Kɔl-gɨ-Ɗari gɨ Ja̰ wal 13:34 - Gabri Maja

³⁴ Ɨŋ bɨgɨŋ te tumɔ di hɨrɨwa: Geygɨŋ gusɨgɨŋ. Hɨn̰ gɨ ɨŋ ba geygɨŋ le, geygɨŋ gusɨgɨŋ duroygɨŋ hɨn̰ wo̰ bɨ.

Kɔl-gɨ-Ɗari gɨ Ja̰ wal 13:34 ပူးပေါင်းရင်းမြစ်များ

Matɨyo 5:44

Ama ɨŋ-bandi na, ɨŋ yəgɨŋ ye hɨn̰: “Geygɨŋ ka-baadɨgɨŋ bɨ, ulagɨŋ Kumu ka-cay kan ga ka-gɨlgɨŋ cɨn̰ bɨ.”

Kɔl-gɨ-Ɗari gɨ Ja̰ wal 15:17

Te tumɔ di ɨŋ ba bɨgɨŋ ba kɛ: Geygɨŋ gusɨgɨŋ.»

Kɔl-gɨ-Ɗari gɨ Ja̰ wal 17:21

Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Magtubu di Pol wal bɨn̰ kalaŋ ga Rɔm 13:10

Na hɨn̰ wo̰ ma, ungo gɨ na gey mɨgay na, kɨya lɔɔ ɨsɨna danayi naŋ. Geye le na lɔɔ gasɨn̰-kɔl dɨɗe ɗəndəŋ.

Magtubu di Pol wal bɨn̰ kalaŋ ga Rɔm 13:8

Ɗɔɔgɨŋ tugɨla wɔyɛ caygɨŋ naŋ. Tugɨla pɨna ƴɔbɨ ba wɔyɛ caygɨŋ, na geye gusɨgɨŋ duroygɨŋ. Ungo gɨ na gey kurɨndi na, ban lee gasɨn̰-kɔl dɨɗɨ ɗəndəŋ ɨni.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Galad 6:2

Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Kɔlɔs 1:4

Kɨya wa ni je kol aye kudurɔ kogɨŋ, kol bugoŋ pɨna dan̰ Jesu-Kɨris bɨ, kol geye gɨ kɨŋ gey kalaŋ ga woyge dan̰ cɨndɨge nɔm bɨ.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

Magtubu di Jag wal 2:8

Na cɨndi, hɨn̰ gɨ kɨŋ na gama gasaŋ ga kuɗa tɔgɨ ɗɨn̰ gasɨn̰-kɔl nɔm, ga walge duroy Magtubu di da Kumu dɨŋ hɨn̰: «Ji na gey mɨgan̰ hɨn̰ gɨ ji ba geyɨn̰ dan̰ kuyoŋdi-gusɨn̰ wo̰ bɨ le.» Kɨŋ lee na hɨnga ga kuɗa.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

2 Pɨyɛr 1:7

sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

1 Ja̰ 3:11

Sɨlagɨŋ kɔl gɨ da Kumu gɨ kɨŋ ba je an̰ a toy dɨŋ ɓɨrag le ye hɨn̰: Geygɨŋ gusɨgɨŋ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 4:21

Te tumɔ di Kɨris bɨnagɨŋ le ye hɨn̰: «Ungo gɨ na gey Kumu na, kuɗa gɨ ban gey kurɨndi bɨ.»

2 Ja̰ 1:5

Ay tama, ɨŋ or n̰age guse gɨ ana geygɨŋ gusɨnagɨŋ. Kɔl gɨ da geye gɨ ɨŋ ba lee magtubu bɨne koldi le, na te tumɔ di hɨrɨwa naŋ ɨni. Ama na hɨndi di na ba je kɔldɔ a toy dɨŋ ɓɨrag le.