Kɔl-gɨ-Ɗari gɨ Ja̰ wal 14:23 - Gabri Maja

²³ Jesu dɨbi cay nee yeyi hɨn̰: «Hɨn̰ gɨ ungo na geyəŋ na, ban kɨya aye kɔl hɨnge leen̰ gɨye bɨ. Banɨ kɨya geyi bɨ, ni kɨya ɨrga gusi, Banɨ bɨ ɨŋ-bandi bɨ, ni kɨya sɔmɛ ƴaa danayi bɨ.»

Kɔl-gɨ-Ɗari gɨ Ja̰ wal 14:23 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 10:30

Ɨŋ-bandi dan̰ Banɨ le, ni na pɨna hani.»

Kɔl-gɨ-Ɗari gɨ Ja̰ wal 14:15

Hɨn̰ gɨ kɨŋ na geyəŋ na, kɨŋ kɨya aye te tumɔ tɨnge nɔm leen̰ gɨye.

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Kɔl-gɨ-Ɗari gɨ Ja̰ wal 14:21

«Waŋ waŋ gɨ na gama te tumɔ bɨ, laa hɨnga ga te tumɔ ye bɨ le, ban na ungo gɨ geyəŋ. Banɨ kɨya geye dan̰ ungo gɨ geyəŋ. Ɨŋ kɨya geyi bɨ, ɨŋ kɨya lɔɔ ɗe gɨ ban sɔlɔŋ bɨ.»

Kɔl-gɨ-Ɗari gɨ Ja̰ wal 14:24

Ama ungo gɨ na geyəŋ naŋ le, kɨya lɔɔ hɨnga ga ɨŋ ba ye le naŋ. Bɨ kɔl gɨ ɨŋ ba yəgɨŋ le, na kɔl hɨnge ɨŋ-bandi naŋ, ama na kɔl gɨ da Banɨ gɨ ba gɨyigəŋ.

Kɔl-gɨ-Ɗari gɨ Ja̰ wal 15:10

Hɨn̰ gɨ kɨŋ na aya te tumɔ tɨnge laan̰ gɨye na, Kɨŋ kɨya sɔmɛ duroy geye hɨnge gɨŋ bɨ. Hɨn̰ gɨ ɨŋ-bandi kalɨn̰ ma, ɨŋ ba ay te tumɔ nɔm di da Banɨ leen̰ gɨye, ma maŋ ba somɨn̰ duroy geye koyi gɨŋ wo̰ bɨ.

Kɔl-gɨ-Ɗari gɨ Ja̰ wal 16:27

Kɨya wa Banɨ dan̰ gusi koyi gaŋ geygɨŋ. Kɨya wa kɨŋ-gandi kalɨn̰ ma kɨŋ geyəŋ bɨ, kɨŋ bee kuduroygɨŋ cay kɔl gɨ nee le, gɨ ɨŋ na sayga naa gusi Banɨ bɨ.

Kɔl-gɨ-Ɗari gɨ Ja̰ wal 6:56

Ungo gɨ na da kuyoŋnɨ bɨ, sa kɨbarnɨ bɨ na, ban bugoŋ pɨna danaŋ bɨ, ɨŋ bugoŋ pɨna danayi bɨ.

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Kɔl-gɨ-Ɗari gɨ Ja̰ wal 8:52

Ɨni na, Jubɨn̰əŋ yeyige hɨn̰: «Haw kɛ na, ni sol gɨ turnɔ di ɨsɨni woy a kuduron̰. Abɨraham ma bɨ, ka-yɔɔ-kɔl-gɨ-Kumu-ba-yɔɔ kalɨn̰ ma mage bɨ, ama ji-bandi ji ye haw kɛ hɨn̰: “Hɨn̰ gɨ ungo na aya kɔl hɨnge laan̰ gɨye na, tɨma na kɨya cɨlii naŋ bɨrɨŋ”.

2 Korɛ̰t 6:16

Kɛ na wa ba kɨya ɓale daye ƴaa-di-da-Kumu dan̰ kulan̰əŋ ga? Kɨya wa na-gandi na, na na ƴaa-di-da-Kumu gɨ som-bɨra dan̰ tumoyi hɨn̰ gɨ ban Kumu gusi ba ye duroy magtubu toy dɨŋ le, ban ye hɨn̰: «Ɨŋ kɨya sɔmɛ duroyge bɨ, Ɨŋ kɨya gɔrɛ duroyge bɨ, Ɨŋ kɨya bɨle Kumu koge bɨ, Kan kɨya bɨle na kalaŋ kange bɨ.»

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

1 Ja̰ 2:24

Kɔl gɨ kɨŋ ba je a toyi dɨŋ le, kuɗa gɨ ɗe woy kuduroygɨŋ. Hɨn̰ gɨ kɔl gɨ kɨŋ ba je a toyi dɨŋ le, na wɨya kuduroygɨŋ na, kɨŋ bugoŋ pɨna dan̰ Kɨye bɨ, dan̰ Bayi bɨ.

1 Ja̰ 2:5

Ama ungo gɨ na bɨga kɔl a cay kɔl koyi gɨŋ na, ban gɨl leen̰ cɨndi gɨ ɗi na geyi. Dan̰ gɨyəŋ gɨ nee le na, na solgɨŋ leen̰ cɨndi gɨ na na bugoŋgɨŋ pɨna dan̰ Kumu.

1 Ja̰ 4:4

Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

1 Ja̰ 5:3

Na cɨndi, geye Kumu le na lɔɔ te tumoyin̰əŋ. Bɨ te tumoyin̰əŋ le, nɨn̰dəŋ naŋ bɨ.

2 Ja̰ 1:6

Geye gɨ nee le na, na kɔbɛ te tumɔn̰əŋ ga da Kumu. Hɨndi na te tumɔ di kɨŋ ba je kɔldɔ a toy dɨŋ ɓɨrag bɨ, te tumɔ di ye gɨ kɨŋ na gey gusɨgɨŋ bɨ.

Wasɨn̰a 21:22

Ama, ɨŋ sɨla ƴaa-di-da-Kumu a cay ƴaa-di-gumu dɨŋ le naŋ, kɨya Ba-gulɔŋ Kumu gɨ dɔnɔdi ɗɨn̰ dɔnɔ nɔm bɨ, Kurɨn̰-dɨmangɨ bɨ, ɨrege nee dan̰ gusɨge koge. Na kan ma na ƴaa-di-da-Kumu.

Wasɨn̰a 21:3

Ɨni na, ɨŋ je noy ungo gɨ ye dan̰ togi sayga a cay kali-tɨrɨmbala dɨŋ ye hɨn̰: «Sɨlagɨŋ! Kɨɗɨn̰ sɔmɛ ga da Kumu kɨya wɔyɛ duroy kalaŋ ga ɨndəŋ! Ban kɨya sɔmɛ duroyge bɨ, kan kɨya bɨləŋ te kalaŋ kayi bɨ. Ho’o, Kumu gusi koyi kalɨn̰ ma kɨya sɔmɛ danage bɨ, ban kɨya wɔyɛ na Kumu koge bɨ.

Wasɨn̰a 22:3

Ɓɨse kɨya unɔ bɨrɨŋ. Ɨni na, kali-tɨrɨmbala di da Kumu bɨ di da Kurɨn̰-dɨmangɨ bɨ, kɨya wɔyɛ a duroy cay ƴaa-di-gumu dɨŋ le. Kɨɗɨn̰di ga nee gaŋ le, marɨne ka-lɔɔ gɨye kayi kɨya n̰ɨriige.