Kɔl-gɨ-Ɗari gɨ Ja̰ wal 10:16 - Gabri Maja

¹⁶ Ɨŋ orɨn̰ dan̰ gamge ga ɗaŋ ga unɔge a boy jaŋ gɨ kɛ gɨŋ. Naa wa wa kalɨn̰ ma, ɨŋ kɨya malgage ɨrgan̰ danage ƴee. Kan kɨya jɔɔ nonɨ ɨni na, ɨŋ kɨya bogɨge pɨna ɗe bɨlege kondɨwadi te gamge ga pɨna hage bɨ, ba sɔlɛ kardɨge kalɨn̰ ma kɨya wɔyɛ na pɨna hayi bɨ.

Kɔl-gɨ-Ɗari gɨ Ja̰ wal 10:16 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Kɔl-gɨ-Ɗari gɨ Lug wal 15:8

«Naŋ le, kɛ na tama di ani ma hɨn̰ gɨ hɨndi na ɨran̰ dan̰ sɨle mɔjɨ kɔbɔ, ma di pɨna di ɓal cay kobɨ ba-lɔɔ gɨye gɨ ni wɔlɛ pɨna na ba kayaŋ na, hɨndi gɨ tale tɨwa lamba dɨŋ sarɨn̰ kɨɗɨn̰ bɔr bɔr malɨn̰ bɨrɨŋ wan̰ naŋ ga?

Kɔl-gɨ-Ɗari gɨ Ja̰ wal 10:11

«Ɨŋ-bandi, ɨŋ na ba sɔlɛ kardi gamge gɨ kuɗa. Ba sɔlɛ kardi gamge gɨ kuɗa le, ɗe gusi bɨn̰ tɨma kɨya cay gamge kayi.

Kɔl-gɨ-Ɗari gɨ Ja̰ wal 10:2

Ama ungo gɨ na andaŋ dan̰ kɨbɨ-ƴaa gɨ da jaŋ na, ban gɨ nee le, na ba sɔlɛ kardi gamge.

Kɔl-gɨ-Ɗari gɨ Ja̰ wal 10:27

Gamge kange jege nonɨ bɨ, ɨŋ solge bɨ, kan kobɨge karɨnɨ bɨ.

Kɔl-gɨ-Ɗari gɨ Ja̰ wal 10:3

Ba-ame kɨbɨ jaŋ kɨya haŋge kɨbɨ jaŋ bii bɨ, gamge kɨya jɔɔge noyi bɨ. Gamge kayi le ban kɨya togɨge dan̰ gusondɨge pɨna pɨna bɨ, orɨn̰ danage doŋ.

Kɔl-gɨ-Ɗari gɨ Ja̰ wal 10:4

Kɨɗɨn̰ ga ban dorge nɔm doŋ ɨni na, ban kɨya bɔɔ tumoyige bɨ, kan kɨya kɔbɛge kardi kɨya wa kan solge te tumoyi.

Kɔl-gɨ-Ɗari gɨ Ja̰ wal 10:5

Kan kɨya kɔbɛge kardi kɨrga naŋ bɨrɨŋ, ama kɨya gɨriige na gɨre, kɨya wa kan sɨlage te tumoyi kɨrga naŋ.»

Kɔl-gɨ-Ɗari gɨ Ja̰ wal 11:52

Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Kɔl-gɨ-Ɗari gɨ Ja̰ wal 17:20

Ɨŋ olɨn̰ na kɨya cayge kan ɗɔ ƴɔbɨ naŋ, ama na kɨya cay kan ga ba kɨya bɔgɛge kuduroyge canɨ dan̰ gɨyəŋ gɨ da kɔl gɨ kan kɨya yɔɔ ojɨn̰ canɨ bɨ.

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Gɨye-lɔɔ 15:14

Simo ba yeni gaŋ kɛ ayɨn̰ a toy dɨŋ le, Kumu ojɨ tɔrɛ duroy kalaŋ ga toyge na Jubɨ naŋ ɗe gɨ kan na bɨləŋge kalaŋ kayi.

Gɨye-lɔɔ 18:10

Kɨya wa ɨŋ woy danan̰. Ungo gɨ kɨya ɓale ƴomɨn̰ leen̰ hɨnga ga ɨsɨni unɔ. Kɨya wa ɨŋ orɨn̰ dan̰ kalaŋ kondɨ, ga na kange a cay ƴaa-di-gumu di nee dɨŋ le.»

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

2 Tesalonigɨ 2:13

Ama, kɨŋ-gandi karmɨni ga ban̰aŋ dan̰ ga kandɨ ga Ba-gulɔŋ geygɨŋ le, ojɨ gɨ ni na laan̰ Kumu ho’o jɨn̰ tumɔ tumɔ kol caygɨŋ. Kɨya wa Kumu torgɨŋ na tumɔ pa dɨm ma sɨn̰ cay gɨsəŋ ƴee ɗe gɨ ay na poɗɨgɨŋ dan̰ gɨyəŋ gɨ da Turnoyi di sɨgɨŋ dan̰ cɨndɨgɨŋ bɨ, dan̰ gɨyəŋ gɨ da aye kudurɔ bɨn̰ kɔl gɨ cɨndi bɨ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

1 Pɨyɛr 2:10

Tumɔ kɨŋ na te kalaŋ ga da Kumu naŋ, ama haw kɛ kɨŋ na te kalaŋ kayi. Tumɔ le Kumu sɨla cɨn̰-n̰age togɨŋ naŋ, ama haw kɛ ban sol cɨn̰-n̰age togɨŋ.

1 Pɨyɛr 2:25

Kɨya wa tumɔ kɨŋ woy na hɨn̰ gamge ga kayaŋ wo̰, ama haw kɛ kɨŋ jɨga gusi ba-abɨgɨŋ bɨ, ba-sɔlɛ kardɨgɨŋ bɨ.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

Wasɨn̰a 3:20

Sɨlagɨŋ, ɨŋ ɨre kɨbɨ-ƴaa gɨŋ doŋ de kɨbɨ-ƴaa. Hɨn̰ gɨ ungo na ja dɔgɛ kɨbɨ-ƴaa bɨ hanga bəŋ na, ɨŋ kɨya andaŋ toyi ƴen̰ bɨ, ɨŋ kɨya dɔɔ hɨnga danayi bɨ, ban kalɨn̰ ma kɨya dɔɔ hɨnga danaŋ bɨ.