Kɔl-gɨ-Ɗari gɨ Ja̰ wal 12:48 - Gabri Maja

⁴⁸ Ungo gɨ na kan̰aŋ bɨ, gey kɔl hɨnge naŋ bɨ le, ban way ba bɔyɛ kɔl cayi ɨni: Kɔl gɨ ɨŋ ba ye le, kɨya bɔyɛ kɔl cayi, a wɔlɛ kagadi gɨŋ.

Kɔl-gɨ-Ɗari gɨ Ja̰ wal 12:48 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Matɨyo 21:42

Bɨ Jesu yege hɨn̰: «Kɛ, kɨŋ ɗɨngɨsa kɔl gɨ kɛ le, duroy Magtubu di da Kumu dɨŋ naŋ ga? “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi gɨ kan ɗe tɨbɨn̰ ƴaa dɨŋ. Hɨnga ga nee le, na gɨye-lɔɔ gɨ da Ba-gulɔŋ. Lee gɨ say bɨle hɨnga ga ɗɨn̰ cɨn̰-kɨɗɨn̰ cɨndɨnagɨŋ.”

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Marg 12:10

Kɔl gɨ kan walge duroy Magtubu di da Kumu dɨŋ yege hɨn̰: “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi, Gɨ kan ɗege tɨbɨn̰ ƴaa dɨŋ.

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Marg 8:31

Kardi nee, Jesu ay te gɨlɨn̰ ka-aye-cay-tɨbayi hɨnga yen̰ hɨn̰: «Ɨŋ-bandi Kurɨn̰-ungo le naa wa wa kalɨn̰ ma, ɨŋ kɨya gɨle-cɨn̰ tɔgɨ bɨ, Jubɨn̰əŋ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kɨya kan̰aŋge bɨ dɨɗəŋge bɨ. Bɨ wɔlɛ sɨbɨ kardi nee, ɨŋ kɨya bɔyɛ lɨbe duroy kalaŋ ga madɨrdaŋ gaŋ.»

Kɔl-gɨ-Ɗari gɨ Lug wal 10:16

Ban jɨga yen̰ ka-aye-cay-tɨbayi yege hɨn̰: «Waŋ waŋ gɨ na ja kɔl kogɨŋ na, je na kɔl hɨnge bɨ. Waŋ waŋ gɨ na jɨbɨgɨŋ sɛdɨ coŋ na, jɨbəŋ na ɨŋ-bandi sɛdɨ coŋ bɨ. Waŋ waŋ gɨ na jɨbəŋ sɛdɨ coŋ na, jɨb na ban gɨ ba gɨyigəŋ sɛdɨ coŋ bɨ.»

Kɔl-gɨ-Ɗari gɨ Lug wal 17:25

Ama, pa dɨm ma ɗe wɔlɛdi gɨ nee le na caga ƴee na, ɨŋ kɨya wɔɔ cɨn̰-gɨle-cɨn̰ tɔgɨ bɨ, kalaŋ ga haw kɛ kɨya kan̰aŋge bɨ.

Kɔl-gɨ-Ɗari gɨ Lug wal 20:17

Ama Jesu sol cɨndɨge pɨna pɨna bɨ yege hɨn̰: «Hɨn̰ wo̰ na kɔl gɨ kan wal duroy magtubu Kɨbe Kɨra Sɔm ye naa wa ga? “Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi Gɨ kan ɗe tɨbɨn̰ ƴaa dɨŋ.”

Kɔl-gɨ-Ɗari gɨ Lug wal 7:30

Ama Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kan̰ge gɨ Ja̰ na laage batɛm, kan̰in̰ge hɨnga ga Kumu ojɨ kol cayge.

Kɔl-gɨ-Ɗari gɨ Lug wal 9:22

Bɨ ban dɨbɨge cay nee ye hɨn̰: «Ɨŋ-bandi Kurɨn̰-ungo le naa wa wa kalɨn̰ ma, ɨŋ kɨya gɨle-cɨn̰ tɔgɨ bɨ, Jubɨ ga muɗoldoŋ bɨ, ka-cay ka-bɔgɛ kɨbar dan̰ ka-gɨlɨn̰ kalaŋ gasɨn̰-kɔl gɨ da Moyis kɨya kan̰aŋge bɨ, kɨya dɨɗəŋge bɨ. Ama wɔlɛ sɨbɨdi gɨŋ le, ɨŋ kɨya bɔyɛ lɨbe duroy kalaŋ ga madɨrdaŋ.»

Kɔl-gɨ-Ɗari gɨ Lug wal 9:26

Hɨn̰ gɨ ungo na daa dasi, kɨɗɨn̰ ga kan na tɨga gusoŋnɨ bɨ kɨɗɨn̰ ga kan na dɨra kɔl hɨnge bɨ na, ɨŋ-bandi Kurɨn̰-ungo le, ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a tɨnge bɨ, dan̰ asɨn̰a da Banɨ bɨ, dan̰ asɨn̰a da ka-ƴɔbɛ ga daa nii ga woyge dan̰ cɨndɨge bɨ.

