Kɔl-gɨ-Ɗari gɨ Ja̰ wal 13:13 - Gabri Maja

¹³ Kɨŋ təŋ na Ba-gɨlɨn̰ kalaŋ hɨnga bɨ, Ba-gulɔŋ bɨ. Bɨ kɨŋ ye na cɨndi hagɨŋ, kɨya wa ɨŋ na ungo ban gɨ nee le.

Kɔl-gɨ-Ɗari gɨ Ja̰ wal 13:13 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Lug wal 10:28

Jesu jɨga dɨbii cay nee yeyi hɨn̰: «Ji dɨbəŋ cay nee dan̰ gɨyəŋdi han̰. Ji na laa hɨnga ga nee le nɔm na, ji kɨya sɔmɛ dan̰ cɨndɨn̰.»

Kɔl-gɨ-Ɗari gɨ Lug wal 6:46

«Na kɨya wa ma magɨŋ təŋ: “Ba-gulɔŋ, Ba-gulɔŋ” bɨ, kɨŋ laa hɨnga ga ɨŋ yəgɨŋ le naŋ ga?

Kɔl-gɨ-Ɗari gɨ Lug wal 7:43

Simo dɨbii cay nee yeyi hɨn̰: «Ɨŋ ɨrɨm hɨn̰ gɨ na ban gɨ tugɨla toyi ba ɗɨn̰ mɨgayi le.» Jesu yey hɨn̰: «Ji boy duroy kɔl le na nee han̰.»

Kɔl-gɨ-Ɗari gɨ Ja̰ wal 11:2

Mari le, na tama di ɗe yoɗɨn̰ Ba-gulɔŋ sɔŋ di ɨdɨr bɨ, ɗe handɨde cay tɨbayi dan̰ tɨɗi caa bɨ le. Na kurɨndo Lajar ba bɔɔ hɔmɨn̰ɛ.

Kɔl-gɨ-Ɗari gɨ Ja̰ wal 11:28

A cay kɔl gɨ nee le, hɨndi or tɔgɛ tɨmdo Mari bɨ yoo dan̰ te tumɔ di dugo yoo hɨn̰: «Ba-gɨlɨn̰ kalaŋ hɨnga caga, ban tene.»

Kɔl-gɨ-Ɗari gɨ Ja̰ wal 11:3

Na toy di hɨn̰ wo̰ ma, karmii ga kandɨ le, gɨyge gusi Jesu yeyige hɨn̰: «Ba-gulɔŋ, ban gɨ ji geyi le, gusi leeyi.»

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

1 Korɛ̰t 8:6

Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.

Epɛs 6:9

Bɨ kɨŋ-gandi gɔyɔŋ ka-gulondɨge, ɨragɨŋ gusi gɔyɔŋ kagɨŋ dan̰ hurɔmɔ hɨn̰ wo̰ bɨ. Kɨŋ ɗɔɔ ba yɔ gɨ kɨŋ na gɨ togdɨge, kɨya wa kɨŋ sol gɨ ungo gɨ na ba-gulondɨge bɨ, ba-gulondɨgɨŋ bɨ le, som na gɨɗɨgɨ-Kumu gɨŋ daa nii bɨ, ban laa hɨnga dɨran̰ cɨn̰ ungo naŋ bɨ.

Pilib 2:11

Ɗe gɨ kɨbɨ te wɔɔ gɨ da kalaŋ nɔm ye gɨ Jesu-Kɨris naa Ba-gulɔŋ, Kɨya dɨbɨn̰ gusoŋ-tɔgɛ cay bayi Kumu.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Magtubu di Jag wal 2:19

Kumu na pɨna hayi kəɗ kəɗ kɛ ji gey cay nee han̰ ga? Kuɗa na ase naŋ. Turnɔ ga ɨsɨndəŋ kalɨn̰ ma, beege kuduroyge cayi na hɨn̰ wo̰ bɨ, ama juɗudonge-bɛrɛ dan̰ hundɔrɔ jag jag.