Kɔl-gɨ-Ɗari gɨ Ja̰ wal 13:1 - Gabri Maja

¹ Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 13:1 ပူးပေါင်းရင်းမြစ်များ

Matɨyo 26:45

Kardi nee ban jɨga gusi ka-aye-cay-tɨbayi bɨ yege hɨn̰: «Kɨŋ woy na kuŋ le ɗaŋ coŋ ga? Kɨŋ gey dɔrɛ na gɨlale ga? Sɨlagɨŋ tɨwadi ɓal ɨni. Kurɨn̰-ungo le ayge cayi ɨni bɨ, kan kɨya dobii kobɨ ka-lɔɔ ɨsɨna bɨ.

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Kɔl-gɨ-Ɗari gɨ Lug wal 22:53

Dan̰ wɔlɛ pɨna pɨna, ɨŋ ɨre danagɨŋ pɨna a duroy gulɔŋ ƴaa-di-da-Kumu dɨŋ kɛ bɨ, ungo pɨna wo̰ dɨba kobi gusɨnɨ kɨya ƴɔmɔŋ naŋ. Ama tɨwa di haw kɛ na, na tɨwa togɨŋ bɨ, na tɨwa da dɔnɔ di ɨsɨni di lee gɨye boy dɨlɨm dɨŋ bɨ.»

Kɔl-gɨ-Ɗari gɨ Lug wal 9:51

Kɨɗɨn̰ ga wɔlɛ gɨ Kumu kɨya dorɨn̰ Jesu a cay gɨsəŋ gaŋ baa mɨnde na, Jesu ƴom gusi mɨjagɨ gɨ ɗi na kɨya ɔrɛ Jerusalɛm

Kɔl-gɨ-Ɗari gɨ Ja̰ wal 11:55

Wɔlɛ gɨ ni leen̰ kɨdɨrɛ Pakɨ gɨ da Jubɨn̰əŋ ba mɨnde. Lee gɨ kalaŋ ga a cay gɨsəŋ ga da Jubɨn̰əŋ kondɨ ɨrgage Jerusalɛm tumɔ, tumoyi kɨdɨrɛ gɨ ni Pakɨ kɨya dorɨn̰ gusɨge mɨra.

Kɔl-gɨ-Ɗari gɨ Ja̰ wal 12:23

Ɨni na, Jesu dɨbɨge cay nee yege hɨn̰: «Tɨwa di Kumu boy bɨn̰ Kurɨn̰-ungo le ɓal ɨni. Haw kɛ, Kumu kɨya gɨle gusoŋ-tɔgɛ koyi.

Kɔl-gɨ-Ɗari gɨ Ja̰ wal 13:29

Judasɨ na ba-game magɨladi gursu. Kan ga pɨna ɨrɨmge gɨ Jesu na yeyi na kol kɨle hɨnga ga ni leen̰ kɨdɨrɛ, naŋ le na moli naa gɔsɨnɛ hɨnga bɨn̰ kalaŋ ga-wɔɔdɨge-unɔ.

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 13:34

Ɨŋ bɨgɨŋ te tumɔ di hɨrɨwa: Geygɨŋ gusɨgɨŋ. Hɨn̰ gɨ ɨŋ ba geygɨŋ le, geygɨŋ gusɨgɨŋ duroygɨŋ hɨn̰ wo̰ bɨ.

Kɔl-gɨ-Ɗari gɨ Ja̰ wal 14:28

Kɨŋ je gɨ ɨŋ yəgɨŋ hɨn̰: «Ɨŋ kɨya ɔrɛ bɨ, ɨŋ kɨya bɨlgɨ jɨga gusɨgɨŋ bɨ.» Hɨn̰ gɨ kɨŋ na geyəŋ na, gusɨgɨŋ kɨya moogɨŋ kɨya ɔrɛ hɨnge gɨ gusi Banɨ, kɨya wa Banɨ na, gumu ɗəŋ coŋ.

Kɔl-gɨ-Ɗari gɨ Ja̰ wal 14:31

Ama na ɗe gɨ kalaŋ ga cay gɨsəŋ gaŋ solɨn̰ge gɨ ɨŋ na gey Banɨ bɨ, ɨŋ na lee hɨnga naa dan̰ te tumɔ di ban na ay bəŋ bɨ. Sagɨŋ daa, ana orgɨŋ ɗegɨŋ kɨɗɨn̰ ga kɛ coŋ!

