Kɔl-gɨ-Ɗari gɨ Ja̰ wal 13:14 - Gabri Maja

¹⁴ Hɨn̰ gɨ ɨŋ-bandi, gɨ ni Ba-gulɔŋ bɨ, Ba-gɨlɨn̰ kalaŋ hɨnga bɨ le, ɨŋ na pɨl tɨbaygɨŋ na, ojɨ gɨ kɨŋ-gandi kalɨn̰ ma, kɨŋ pɨl tɨbay gusɨgɨŋ bɨ.

Kɔl-gɨ-Ɗari gɨ Ja̰ wal 13:14 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 11:2

Mari le, na tama di ɗe yoɗɨn̰ Ba-gulɔŋ sɔŋ di ɨdɨr bɨ, ɗe handɨde cay tɨbayi dan̰ tɨɗi caa bɨ le. Na kurɨndo Lajar ba bɔɔ hɔmɨn̰ɛ.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Pilib 2:11

Ɗe gɨ kɨbɨ te wɔɔ gɨ da kalaŋ nɔm ye gɨ Jesu-Kɨris naa Ba-gulɔŋ, Kɨya dɨbɨn̰ gusoŋ-tɔgɛ cay bayi Kumu.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

1 Pɨyɛr 4:1

Cɨn̰-n̰age di Kɨris way a kuyoŋdi-gusi gɨŋ le kɨŋ sol kuɗa. Na toy di hɨn̰ wo̰ ma kɨŋ-gandi kalɨn̰ ma, kɨŋ ɗa gɨ ɨrɨme gɨ hɨn̰ wo̰ woy caygɨŋ bɨ. Kɨya wa ungo gɨ way cɨn̰-gɨle-cɨn̰ a kuyoŋdi-gusi gɨŋ le, kan puyonge coŋ dan̰ ɨsɨna.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»