Kɔl-gɨ-Ɗari gɨ Ja̰ wal 12:16 - Gabri Maja

¹⁶ Kɨɗɨn̰ ga hɨnga ga nee le lee gusɨge na, ka-aye-cay-tɨbayi sɨlage te hɨnga ga nee le naŋ! Ama kɨɗɨn̰ ga Kumu ba dɨbɨ gusoŋ-tɔgɛ a cay Jesu na, kan hɨnɨge bɨ solge gɨ kalaŋ na leeyige naa hɨnga ga na walge koldɨge duroy Magtubu di da Kumu di kan walge tumɔ ojɨn̰ cayi le. Bɨ na hɨnga ga nee le ma kan lee kol cayi.

Kɔl-gɨ-Ɗari gɨ Ja̰ wal 12:16 ပူးပေါင်းရင်းမြစ်များ

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Marg 9:32

Ama ka-aye-cay-tɨbayi sɨlage duroy kɔl gɨ nee le naŋ bɨ, hɨndarge ɨngɨrii kɔl bɨ.

Kɔl-gɨ-Ɗari gɨ Lug wal 18:34

Ama ka-aye-cay-tɨbayi sɨlage duroy kɔl le naŋ. Kɨya wa na kɔl gɨ cɨndɨge hangaŋ cay nee naŋ. Ban ye na koldi wa kalɨn̰ ma kan sɨla duroy naŋ.

Kɔl-gɨ-Ɗari gɨ Lug wal 24:25

Ɨni na, Jesu yege hɨn̰: «Ay! Ka-dɨngale ga ɨrɨmedɨgɨŋ nɨn̰e tɔgɨ. Kɨŋ baa bɔgɛ kuduroygɨŋ a cay kɔl nɔm gɨ ka-yɔɔ-kɔl-gɨ-Kumu-ba-yɔɔ ba yege le ga?

Kɔl-gɨ-Ɗari gɨ Lug wal 24:45

Ɨni na, ban haŋgɨ cɨndɨge, ɗe kan na solɨn̰ te kɔl gɨ kan ba walge a duroy Magtubu di da Kumu dɨŋ le.

Kɔl-gɨ-Ɗari gɨ Lug wal 9:45

Ama kan sɨlage te kɔl le naŋ. Kɨya wa na kɔl gɨ saɗi, ɗe kan na dɨle sɔlɛ duroyi. Ama kan hɨndarge ɨngɨrii te kɔl le.

Kɔl-gɨ-Ɗari gɨ Ja̰ wal 12:23

Ɨni na, Jesu dɨbɨge cay nee yege hɨn̰: «Tɨwa di Kumu boy bɨn̰ Kurɨn̰-ungo le ɓal ɨni. Haw kɛ, Kumu kɨya gɨle gusoŋ-tɔgɛ koyi.

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 16:4

Ama ɨŋ yəgɨŋ kɔl gɨ nee le, na ɗe gɨ kɨɗɨn̰ ga wɔlɛdi na ɓala na, kuduroygɨŋ na hɨn cay nee, gɨ ɨŋ na yəgɨŋ koldi ɨni. Ayɨn̰ a toy dɨŋ, ɨŋ yagɨŋ kɔl gɨ nee le naŋ, na kɨya gɨ ɨŋ-bandi kalɨn̰ ma, ɨŋ ba danagɨŋ ƴee.»

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 2:22

Bɨ kɨɗɨn̰ ga Jesu boy lɨbɨ duroy kalaŋ ga madɨrdaŋ gaŋ na, ka-aye-cay-tɨbayi hɨnɨge gɨ ban ni na, naa yege hɨn̰ wo̰. Bɨ kan beege kuduroyge a cay kɔl gɨ kan walge duroy Magtubu di da Kumu dɨŋ bɨ, cay kɔl gɨ Jesu ba naa yege le bɨ.

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 2:36

«Hɨn̰ wo̰ na, kuɗa gɨ waŋ waŋ gɨ a te wɨn̰je gɨ da Ɨsɨrayɛl sɨla kɔl gɨ kɛ le kuɗa: Jesu gɨ kɨŋ ba gagɨlii a cay sɨya-gɨ-dagɨli gɨŋ le, na ban ma Kumu bɨlii Ba-gulɔŋ bɨ, Kɨris ban gɨ Kumu dorii nee bɨ.»

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 8:1

Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.