Kɔl-gɨ-Ɗari gɨ Ja̰ wal 10:32 - Gabri Maja

³² Ama Jesu yege ɗaŋ coŋ ye hɨn̰: «Ɨŋ lee gɨye nɔm gɨ kuɗudaŋ gɨɗaŋ, a cɨndɨgɨŋ dan̰ gɨyəŋ gɨ da dɔnɔ di da Banɨ. Duroy gɨye nɔm gɨ nee le, na gɨ ani ma magɨŋ mal gɨ ni wɔrɨn̰ɔŋ dan̰ gujulu oru dɨɗəŋ koldi le ga?»

Kɔl-gɨ-Ɗari gɨ Ja̰ wal 10:32 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Kɔl-gɨ-Ɗari gɨ Ja̰ wal 10:25

Jesu jɨga dɨbɨge cay nee yege hɨn̰: «Ɨŋ yəgɨŋ pɨraŋ daa ɨni. Ama kɨŋ kan̰ bɔgɛ kuduroyigɨŋ cay nee. Gɨye nɔm gɨ ɨŋ leede dan̰ guson̰ Banɨ le, lee tɨmon̰ kol canɨ.

Kɔl-gɨ-Ɗari gɨ Ja̰ wal 10:31

Ɨni na, Jubɨn̰əŋ donge gujulu oru age na worɨn̰ii ɗaŋ coŋ.

Kɔl-gɨ-Ɗari gɨ Ja̰ wal 10:33

Jubɨn̰əŋ dɨbiige cay nee yeyige hɨn̰: «Ni kɨya worɨn̰ɨn̰ dan̰ gujulu oru dɨɗɨn̰ na kɨya cay gɨye-lɔɔ gɨ kuɗa naŋ. Ama na kɨya yagɨde gɨ ji yagɨde Kumu. Kɨya wa ji gɨ ni ungo, ji lee gusɨn̰ leen̰ Kumu.»

Kɔl-gɨ-Ɗari gɨ Ja̰ wal 10:37

Hɨn̰ gɨ ɨŋ na laa gɨye nɔm gɨ da Banɨ naŋ na, bɔgɛgɨŋ kuduroyigɨŋ canɨ naŋ.

Kɔl-gɨ-Ɗari gɨ Ja̰ wal 5:36

Ama ɨŋ-bandi ɨŋ orɨn̰ dan̰ tɨmon̰ di gumu ɗɨn̰ di da Ja̰. Tɨmon̰ di nee le: Na gɨye nɔm ga Banɨ bəŋ gɨ ɨŋ na laa dɨɗɨn̰ kɨbi. Gɨye gɨ nee le ɨŋ lee nɔm, na ban ba lɔɔ tɨmon̰ tɨnge,

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

1 Ja̰ 3:12

Kuɗa gɨ na wɔyɛgɨŋ hɨn̰ Kayin wo̰ naŋ, ban na ungo gɨ da Haban̰, Ba-lɔɔ ɨsɨna, kɨya gɨ naa ban dɨɗɨ kurɨndi koyi gaŋ. Ban dɨɗii na kɨya wa ga? Ban dɨɗii na kɨya gɨ gɨye-lɔɔ koyi na gɨ ɨsɨni, ama gɨ da kurɨndi na gɨ dan̰ durɔ ɗɨngar.