Kɔl-gɨ-Ɗari gɨ Ja̰ wal 11:52 - Gabri Maja

⁵² Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Kɔl-gɨ-Ɗari gɨ Ja̰ wal 11:52 ပူးပေါင်းရင်းမြစ်များ

Kɔl-gɨ-Ɗari gɨ Lug wal 15:8

«Naŋ le, kɛ na tama di ani ma hɨn̰ gɨ hɨndi na ɨran̰ dan̰ sɨle mɔjɨ kɔbɔ, ma di pɨna di ɓal cay kobɨ ba-lɔɔ gɨye gɨ ni wɔlɛ pɨna na ba kayaŋ na, hɨndi gɨ tale tɨwa lamba dɨŋ sarɨn̰ kɨɗɨn̰ bɔr bɔr malɨn̰ bɨrɨŋ wan̰ naŋ ga?

Kɔl-gɨ-Ɗari gɨ Lug wal 2:32

Ban na asɨn̰a gɨ kɨya gɨlɨn̰ te wɔɔ Gɨ da kalaŋ nɔm nɔm ga cay gɨsəŋ gaŋ gɨ ji na waŋ ga. Bɨ, kɨya dɨbe gusoŋ-tɔgɛ a cay kalaŋ kan̰ Ga a te wɨn̰je gɨ da Ɨsɨrayɛl gɨŋ bɨ.»

Kɔl-gɨ-Ɗari gɨ Ja̰ wal 1:12

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 10:16

Ɨŋ orɨn̰ dan̰ gamge ga ɗaŋ ga unɔge a boy jaŋ gɨ kɛ gɨŋ. Naa wa wa kalɨn̰ ma, ɨŋ kɨya malgage ɨrgan̰ danage ƴee. Kan kɨya jɔɔ nonɨ ɨni na, ɨŋ kɨya bogɨge pɨna ɗe bɨlege kondɨwadi te gamge ga pɨna hage bɨ, ba sɔlɛ kardɨge kalɨn̰ ma kɨya wɔyɛ na pɨna hayi bɨ.

Kɔl-gɨ-Ɗari gɨ Ja̰ wal 12:32

Ama ɨŋ-bandi le, kɨɗɨn̰ ga kan kɨya seŋge daa a cay sɨya-gɨ-dagɨli gɨŋ na, ɨŋ kɨya dɔrɛ kalaŋ nɔm ɨrgan̰ danage gusɨnɨ.»

Gɨye-lɔɔ 18:10

Kɨya wa ɨŋ woy danan̰. Ungo gɨ kɨya ɓale ƴomɨn̰ leen̰ hɨnga ga ɨsɨni unɔ. Kɨya wa ɨŋ orɨn̰ dan̰ kalaŋ kondɨ, ga na kange a cay ƴaa-di-gumu di nee dɨŋ le.»

Magtubu di Pol wal bɨn̰ kalaŋ ga Rɔm 3:29

Kɛ, kɨŋ ɨrɨm hɨn̰ gɨ Kumu naa Kumu gɨ da Jubɨn̰əŋ kan̰dɨge ga? Kɛ, te kalaŋ ga toyge na Jubɨ naŋ le, ban na Kumu koge bɨ naŋ ga? Ban na Kumu koge bɨ leen̰ cɨndi,

Magtubu di Pol wal bɨn̰ kalaŋ ga Rɔm 4:17

Na hɨn̰ gɨ ba walge a duroy Magtubu di da Kumu dɨŋ ye hɨn̰: «Na ji-bandi ma maŋ lee gɨ ji bɨle mon̰ gɨ da te wɔɔ gɨ da kalaŋ ga dan̰ kondiige.» Ban na mon̰dɨna a cɨn̰ Kumu gɨ ban bee kuduroy cayi, gɨ ba bɨn̰ kalaŋ ga mage sɔmɛ gɨ bɨra bɨ, ba andɨn̰ dan̰ hɨnga ga unɔ bɨ.

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

Epɛs 3:11

Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,