Kɔl-gɨ-Ɗari gɨ Ja̰ wal 13:18 - Gabri Maja

¹⁸ Kɔl gɨ ɨŋ ba ye haw kɛ le ɨŋ ya ujan̰ na caygɨŋ nɔm naŋ. Ɨŋ-bandi ɨŋ sol kalaŋ ga ɨŋ ba torge. Ama naa wa wa kalɨn̰ ma ojɨ kɔl gɨ ba walge duroy Magtubu di da Kumu dɨŋ na ɨra kɨɗɨn̰di gaŋ. Kɔl gɨ nee le ye hɨn̰: «Ungo gɨ dii dɔɔ danaŋ le, say bɨle kardi bəŋ.»

Kɔl-gɨ-Ɗari gɨ Ja̰ wal 13:18 ပူးပေါင်းရင်းမြစ်များ

Matɨyo 10:36

Na hɨn̰ wo̰ ma, kalaŋ ga duroy ƴaadɨgɨŋ gɨŋ kɨya bɨlege ka-baadɨgɨŋ.

Matɨyo 26:21

Kɨɗɨn̰ ga kan somge diige dɔɔ na, Jesu yege hɨn̰: «Aŋ yəgɨŋ daa waŋ na cɨndi: Ungo pɨna duroygɨŋ kɨya aye canɨ bɨge.»

Matɨyo 26:23

Ban dɨbɨge cay nee yege hɨn̰: «Na ban gɨ ba dobɨ kobi pɨna danaŋ boy hɨnga ga ni dɔɔ gaŋ le, ba kɨya aye canɨ bɨge.

Marg 14:17

Kɨɗɨn̰ ga tɨwa lee borɨndo ɨni na, Jesu ɨrga dan̰ ka-aye-cay-tɨbayi ga mɔjɨ-cayge-sɔɔ.

Marg 14:18

Kɨɗɨn̰ ga kan somge kɨbɨ hɨnga ga ni dɔɔ gaŋ bɨ diige dɔɔ na, Jesu yege hɨn̰: «Aŋ yəgɨŋ daa waŋ na cɨndi: Ungo pɨna duroygɨŋ gɨ dii dɔɔ danaŋ, kɨya aye canɨ bɨge.»

Marg 14:20

Jesu dɨbɨge cay nee yege hɨn̰: «Na ungo pɨna duroygɨŋ kɨŋ ga mɔjɨ-caygɨŋ-sɔɔ, na ungo gɨ dobɨ kobi pɨna danaŋ boy hɨnga ga ni dɔɔ gaŋ.

Kɔl-gɨ-Ɗari gɨ Lug wal 22:21

«Ama sɨlagɨŋ! Ban gɨ ba kɨya aye canɨ le, som danaŋ kɨbɨ dɔɔ gɨŋ kɛ.

Kɔl-gɨ-Ɗari gɨ Ja̰ wal 13:21

Kardi nee, kɨɗɨn̰ ga Jesu ye kɔl gɨ nee le ɨni na, kuduroyi wɨya kɨɗɨn̰ pɨna naŋ. Bɨ ban ye daa waŋ hɨn̰: «Jagɨŋ! Aŋ yəgɨŋ daa waŋ na cɨndi, ungo pɨna duroygɨŋ kɨya aye canɨ bɨge.»

Kɔl-gɨ-Ɗari gɨ Ja̰ wal 13:22

Ɨni na, ka-aye-cay-tɨbayi solge cɨn̰ gusɨge, kɨya gɨ kan sɨlage ungo gɨ ban ba ye koldi le naŋ.

Kɔl-gɨ-Ɗari gɨ Ja̰ wal 13:26

Jesu dɨbi cay nee yeyi hɨn̰: «Na ungo gɨ ɨŋ kɨya bɔyɛ mapa cɨlɨn̰ kɨlɨn̰ bii le.» Kɨɗɨn̰ ga nee le, ban ay kɨway mapa cɨlɨn̰ kɨlɨn̰, bɨn̰ Judasɨ Isikarɨyɔt kurɨn̰ Simo Isikarɨyɔt.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 15:19

Tumɔ kɨŋ ni naa kalaŋ kage na, kan ni kɨya geygɨŋge, kɨya wa kɨŋ na kage. Ama kɨŋ na kalaŋ kage naŋ, kɨya wa ɨŋ torgɨŋ na duroyge. Na toy di hɨn̰ wo̰ ma, kan ƴomgɨŋge dan̰ kuduroyge.

