Kɔl-gɨ-Ɗari gɨ Ja̰ wal 10:28 - Gabri Maja

²⁸ Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 10:28 ပူးပေါင်းရင်းမြစ်များ

Marg 13:22

Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.

Kɔl-gɨ-Ɗari gɨ Lug wal 23:46

Jesu dor noy daa, dan̰ tumoyi di daa ye hɨn̰: «Banɨ, ɨŋ ɗen̰ turnonɨ duroy kobɨn̰ gɨŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Kɔl-gɨ-Ɗari gɨ Ja̰ wal 10:29

Banɨ gɨ ba bəŋ danage le gumu ɗɨn̰ hɨnga nɔm bɨ, ungo wo̰ ɨran̰ dan̰ dɔnɔ di ni dorɨn̰ hɨnga kobɨ Banɨ naŋ bɨ.

Kɔl-gɨ-Ɗari gɨ Ja̰ wal 11:25

Jesu yoo hɨn̰: «Ɨŋ na bɔyɛ lɨbe gɨ da kalaŋ bɨ, ɨŋ na sɔmɛ-bɨra gɨ dan̰ cɨndi bɨ. Ungo gɨ na bɨga kuduroy canɨ na, ban na mara na mare kalɨn̰ ma, ban kɨya sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 14:19

Lam wo̰ nee na, kalaŋ ga cay gɨsəŋ gaŋ kɨya sɔlɔŋ dan̰ cɨndɨge naŋ bɨrɨŋ. Ama kɨŋ na, kɨŋ kɨya sɔlɔŋ dan̰ cɨndɨgɨŋ kɨya gɨ ɨŋ som-bɨra bɨ, kɨŋ kalɨn̰ ma kɨŋ kɨya sɔmɛ-bɨra bɨ.

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 18:9

Jesu ye hɨn̰ wo̰, na ɗe kɔl gɨ ban ba ye tumɔ hɨn̰: «Kan ga Banɨ ba bəŋ danage le, ungo pɨna nɛŋ kalɨn̰ ma kayaŋ naŋ» le, ɗe na or kɨɗɨn̰di gaŋ.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Kɔl-gɨ-Ɗari gɨ Ja̰ wal 6:47

Jagɨŋ, aŋ yəgɨŋ daa waŋ na cɨndi, ungo gɨ na bɨga kuduroyi canɨ le, orɨn̰ dan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Gɨye-lɔɔ 7:59

Kɨɗɨn̰ ga kan worɨn̰dege Etɛn na, ban ol Kumu ye hɨn̰: «Ba-gulɔŋ Jesu, ƴaa turnonɨ.»

Magtubu di Pol wal bɨn̰ kalaŋ ga Rɔm 5:17

Na cɨndi, tɨma ɨrga na kɨya cay hɨnga ga dan̰ gɨyəŋdɨge naŋ ga ungo pɨna hayi gɨ nee lee le. Na kɨya cay ungo gɨ pɨna hayi gɨ nee le ƴɔbɨ ma tɨma din̰-ƴaa a cay kalaŋ. Ama kɛ na mɨna ma, mana kɨya dɔɔ-ƴaa a boy sɔmɛ-bɨra gɨ dan̰ tumoyi gɨŋ dan̰ gɨyəŋ gɨ da ungo gɨ pɨna hayi nɛŋ, Jesu-Kɨris le naŋ ga? Ho’o, kalaŋ ga wayge ɗarwa di gumu tɔgɨ di da Kumu bɨ bɨlege ga dan̰ durɔ ɗɨngar a cɨndi dan̰ gɨyəŋ gɨ da hɨnga ga ni bee-kalɨn̰ bɨ le, kɨya dɔɔge ƴaa danayi.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:9

Haw kɛ gɨ Kɨris bɨlna leen̰ kalaŋ ga dan̰ durɔ ɗɨngar a cɨndi dan̰ gɨyəŋ gɨ da kɨbardi gɨ bugoŋ dugo le, kɛ na wa ɗaŋ coŋ ba kɨya narii dorna kɨbɨ kuduroy-hɔmɛ di da Kumu dɨŋ coŋ ga?

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

Pilib 1:6

Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ.

2 Tesalonigɨ 2:13

Ama, kɨŋ-gandi karmɨni ga ban̰aŋ dan̰ ga kandɨ ga Ba-gulɔŋ geygɨŋ le, ojɨ gɨ ni na laan̰ Kumu ho’o jɨn̰ tumɔ tumɔ kol caygɨŋ. Kɨya wa Kumu torgɨŋ na tumɔ pa dɨm ma sɨn̰ cay gɨsəŋ ƴee ɗe gɨ ay na poɗɨgɨŋ dan̰ gɨyəŋ gɨ da Turnoyi di sɨgɨŋ dan̰ cɨndɨgɨŋ bɨ, dan̰ gɨyəŋ gɨ da aye kudurɔ bɨn̰ kɔl gɨ cɨndi bɨ.

1 Timote 1:16

Ama Kumu sol cɨn̰-n̰age hɨnge. Na toy di hɨn̰ wo̰ ma, Jesu-Kɨris gɨlɨn̰ ɗarwa toyi jɨn̰ doŋ, kɨya canɨ ɨŋ-bandi gɨ ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm. Kɨris lee wo̰ na kɨya ɗon̰ hɨnga ga ni gɨle kɨya cay kan ga kɨya bɔgɛ kuduroyge cayi gɨ ni wan̰ sɔmɛ-bɨra gɨ dan̰ cɨndi.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

1 Ja̰ 1:2

Ban gɨ na sɔmɛ-bɨra le, gɨl gusi lee gɨ ni solii dan̰ cɨndɨni bɨ, ni lee tɨmon̰ toyi bɨ. Na toy di hɨn̰ wo̰ ma, ni tee bɛrnɛ di da sɔmɛ-bɨra gɨ dan̰ tumoy gɨ tumɔ som na gusi Bayi pa dɨm ma gɨl gusi bɨni ƴee le, bɨgɨŋ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

1 Ja̰ 2:25

Hɨnga ga Kumu ye gɨ ɗi na kɨya lɔɔ bɨna le ba kɛ: Na sɔmɛ-bɨra gɨ dan̰ tumoyi.

1 Ja̰ 5:11

Tɨmon̰ di Kumu lee le ba kɛ: Ban gɨ na sɔmɛ-bɨra gɨ dan̰ tumoyi bɨ sɔmɛ-bɨra gɨ nee le, ban bɨna na dan̰ gɨyəŋ gɨ da Kurondi.

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.

Magtubu di Jud wal 1:21

Kɨŋ-gandi gusɨgɨŋ amagɨŋ gusɨgɨŋ ɨrɨn̰gɨŋ a cay geye gɨ Kumu geygɨŋ gɨŋ le, gaman̰ sɔmɛ-bɨra gɨ dan̰ tumoyi gɨ Ba-gulondɨna Jesu-Kɨris kɨya bɨna dan̰ gɨyəŋ gɨ da sɔlɛ cɨn̰-n̰age toyi le.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.