Kɔl-gɨ-Ɗari gɨ Ja̰ wal 12:28 - Gabri Maja

²⁸ Golgo gɨ ni yɔ hɨn̰: Banɨ, dɨbɨ gusoŋ-tɔgɛ a cay gusondɨn̰.» Ɨni na, noy ungo sayga daa nii ye hɨn̰: «Ɨŋ dɨbɨ gusoŋ-tɔgɛ cay gusoŋnɨ ɨni bɨ, ɨŋ kɨya dɨbe cay gusoŋnɨ nee coŋ.»

Kɔl-gɨ-Ɗari gɨ Ja̰ wal 12:28 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 11:26

Ho’o Banɨ, na ban mana hɨnga ga ji ojɨ dan̰ kuduroy geye kon̰.»

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Marg 1:11

Kɨɗɨn̰di ga nee gaŋ le, noy ungo ye a gɨɗɨgɨ-Kumu gɨŋ hɨn̰: «Ji na Kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Marg 14:36

Ban ye hɨn̰: «Aba! Banɨ, ji ɓal lɔɔ hɨnga nɔm, aya kobo gɨ ni son̰ hɨnga ga ni n̰age ga kɛ le canɨ coŋ. Ama ɗa ɗe woy na hɨn̰ gɨ ji-bandi ji gey wala, na hɨn̰ gɨ ɨŋ-bandi ɨŋ gey wo̰ naŋ.»

Marg 9:7

Kɨɗɨn̰di ga nee gaŋ le bɨ gɨrɨmbale andaŋ tol cayge bɨ, noy ungo ye kɔl duroy gɨrɨmbale gaŋ le hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, jagɨŋ kɔl koyi.»

Kɔl-gɨ-Ɗari gɨ Lug wal 3:22

Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Lug wal 9:35

Ɨni na, duroy gɨrɨmbale gaŋ le, noy ungo ye hɨn̰: «Ban gɨ kɛ le, na Kuronɨ, gɨ Ɨŋ dorii ɗey dan̰ cɨndi. Jagɨŋ kɔl kɨbi!»

Kɔl-gɨ-Ɗari gɨ Ja̰ wal 11:4

Kɨɗɨn̰ ga Jesu je ƴɔbɛ gɨ nee le na, ban ye hɨn̰: «Hɔmɨn̰ɛ gɨ nee le kɨya dɨɗe kɨbi dan̰ tɨma naŋ, ama woy na kɨya dɨbe gusoŋ-tɔgɛ a cay Kumu ɗe gɨ Kurɨn̰-Kumu kalɨn̰ ma wan̰ gusoŋ-tɔgɛ nee bɨ.»

Kɔl-gɨ-Ɗari gɨ Ja̰ wal 18:11

Ɨni na, Jesu yen̰ Pɨyɛr hɨn̰: «Jɨgan̰ dan̰ pəlɨm ton̰ dɨba duroy ƴaado dɨŋ. Kɛ, ɨŋ gɨ sɔɔ hɨnga ga a duroy kobo gɨle-cɨn̰ gɨ da Banɨ gɨŋ ga ba ɗe gɨsin̰ canɨ le naŋ ga?»

Kɔl-gɨ-Ɗari gɨ Ja̰ wal 9:3

Ɨni na, Jesu jɨga dɨbɨge cay nee yege hɨn̰: «Ban bɨbɨ na kɨya cay ɨsɨna koyi naŋ bɨ, ɨsɨna gɨ da ka-woyi naŋ bɨ. Ama na ɗe gɨ gɨye gɨ da Kumu na gɨl gusi doŋ a cayi.

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

Epɛs 3:21

Gusoŋ-tɔgɛ na gɨ da Kumu duroy Ka-Daye ga bugoŋge pɨna dan̰ Jesu-Kɨris, ɨlge dan̰ ɨlge. Ɗa-ɗe-woy-hɨn̰-wo̰!

2 Pɨyɛr 1:17

Ni ɨre nee kɨɗɨn̰ ga Bay Kumu bii hurɔmɔ bɨ gusoŋ-tɔgɛ bɨ. Te tumɔ di sayga duroy jɨran̰e dɨŋ di ɗɨn̰ hɨnga nɔm le ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi.»