Kɔl-gɨ-Ɗari gɨ Ja̰ wal 14:2 - Gabri Maja

² Kɨɗɨn̰ sɔmɛ kondɨ woy a duroy ƴaa di da Banɨ dɨŋ. Tumɔ naa hɨn̰ wo̰ naŋ na, ɨŋ ni kɨya yəgɨŋ daa waŋ. Ɨŋ or na kɨya n̰ane kɨɗɨn̰ kɨya caygɨŋ.

Kɔl-gɨ-Ɗari gɨ Ja̰ wal 14:2 ပူးပေါင်းရင်းမြစ်များ

Kɔl-gɨ-Ɗari gɨ Lug wal 14:22

Kardi nee sɨm wo̰, guyɔŋ le jɨga yeyi hɨn̰: “Ba-gulonɨ ɨŋ lee hɨnga ga ji ba yəŋ le. Ama kɨɗɨn̰ baa nee ƴee.”

Kɔl-gɨ-Ɗari gɨ Ja̰ wal 13:33

Ay! Karɨnɨ kange, ɨŋ kɨya sɔmɛ danagɨŋ karɨnɨ sɨngɨɗɨwa naŋ. Kɨŋ kɨya malaŋ bɨ, ama hɨn̰ gɨ ɨŋ ba yen̰ Jubɨn̰əŋ tumɔ ye hɨn̰: «Kan kɨya ɓalege dɨbege tɨbayge a kɨɗɨn̰ ga ɨŋ ba kɨya orɨn̰ nee gaŋ naŋ le, na ban ma maŋ yəgɨŋ haw kɛ bɨ.

Kɔl-gɨ-Ɗari gɨ Ja̰ wal 13:36

Simo Pɨyɛr yeyi hɨn̰: «Ba-gulɔŋ, ji gɨ ɔrɛ na ani ga?» Jesu dɨbi cay nee yeyi hɨn̰: «Kɨɗɨn̰ ga ɨŋ ba kɨya ɔrɛ nee le, haw kɛ, ji kɨya ɓale kɔbɛ karɨnɨ ɔrɛ nee naŋ, ama kardi nee pa dɨm ma, mɨn̰ kɨya kɔbɛ karɨnɨ ƴee.»

Kɔl-gɨ-Ɗari gɨ Ja̰ wal 14:28

Kɨŋ je gɨ ɨŋ yəgɨŋ hɨn̰: «Ɨŋ kɨya ɔrɛ bɨ, ɨŋ kɨya bɨlgɨ jɨga gusɨgɨŋ bɨ.» Hɨn̰ gɨ kɨŋ na geyəŋ na, gusɨgɨŋ kɨya moogɨŋ kɨya ɔrɛ hɨnge gɨ gusi Banɨ, kɨya wa Banɨ na, gumu ɗəŋ coŋ.

Kɔl-gɨ-Ɗari gɨ Ja̰ wal 16:4

Ama ɨŋ yəgɨŋ kɔl gɨ nee le, na ɗe gɨ kɨɗɨn̰ ga wɔlɛdi na ɓala na, kuduroygɨŋ na hɨn cay nee, gɨ ɨŋ na yəgɨŋ koldi ɨni. Ayɨn̰ a toy dɨŋ, ɨŋ yagɨŋ kɔl gɨ nee le naŋ, na kɨya gɨ ɨŋ-bandi kalɨn̰ ma, ɨŋ ba danagɨŋ ƴee.»

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

1 Tesalonigɨ 5:9

Kɨya wa Kumu ɗena na ɗe gɨ ana na wan̰ pɔɗɛ dan̰ gɨyəŋ gɨ da Ba-gulɔŋ Jesu-Kɨris gɨ ma kol caynagɨŋ le, ama na ɗe gɨ kuduroy-hɔmɛ toyi na gɨ bɔɔ caynagɨŋ naŋ.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Əbɨro 11:10

Kɨya wa Abɨraham som gam na cay ƴaa-di-gumu di sige tɔɔ osu. Bɨ Kumu na ba ɔjɛ gɨyəŋ gɨ ni gaɗɨn̰ bɨ, ban na ba gaɗedo bɨ.

Əbɨro 13:14

Kɨya wa a cay gɨsəŋ gaŋ kɛ le, na ɨran̰ dan̰ cay ƴaa di kɨya sɔmɛ dan̰ tumɔɔ naŋ. Ama na malgɨŋ na cay ƴaa-di-gumu di kɨya caga ƴee.

Əbɨro 6:20

Ho’o, na kɨɗɨn̰ ga nee gaŋ le ma Jesu or tumoyna andaŋ a duroy ƴaa di da Kumu di woy a gɨɗɨgɨ-Kumu gɨŋ kɨya cayna. Kɨya gɨ ban bɨle mangɨl gɨ da ka-cay ka-bɔgɛ kɨbar dan̰ tumoyi hɨn̰ gɨ da Mɛlgisedɛg wo̰.

Əbɨro 9:8

Na hɨn̰ wo̰ ma Turnɔ ɗe-kuduroy-bɛrɛ gɨl gɨ kɨɗɨn̰ ga duroy ƴaa-di-da-Kumu di leege dan̰ ɓala gɨ cay wase na baa nee ƴee na, gɨyəŋ gɨ jɨn̰ kɨɗɨn̰ ga woy dan̰ cɨndɨge ɗɨn̰ coŋ le hangaŋ naŋ ƴee.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 21:2

Ɨni na, ɨŋ sol cay ƴaa-di-gumu di woy dan̰ cɨndo di na Jerusalɛm di hɨrɨwa le, sayga gɨɗɨgɨ-Kumu a gusi Kumu gɨsɨngɨ dugo. Hɨndi lee marna tɔgɨ hɨn̰ tɨmbali di n̰an guso kɨya gorɨn̰ ƴaa dan̰ kudurɔɔ wo̰.

Wasɨn̰a 3:12

«Ungo gɨ na bɨya-kɨmbɨl na, ɨŋ kɨya lɔɔ gɨ ban kɨya bɨle sɨya gɨ ni duroy ƴaa-di-da-Kumu hɨnge. Ban kɨya sɔmɛ nee bɨ andaŋ duroy nee coŋ naŋ bɨrɨŋ. Ɨŋ kɨya wale guson̰ Kumu hɨnge a cayi bɨ, ɨŋ kɨya wale guson̰ cay ƴaa-di-gumu da Kumu hɨnge di na Jerusalɛm di hɨrɨwa di sayga gusi Kumu gɨsɨn dugo cayi bɨ, ɨŋ kɨya wale gusoŋ gɨ hɨrɨwa a cayi bɨ.

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.