Kɔl-gɨ-Ɗari gɨ Ja̰ wal 16:28

Ɨŋ sayga na gusi Banɨ nii, ma maŋ ɨrga a cay gɨsəŋ gaŋ kɛ. Haw kɛ ɨŋ kɨya sɔ cay gɨsəŋ gaŋ kɛ, jɔgɛ gusi Banɨ.

Kɔl-gɨ-Ɗari gɨ Ja̰ wal 17:1

Kɨɗɨn̰ ga Jesu ye kɔl hɨn̰ wo̰ nɔm coŋ ɨni na, Ban ay cɨndi da solɨn̰ gɨɗɨgɨ-Kumu bɨ ye hɨn̰: «Banɨ, tɨwadi ɓal ɨni, gɨl gusoŋ-tɔgɛ kon̰ a cay kurondɨn̰, ɗe gɨ kurondɨn̰ kalɨn̰ ma gɨlɨn̰ kalaŋ ga cay gɨsəŋ gaŋ gusoŋ-tɔgɛ kon̰ bɨ.

Kɔl-gɨ-Ɗari gɨ Ja̰ wal 17:16

Kan na kalaŋ ga a cay gɨsəŋ gaŋ naŋ, hɨn̰ gɨ ɨŋ-bandi kalɨn̰ ma, ɨŋ na ungo koge gɨ a cay gɨsəŋ gaŋ naŋ bɨ.

Kɔl-gɨ-Ɗari gɨ Ja̰ wal 17:26

Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 18:4

Jesu sol hɨnga nɔm ga ba kɨya andaŋ cayi le. Ban or ojɨge bɨ, ɨngɨrge yege hɨn̰: «Kɛ kɨŋ mal na waŋ ga?»

Kɔl-gɨ-Ɗari gɨ Ja̰ wal 19:28

Kardi nee, Jesu sol gɨ te hɨnga nɔm ayaŋ ɨni na, ban ye kɔl ɗe gɨ hɨnga ga kan ba walge duroy Magtubu di da Kumu dɨŋ le, na or kɨɗɨn̰dɨge gaŋ. Ban ye hɨn̰: «Gamase dəŋ.»

Kɔl-gɨ-Ɗari gɨ Ja̰ wal 2:13

Wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ baa mɨnde, lee gɨ Jesu or a cay ƴaa-di-gumu di Jerusalɛm dɨŋ.

Kɔl-gɨ-Ɗari gɨ Ja̰ wal 6:4

Kɨdɨrɛ gɨ ni Pakɨ gɨ da Jubɨn̰əŋ le, cayi baa mɨnde.

Kɔl-gɨ-Ɗari gɨ Ja̰ wal 7:30

Kɨɗɨn̰di ga nee gaŋ le, kan malge gɨyəŋ gɨ ni ƴomii ama ungo pɨna wo̰ ɗa kobi cayi ƴɨmayi naŋ, kɨya wa tɨwa di Kumu ojɨ kol cayi ɓala naŋ ƴee.

Kɔl-gɨ-Ɗari gɨ Ja̰ wal 7:6

Ɨni na, Jesu dɨbɨge cay nee yege hɨn̰: «Wɔlɛ hɨnge ɓala naŋ ƴee. Ama kogɨŋ kɨŋ-gandi na, tɨwa di ani ani kalɨn̰ ma, na tɨwa togɨŋ.

Kɔl-gɨ-Ɗari gɨ Ja̰ wal 8:20

Jesu ye kɔl gɨ nee le, na kɨɗɨn̰ ga ban ɨre gɨlɨn̰ kalaŋ kɔl duroy ƴaa-di-da-Kumu dɨŋ, mɨnde dan̰ hɨnga ga kan been̰ gursu nee bɨn̰ Kumu. Ungo ɓala ƴɔmii naŋ kɨya wa tɨwa toyii di Kumu ojɨ le ɨre naŋ ƴee.

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Ja̰ 4:19

Na-gandi na, na geygɨŋ Kumu bɨ kamdɨnagɨŋ bɨ, kɨya gɨ na ban ba geynagɨŋ cay wase.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.