Kɔl-gɨ-Ɗari gɨ Ja̰ wal 13:4 - Gabri Maja

⁴ Ban say kɨbɨ hɨnga ga ni dɔɔ gaŋ bɨ, dor badɨge kayi ga cay kamdɨge gaŋ coŋ bɨ, ay badɨge ga kan handɨn̰ge hɨnga saɗɨn̰ te wɨrɨndi daa.

Kɔl-gɨ-Ɗari gɨ Ja̰ wal 13:4 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:37

Gɔyɔŋ ga ba-ƴaadɨge na jɨge wayage te sɔmɛ-bɨra na, tumoy wolwa kɨya wɔyɛ kol cayge! Aŋ yəgɨŋ daa waŋ na cɨndi: Ban kɨya dɔbɛ badɨge kayi ga ni gɨye bɨ, bɨge kɨɗɨn̰ somɨn̰ kɨbɨ dɔɔ gɨŋ bɨ, sɔɔ bɨge dɔɔ bɨ.

Kɔl-gɨ-Ɗari gɨ Lug wal 17:7

«Na waŋ duroy gɨŋ ma na ɨran̰ dan̰ guyɔŋ koyi ma ban na ɨra coŋ yagayi yage, wala ɨra amayi nare ma na saa te coŋ jɨge na, ban kɨya yoyi hɨn̰: “Ɨre haw sɨma dugo kɨbɨ dɔɔ gɨŋ ga?”

Kɔl-gɨ-Ɗari gɨ Lug wal 17:8

Naŋ! Ban kɨya yɔ hɨn̰ wo̰ naŋ, ama ban kɨya yoyi hɨn̰: “Kɨlanga badɨge kan̰ bɨ, n̰ana cay dɔɔ hɨnge bɨ, bəŋ dɔɔ bɨ, laan̰ gɨye bɨrɨŋ gɨ ɨŋ kɨya dɔɔ bɨ, sɔɔ bɨ, pa dɨm ma mɨn̰ kɨya dɔɔ bɨ, sɔɔ bɨ ƴee.”

Kɔl-gɨ-Ɗari gɨ Lug wal 22:27

A boy ɨrɨme kogɨŋ gɨŋ na waŋ ma na gɨ gumu duroygɨŋ ga? Ban gɨ ba-sɔmɛ kɨbɨ dɔɔ gɨŋ wala ban gɨ ba bii dɔɔ ga? Dan̰ gɨre gɨ daa wo̰, kan kɨya yɔ gɨ na ban gɨ ba-sɔmɛ a kɨbɨ dɔɔ gɨŋ ma na gɨ gumu. Ama sɨlagɨŋ ɨŋ bandi kalɨn̰ ma, ɨŋ ɨre duroygɨŋ na hɨn̰ marɨna ba gɨye wo̰.

Kɔl-gɨ-Ɗari gɨ Ja̰ wal 13:12

Kɨɗɨn̰ ga ban pɨl tɨbayge ɨni na, ban ay badɨge kayi dobɨ gusi ban̰di nee bɨ, or sɔmɛ kɨbɨ dɔɔ gɨŋ, bɨ yege hɨn̰: «Kɛ, kɨŋ sol duroy hɨnga ga ɨŋ ba lee danagɨŋ kɛ le ga?»

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

1 Ja̰ 3:11

Sɨlagɨŋ kɔl gɨ da Kumu gɨ kɨŋ ba je an̰ a toy dɨŋ ɓɨrag le ye hɨn̰: Geygɨŋ gusɨgɨŋ.