Kɔl-gɨ-Ɗari gɨ Ja̰ wal 12:29 - Gabri Maja

²⁹ Dɨmdɨrdi kalaŋ ga ba ɨrege nee bɨ, jege noy ungo bɨ le, yege hɨn̰: «Naa Kumu na ba ale toy.» Ga ɗaŋ yege hɨn̰: «Naa ba-ƴɔbɛ gɨ daa nii na ba yoyi kɔl.»

Kɔl-gɨ-Ɗari gɨ Ja̰ wal 12:29 ပူးပေါင်းရင်းမြစ်များ

Gɨye-lɔɔ 9:7

Kalaŋ ga ka-ɔrɛ tɨrga dan̰ Sol le, jɨbge ɨrege dugo kɨbɨge munduŋ. Kɨya wa kan jege noy ungo le kuɗa, ama kan sɨla ungo gusi naŋ.

Wasɨn̰a 11:19

Kardi nee na, kɨbɨ-ƴaa gɨ da ƴaa-di-da-Kumu gɨ a gɨɗɨgɨ-Kumu gɨŋ hangaŋ, lee gɨ sandugu di ni saɗe kɨbɨ pɨna ɓɨse gusu woy doŋ. Kɨɗɨn̰di ga nee gaŋ le, Kumu wɨlɨn̰de bɨ, adɨlde bɨ, noy ungo ye bɨ, cay gɨsəŋ sayde den̰ den̰ bɨ, gɨna gɨ da kaŋdi Kumu kondɨ laydaŋ bɨ.

Wasɨn̰a 14:2

Ɨni na, ɨŋ je te tumɔ di sayga gɨɗɨgɨ-Kumu gɨŋ, te tumɔ le ye hɨn̰ noy kaŋdi kuray gɨ gumu taa taa gɨ ye dan̰ togɨyge wo̰ bɨ, hɨn̰ noy kumu gɨ al tɔgɨ wo̰ bɨ. Te tumɔ di ɨŋ ba je le kalɨn̰ ma, ye hɨn̰ noy jange ga ka-dɔgɛdɨge dege wo̰.

Wasɨn̰a 6:1

Kardi nee ɨŋ sol Kurɨn̰-dɨmangɨ ƴom tambo di ɓagɨmɨn̰ge kɨbɨ magtubu pɨna duroy ga jurgum le haŋgɨ ɨni na, ɨŋ je noy kandi-se ga gɨɗɨgɨ-Kumu gaŋ pɨna duroy ga poɗɨn̰ ye dan̰ te tumoyi di ye hɨn̰ ale gɨ da Kumu wo̰ ye hɨn̰: «Ɨre.»

Wasɨn̰a 8:5

Kardi nee ɨni na, ba-ƴɔbɛ gɨ daa nii don kurji tɨwa di woy a cay kɨɗɨn̰ ga kan gaɗɨge kɨya bogɨn̰ kɨbar nee gaŋ le, walɨn̰ pɨray gɨ ni ulɨn̰ kɨrbaŋdi hɨnga ga ɗo̰ tɨna le tɨlɛj daa ɨni na, ban nogu bee a cay gɨsəŋ gaŋ. Kɨɗɨn̰di ga nee gaŋ le bɨ, kumu al bɨ, noy kalaŋ ye bɨ, kumu wɨlɨn̰ bɨ, cay gɨsəŋ yɨbagde yɨbag yɨbag bɨ.