Kɔl-gɨ-Ɗari gɨ Ja̰ wal 13:8 - Gabri Maja

⁸ Pɨyɛr yeyi hɨn̰: «Naŋ! Pɨle tɨbanɨ ɨŋ-bandi naŋ bɨrɨŋ!» Jesu dɨbii cay nee yeyi hɨn̰: «Hɨn̰ gɨ ɨŋ na pɨl tɨban̰ naŋ na, hɨnga ga dayna pɨna unɔ.»

Kɔl-gɨ-Ɗari gɨ Ja̰ wal 13:8 ပူးပေါင်းရင်းမြစ်များ

Matɨyo 16:22

Ɨni na, Pɨyɛr corii kan̰di bɨ, ɗali ye hɨn̰: «Ba-gulɔŋ, Kumu kɨya amɨn̰, ban kɨya nare ɗe hɨnga ga nee le leen̰ naŋ! Na hɨn̰ wo̰ naŋ, hɨnga ga hɨn̰ wo̰ le kɨya andaŋ can̰ naŋ.»

Matɨyo 21:29

Ɨni na, kurondi le, dɨbii cay nee yeyi hɨn̰: “Ɨŋ kɨya ɔrɛ naŋ.” Ama kardi nee lam na, cɨndi sagaŋ a cay hɨnga ga ɨsɨn ga ban lee gaŋ bɨ, bɨle ɨrɨmedi bɨ, say orɨn̰ yage gɨŋ le.

Matɨyo 26:33

Pɨyɛr ay kɔl yeyi hɨn̰: «Ko hɨn̰ gɨ te kamnɨ nɔm na hɨndarage bɨ, ɗan̰ge coŋ kalɨn̰ ma, ɨŋ-bandi na ɨŋ kɨya ɗon̰ coŋ naŋ bɨrɨŋ.»

Matɨyo 26:35

Pɨyɛr yeyi hɨn̰: «Ko hɨn̰ gɨ naa gɨ ni mare danan̰ kalɨn̰ ma, ɨŋ kɨya man̰e cay kɨbɨnɨ yɔ gɨ ɨŋ na sɨlan̰ naŋ, naŋ bɨrɨŋ.» Bɨ ka-aye-cay-tɨbayi nɔm yege hɨn̰ wo̰ bɨ.

Kɔl-gɨ-Ɗari gɨ Ja̰ wal 13:6

Kɨɗɨn̰ ga ban bugoŋ a cay Simo Pɨyɛr ɨni na, Pɨyɛr yeyi hɨn̰: «Ba-gulɔŋ, ji-bandi ba geye pɨləŋ tɨbanɨ ga?»

Kɔl-gɨ-Ɗari gɨ Ja̰ wal 13:9

Simo Pɨyɛr yeyi hɨn̰: «Ba-gulɔŋ, naa hɨn̰ wo̰ na, na tɨbanɨ ƴɔbɨ naŋ, ama kɔbɔŋ bɨ, canɨ nee bɨ.»

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Gɨye-lɔɔ 22:16

Haw kɛ na, ji gam na wa coŋ ga? Saa daa ɨra ɗa ɗe kan leen̰ge batɛm. Bɨ dan̰ gɨyəŋ gɨ da dɔnɔ di da guson̰ Jesu na ɨsɨna kon̰ kɨya duroŋ can̰ coŋ.”»

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

Kɔlɔs 2:23

Na cɨndi, hada ga nee le, hɨn̰ gɨ ji na sɨlage na, na hɨnga ga gɨl cɨn̰-muɗɔlɛ kɨya wa kan ɨngɨr gɨ kalaŋ na bɨgage kɔl cay hada bɨ, dɨba cayge dugo bɨ, gɨlɨn̰ kuyoŋdi-gusɨge cɨn̰ bɨ. Ama ɗarwadɨge pɨna wo̰ unɔ kɨya wa kan ɓalage gɨ ni nare kalaŋ ga ɨndəŋ lɔɔ hɨnga ga ɨsɨni ga kuduroyge ojɨ lɔɔ le naŋ.

Titɨ 3:5

ban pɔɗɨnagɨŋ na kɨya gɨye-lɔɔ gɨ dan̰ durɔ ɗɨngar gɨ na leegɨŋ naŋ. Ama na kɨya sɔlɛ gɨ ban sol cɨn̰-n̰age tɔnagɨŋ. Ban pɔɗɨnagɨŋ na dan̰ gɨyəŋ gɨ da pɨle gɨ da wɔɔ gɨ hɨrɨwa bɨ, na dan̰ gɨyəŋ gɨ da Turnɔ ɗe-kuduroy-bɛrɛ bɨ.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.