Kɔl-gɨ-Ɗari gɨ Ja̰ wal 12:35 - Gabri Maja

³⁵ Ɨni na, Jesu dɨbɨge cay nee yege hɨn̰: «Asɨn̰a baa duroygɨŋ gɨ ni wɔlɛ lam ƴee. Guragɨŋ kɨɗɨn̰ ga asɨn̰a baa danagɨŋ ƴee, ɗe dɨlɨm ƴogɨŋ naŋ. Ungo gɨ gor duroy dɨlɨm dɨŋ le, sɨla kɨɗɨn̰ ga gɨyəŋ koyi orɨn̰ danayi jɨn̰ nee naŋ.

Kɔl-gɨ-Ɗari gɨ Ja̰ wal 12:35 ပူးပေါင်းရင်းမြစ်များ

Kɔl-gɨ-Ɗari gɨ Lug wal 18:37

Kalaŋ le jɨga dibiige cay nee yeyige hɨn̰: «Na Jesu gɨ Najarɛt ba pɨde.»

Kɔl-gɨ-Ɗari gɨ Ja̰ wal 11:10

Ama hɨn̰ gɨ ungo na ɨra duroy son̰do dɨŋ na, hɨnga kɨya dɔgɛ tɨbayi ɗoyi dandaŋ kɨya wa ban ɨran̰ dan̰ asɨn̰a naŋ.»

Kɔl-gɨ-Ɗari gɨ Ja̰ wal 11:9

Jesu dɨbɨge cay nee yege hɨn̰: «Kɛ, duroy wɔlɛ pɨna le, karɨn̰ tɨwa na mɔjɨ-cayge-sɔɔ nee naŋ ga? Hɨn̰ gɨ ungo na ɨra dan̰ tɨwa di ɨni na, hɨnga kɨya dɔgɛ tɨbayi ɗoyi dandaŋ naŋ, kɨya wa ban sol kɨɗɨn̰ ga asɨn̰ a cay kalaŋ ga cay gɨsəŋ gaŋ kɛ.

Kɔl-gɨ-Ɗari gɨ Ja̰ wal 12:36

Kɨɗɨn̰ ga asɨn̰a baa danagɨŋ ƴee na, kɨŋ bɨga kuduroygɨŋ cay kɨɗɨn̰ ga asɨn̰ gaŋ le, ɗe agɨŋ bɨlɨn̰ karɨn̰-kɨɗɨn̰ ga asɨn̰.» Kɨɗɨn̰ ga Jesu yege kɔl gɨ nee le hɨn̰ wo̰ ɨni na, ban dor gusi coŋ gusɨge wosɨ gusi.

Kɔl-gɨ-Ɗari gɨ Ja̰ wal 12:46

Ɨŋ-bandi kɨɗɨn̰ ga asɨn̰ le, ɨŋ ɨrga cay gɨsəŋ gaŋ. Na ɗe gɨ waŋ waŋ gɨ na bɨga kuduroy canɨ na, na kɨya sɔmɛ a duroy dɨlɨm dɨŋ naŋ.

Kɔl-gɨ-Ɗari gɨ Ja̰ wal 16:16

«Lam wo̰ nee na, kɨŋ kɨya sɔlɔŋ dan̰ cɨndɨgɨŋ naŋ ɨni bɨ, lam wo̰ kardi nee na, kɨŋ kɨya jɔgɛ sɔlɔŋ dan̰ cɨndɨgɨŋ bɨ.

Kɔl-gɨ-Ɗari gɨ Ja̰ wal 7:33

Ɨni na, Jesu yege hɨn̰: «Ɨŋ ba danagɨŋ kɨya lɔɔ wɔlɛ lam ƴee, bɨ kardi nee na ɨŋ kɨya jɔgɛ gusi ban gɨ ba gɨyigəŋ.

Kɔl-gɨ-Ɗari gɨ Ja̰ wal 8:12

Jesu jɨga yen̰ dɨmdɨrdi kalaŋ ɗaŋ coŋ yege hɨn̰: «Ɨŋ na asɨn̰a gɨ da kalaŋ ga cay gɨsəŋ gaŋ. Ungo gɨ na kɨba karɨnɨ na, kɨya gɔrɛ duroy dɨlɨm dɨŋ naŋ bɨ, kɨya wɔɔ asɨn̰a gɨ or a kɨɗɨn̰ sɔmɛ-bɨra gɨ dan̰ cɨndi gɨŋ bɨ.»

2 Korɛ̰t 3:14

Ama kan ga nee le ɨrɨmedɨge lugoŋ. Bɨrɨŋ gɨsɨn̰ labɨde hɨn̰ gɨ kan na ɗɨngɨsa kɔl gɨ da saɗe kɨbɨ pɨna ɓɨse gusu gɨ ɨlgi bɨge na, kɨbɨ badɨge ga tool cɨn̰ le woy ɨrɨmedɨge gɨŋ narge sɔlɛ duroy kɔl kuɗa. Kɨbɨ badɨge le kɨya ayaŋ na hɨn̰ gɨ kan na bugoŋ pɨna dan̰ Kɨris dɨm.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.