Kɔl-gɨ-Ɗari gɨ Ja̰ wal 15:25

Ama na kɨya gɨ ɗe kɔl gɨ kan walge duroy magtubu gasɨn̰-kɔl koge gɨŋ ye hɨn̰: “Kan ƴɔmɔŋge dan̰ kuduroyge kalɨn̰ wo̰ dugo le”, ɗe na or kɨɗɨn̰dɨge gaŋ.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Kɔl-gɨ-Ɗari gɨ Ja̰ wal 18:32

Na wo̰ ma, kɔl gɨ Jesu ba ye ojɨn̰ cay gɨyəŋdi tɨmaydi di ɗi na kɨya mare le, or kɨɗɨn̰di gaŋ.

Kɔl-gɨ-Ɗari gɨ Ja̰ wal 19:24

Ɨni na, asɨgarn̰əŋ yen̰ge gusɨge kɔl duroyge yege hɨn̰: «Gumɔjɨ le sagɨdenagɨŋ naŋ, ama jɨbɨnagɨŋ ɓɛlɛ ana solɨn̰gɨŋ, ungo gɨ ɓɛlɛ na ƴɨmayi na, ɗe ay.» Lee gɨ kɔl gɨ kan walge duroy Magtubu Kɨbe-Kɨra dɨŋ le, na or a kɨɗɨn̰di gaŋ, kɔl le ba kɛ: «Kan gosɨnɨn̰ge gusɨge badɨge kange bɨ, Jɨbɨge ɓɛlɛ a cay gumɔjɨ hɨnge gɨ ƴen̰ gɨŋ bɨ.» Na ban ma na hɨnga ga asɨgarn̰əŋ leege le.

Kɔl-gɨ-Ɗari gɨ Ja̰ wal 19:36

Kɨya wa hɨnga ga nee le nɔm lee gusɨge na ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰do gaŋ. Kan walge hɨn̰: «Isidi pɨna wo̰ kalɨn̰ ma, kɨya buyoŋ naŋ.»

Kɔl-gɨ-Ɗari gɨ Ja̰ wal 21:17

Jesu yey gɨ ni tɨba sɨbɨdi yeyi hɨn̰: «Simo kurɨn̰ Ja̰, kɛ ji geyəŋ ga?» Pɨyɛr gusi moyi naŋ, kɨya ɨngɨre gɨ Jesu ɨngɨri gɨ ni tɨba sɨbɨdi gɨŋ yeyi hɨn̰: «Kɛ ji geyəŋ ga le?» Bɨ ban jɨga dɨbi cay nee yeyi hɨn̰: «Ba-gulɔŋ, ji sol hɨnga nɔm, ji sol kuɗa gɨ ɨŋ geyɨn̰.» Ɨni na, Jesu yeyi hɨn̰: «Hɨn̰ wo̰ na, ji gama gamge kange.

Kɔl-gɨ-Ɗari gɨ Ja̰ wal 6:70

Jesu dɨbɨge cay nee yege hɨn̰: «Kɨŋ ga mɔjɨ-caygɨŋ-sɔɔ le, kɛ na ɨŋ ba torgɨŋ naŋ ga? Ama ungo pɨna duroygɨŋ na ba-lɔɔ gɨye gɨ da Haban̰.»

Gɨye-lɔɔ 1:16

«Karmɨnɨ ga ban̰aŋ dan̰ ga kandɨ, kɔl gɨ Turnɔ ɗe-kuduroy-bɛrɛ ba ye dan̰ gɨyəŋ gɨ da Dabid duroy Magtubu di da Kumu dɨŋ di kan wal ojɨn̰ cay Judasɨ gɨ ba bɨle ba-dɔrɛ tumoy ka-ƴɔmɛ Jesu le, naa wa wa kalɨn̰ ma koldi na ɨra ɓalɨn̰a kɨɗɨn̰di gaŋ dɛj.

Gɨye-lɔɔ 1:2

bɨrɨŋ andɨn̰ a boy wɔlɛdi gɨ Kumu ayi orɨn̰ danayi daa nii le. Tumɔ pa dɨm ma gɨ ban kɨya ɔrɛ ƴee na, Jesu gɨlɨn̰ ka-gɨre-gɨye kayi ga ban torge le hɨnga, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Əbɨro 4:13

Hɨnga nɔm ga Kumu si le, pɨna wo̰ ga wosɨ gusɨge cɨndi wo̰ unɔ. Hɨnga nɔm woy cɨn̰-tɨwa dɨŋ ɗen̰ ɗen̰ cɨndi bɨ, tɨla gusɨge cɨndi naŋ bɨ. Na ban ma ojɨ gɨ na kɨya dɔrɛ kardi gɨye-lɔɔdɨna bii bɨ.

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.