Kɔl-gɨ-Ɗari gɨ Ja̰ wal 10:11 - Gabri Maja

¹¹ «Ɨŋ-bandi, ɨŋ na ba sɔlɛ kardi gamge gɨ kuɗa. Ba sɔlɛ kardi gamge gɨ kuɗa le, ɗe gusi bɨn̰ tɨma kɨya cay gamge kayi.

Kɔl-gɨ-Ɗari gɨ Ja̰ wal 10:11 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Ja̰ wal 10:2

Ama ungo gɨ na andaŋ dan̰ kɨbɨ-ƴaa gɨ da jaŋ na, ban gɨ nee le, na ba sɔlɛ kardi gamge.

Kɔl-gɨ-Ɗari gɨ Ja̰ wal 15:13

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

Wasɨn̰a 7:17

Kɨya wa kurɨn̰-dɨmangɨ gɨ ɨre a duroy kali-tɨrɨmbala dɨŋ bɔb le, kɨya sɔlɛ kardɨge hɨn̰ ba-ame gamge gɨ sol kardi gamge wo̰ bɨ. Ban kɨya dɔrɛ tumoyge orɨn̰ danage a kɨɗɨn̰ ga kan kɨya ɓale sɨn̰ kaŋ ga bee sɔmɛ-bɨra gɨ leen̰ cɨndi. Ɗaŋ coŋ Kumu kɨya hande kaŋdi cɨndɨge a cɨndɨge pɨrɛd pɨrɛd coŋ bɨ.»