasɨn̰a 2:11

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le. «Ungo gɨ na bɨya kɨmbɨl na tɨma di cay sɔɔ kɨya tɔgɛ gusondi naŋ bɨrɨŋ ɨni.»