Kɔl-gɨ-Ɗari gɨ Ja̰ wal 11:24

Mart dɨbii cay nee yeyi hɨn̰: «Ɨŋ sol gɨ ban kɨya bɔyɛ lɨbe a wɔlɛ kagadi gɨŋ, kɨɗɨn̰ ga kalaŋ ga mage kɨya bɔyɛge lɨbe le.»

Kɔl-gɨ-Ɗari gɨ Ja̰ wal 5:45

Kɨŋ ɗɔɔ ba ɨrɨme gɨ naa ɨŋ-bandi na ba kɨya dɨbe kɔl caygɨŋ tumoyi Banɨ naŋ. Ban gɨ ba kɨya dɨbe kɔl caygɨŋ le na Moyis, ban gɨ kɨŋ bee ɨrɨmedɨgɨŋ cayi le.

Kɔl-gɨ-Ɗari gɨ Ja̰ wal 6:39

Kuduroy-geye gɨ da ban gɨ ba gɨyigəŋ le, na gɨ ɨŋ na gɨ kaye ungo pɨna duroy kan ga ban ba bəŋ danage le naŋ. Ama na gɨ ɨŋ na bɨyage lɨbɨ a wɔlɛ kagadi gɨŋ.

Kɔl-gɨ-Ɗari gɨ Ja̰ wal 8:47

Ungo gɨ da Kumu le, je na kɔl gɨ da Kumu nɔm. Ama kɨŋ-gandi kɨŋ ja naŋ kɨya wa kɨŋ na ga da Kumu naŋ.

Gɨye-lɔɔ 17:31

Kɨya wa ban boy wɔlɛ gɨ ban kɨya bon̰ kɔl dan̰ gɨyəŋdi cay kalaŋ nɔm ga a cay gɨsəŋ gaŋ le. Ban kɨya bɔyɛ kɔl cay kalaŋ dan̰ gɨyəŋ gɨ da ungo gɨ ban dorii ɗeyi. Ungo le ma ama ban boyi lɨbii, gɨlɨn̰ kalaŋ nɔm gɨ ban na kɨya bɔyɛ kɔl na dan̰ gɨyəŋ gɨ da ungo gɨ nee le, leen̰ cɨndi.»

Gɨye-lɔɔ 3:23

Waŋ waŋ gɨ na ja kɔl kɨbɨ, Ba-yɔɔ-kɔl-gɨ-Kumu-ba-yɔɔ gɨ nee le naŋ na, Kan kɨya dorii duroy kalaŋ ga da Kumu gaŋ coŋ dɨɗiige.”

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

2 Korɛ̰t 4:3

Ama hɨn̰ gɨ hɨnga na tɨla cɨn̰ Kɔl-gɨ-Ɗari gɨ ni ba tee bɛrnɛdi le na, tol na cɨn̰ kan ga kɨya kayaŋge a te gɨyəŋ gɨŋ coŋ.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

Əbɨro 10:25

Na ɗɔɔ ba ɗɔɔ kɨɗɨn̰ dayaŋ kana coŋ naŋ, hɨn̰ gɨ kalaŋ ga pɨna ba sunoŋge toy nee wo̰. Ama dɨbanagɨŋ bandɨ kuduroy gusɨnagɨŋ, kɨya wa kɨŋ sol wɔlɛ gɨ da Ba-gulɔŋ wɨyga mɨnde ɨni.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Əbɨro 4:12

Na cɨndi, kɔl gɨ da Kumu le na kɔl gɨ som-bɨra bɨ, togii woy nee bɨ, ƴee ɗɨn̰ pəlɨm di ƴee gasɨndo sɔɔ bɨ. Hɨndi andaŋ kuduroy ungo, or bɨrɨŋ pɔyɛ kɨɗɨn̰ ga ungo habedi bɨ, turnoy bɨ dayaŋge nee gaŋ daa. Bɨ or bɨrɨŋ pɔyɛ kɨɗɨn̰ ga gurɨyadi dan̰ sɔŋ gɨ a duroy isidi dayaŋge nee gaŋ daa bɨ. Kɔl gɨ da Kumu boy kɔl a cay hɨnga nɔm ga ungo ojɨ lɔɔ bɨ, cay ɨrɨme gɨ woy a kuduroy ungo gɨŋ bɨ.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

2 Pɨyɛr 3:3

Hɨnga ga ojɨ gɨ kɨŋ kɨya sɔlɛ cay wase ba kɛ: A kagadi wɔlɛ gɨŋ na, kalaŋ ka-lɔɔ hɨnga ga tabɨlaŋdɨge woy kuduroyge kɨya andaŋge. Kan kɨya asɨgɨŋge,

2 Pɨyɛr 3:7

Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.