Kɔl-gɨ-Ɗari gɨ Ja̰ wal 11:42 - Gabri Maja

⁴² Ɨŋ-bandi le ɨŋ sol leen̰ cɨndi gɨ ji je ɔlɛ hɨnge daa daa han̰, ama ɨŋ ye kɔl na kɨya dɨmdɨrdi kalaŋ ga ba nɨwɨrəŋge kɛ le, ɗe beege kuduroyige cay hɨnga ga nee le: Gɨ ji naa ba gɨyigəŋ.»

Kɔl-gɨ-Ɗari gɨ Ja̰ wal 11:42 ပူးပေါင်းရင်းမြစ်များ

Matɨyo 26:53

Ji ɨrɨm gɨ ɨŋ na ɓala gɨ ni ɨngɨre Banɨ ɗe na gɨrəŋ daa naŋ ga? Hɨn̰ gɨ ɨŋ na ɨngɨrii na, kɔl gɨ kɨbɨna kɛ bɨ, ban kɨya gɨygɨn̰ dan̰ ka-ƴɔbɛ ga daa nii dubu-dubu dan̰ kondiige bɨ, toyge kɨya ɓale mɔjɨ-cayge-sɔɔ bɨ, kol canɨ.

Kɔl-gɨ-Ɗari gɨ Ja̰ wal 11:22

Ama haw kɛ kalɨn̰ ma, ɨŋ sol gɨ hɨnga nɔm ga ji na ɨngɨr na, Kumu kɨya bɨn̰.

Kɔl-gɨ-Ɗari gɨ Ja̰ wal 11:31

Jubɨn̰əŋ ga ba somge danaa duroy ƴaa gɨŋ jalɨn̰ge ɗugɔ le. Kan solge gɨ hɨndi de say daa kɨrɛɗ kɨya andaŋ doŋ na, kan kobɨge kardo. Kɨya wa kan ɨrɨmge gɨ hɨndi na or naa cay kamɨn̰aŋ gaŋ kɨya ɨle.

Kɔl-gɨ-Ɗari gɨ Ja̰ wal 11:43

Kɨɗɨn̰ ga ban ye hɨn̰ wo̰ ɨni na, ban ye kɔl dan̰ noyi di daa pəŋ ye hɨn̰: «Lajar, endəŋ.»

Kɔl-gɨ-Ɗari gɨ Ja̰ wal 12:11

Kɨya wa, na kol cayi ma kondɨwadi Jubɨn̰əŋ ɗegege coŋ bɨ, beege kuduroyge a cay Jesu.

Kɔl-gɨ-Ɗari gɨ Ja̰ wal 12:17

Dɨmdɨrdi kalaŋ ga ɨrege dan̰ Jesu kɨɗɨn̰ ga ban te Lajar ɗe na andɨgaŋ doŋ duroy umboŋ garma gɨ habɨlge gɨŋ bɨ, boyi lɨbii duroy kan ga madɨrdaŋ gaŋ le, leege tɨmon̰ di da hɨnga ga kan solge.

Kɔl-gɨ-Ɗari gɨ Ja̰ wal 17:21

Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.

Kɔl-gɨ-Ɗari gɨ Ja̰ wal 17:25

Ay Banɨ, ji gɨ dan̰ durɔ ɗɨngar. Kalaŋ ga cay gɨsəŋ gaŋ sɨlan̰ge naŋ. Ama ɨŋ-bandi ɨŋ solɨn̰ bɨ, kan ga ba kɛ solge gɨ ji na ba gɨyigəŋ bɨ.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 3:17

Kumu gɨygɨn̰ dan̰ kurondi a cay gɨsəŋ gaŋ, na kɨya bɔyɛ kɔl cay kalaŋ naŋ, ama na ɗe gɨ kalaŋ na wayan̰ pɔɗɛ kol cayi.

Kɔl-gɨ-Ɗari gɨ Ja̰ wal 8:16

Bɨ hɨn̰ gɨ ɨŋ na bɨya kɔl kalɨn̰ ma, kɔl gɨ ɨŋ boy le or pɨna dan̰ kɔl gɨ cɨndi. Kɨya wa ɨŋ na kan̰nɨ naŋ, ama Banɨ gɨ gɨyigəŋ le woy danaŋ.

Kɔl-gɨ-Ɗari gɨ Ja̰ wal 8:29

Ban gɨ ba gɨyigəŋ le ɨre danaŋ, ban ɗaŋ kan̰nɨ naŋ. Kɨya wa ɨŋ lee hɨnga ga ƴee cɨndi dan̰ wɔlɛ pɨna pɨna.»

Kɔl-gɨ-Ɗari gɨ Ja̰ wal 8:42

Jesu jɨga dɨbɨge cay nee yege hɨn̰: «Hɨn̰ gɨ baygɨŋ ni naa Kumu na, kɨŋ ni kɨya geyəŋ, kɨya wa ɨŋ andɨgaŋ na gusi Kumu maŋ ɨrga. Ɨŋ ɨre na dan̰ cay gusɨnɨ hɨnge naŋ, na ban ba gɨyigəŋ.»

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Əbɨro 5:7

Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.