Kɔl-gɨ-Ɗari gɨ Ja̰ wal 10:10 - Gabri Maja

¹⁰ Ba-hase le ɨrga na kɨya hase bɨ, dɨɗe kɨɗɨn̰ bɨ, mɔndɛ kɨɗɨn̰ bɨ ƴɔbɨ. Ama ɨŋ-bandi na, ɨŋ ɨrga na ɗe gɨ kalaŋ na wayan̰ge sɔmɛ-bɨra bɨ, tɔrɛ-kɨbɨ gɨ toy kan̰di kan̰di bɨ.

Kɔl-gɨ-Ɗari gɨ Ja̰ wal 10:10 ပူးပေါင်းရင်းမြစ်များ

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Matɨyo 18:11

[Kɨya gɨ Kurɨn̰-ungo ɨrga na kɨya pɔɗɛ kalaŋ ga gɨrege kayaŋ.]

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 21:13

Bɨ ban yege hɨn̰: «Kumu ye a duroy magtubu toy dɨŋ hɨn̰: “Kɨya tɔgɛge ƴaanɨ, na ƴaa di kalaŋ kɨya olɨn̰ Kumu nee.” Ama kɨŋ-gandi, kɨŋ bɨloo leen̰ kɨɗɨn̰ wɔsɛ ga da ka-hase.»

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Marg 11:17

Ɨni na, ban gɨlge hɨnga yen̰ hɨn̰: «Kumu ye a duroy magtubu toy dɨŋ hɨn̰: “Kɨya tɔgɛge ƴaanɨ, na ƴaa di kalaŋ kɨya olɨn̰ge Kumu nee di da te wɔɔ gɨ da kalaŋ nɔm.” Ama kɨŋ-gandi kɨŋ bɨloo leen̰ kɨɗɨn̰ wɔsɛ ga da ka-hase.»

Kɔl-gɨ-Ɗari gɨ Lug wal 19:10

Kɨya wa ɨŋ-bandi Kurɨn̰-ungo le, ɨŋ ɨrga na kɨya male bɨ, ɨrgan̰ dan̰ kan ga kayaŋ bɨ, a boy pɔɗɛ gɨŋ.»

Kɔl-gɨ-Ɗari gɨ Ja̰ wal 10:1

«Jagɨŋ! Aŋ yəgɨŋ daa waŋ na cɨndi, hɨn̰ gɨ gamge na wɨyage boy jaŋ gɨŋ, ama ungo na naya ba kardɨge boy jaŋ gɨŋ dan̰ gɨyəŋ gɨ ɗaŋ na, ban andaŋ na dan̰ kɨbɨ gɨyəŋ naŋ. Ungo gɨ nee le na ba-hase bɨ, na ba-dɨɗe kɨɗɨn̰ bɨ.

Kɔl-gɨ-Ɗari gɨ Ja̰ wal 10:11

«Ɨŋ-bandi, ɨŋ na ba sɔlɛ kardi gamge gɨ kuɗa. Ba sɔlɛ kardi gamge gɨ kuɗa le, ɗe gusi bɨn̰ tɨma kɨya cay gamge kayi.

Kɔl-gɨ-Ɗari gɨ Ja̰ wal 12:47

Hɨn̰ gɨ ungo na ja kɔl hɨnge, ama na aya laan̰ gɨye naŋ na, na ɨŋ-bandi ba kɨya bɔyɛ kɔl cayi naŋ. Kɨya wa, ɨŋ ɨrga na kɨya bɔyɛ kɔl cay kalaŋ ga a cay gɨsəŋ gaŋ naŋ, ama na kɨya pɔɗɛ kalaŋ ga a cay gɨsəŋ gaŋ.

Kɔl-gɨ-Ɗari gɨ Ja̰ wal 12:6

Ban ye kɔl gɨ nee le, na kɨya geye gɨ ban gey kan ga wɔɔdɨge unɔ naŋ. Ama na kɨya gɨ ban na ba hase. Ban na ba game magɨladi gursu, lee gɨ ban hasɨde gursu di woy boy nee.

Kɔl-gɨ-Ɗari gɨ Ja̰ wal 3:17

Kumu gɨygɨn̰ dan̰ kurondi a cay gɨsəŋ gaŋ, na kɨya bɔyɛ kɔl cay kalaŋ naŋ, ama na ɗe gɨ kalaŋ na wayan̰ pɔɗɛ kol cayi.

Kɔl-gɨ-Ɗari gɨ Ja̰ wal 5:40

Ama kɨŋ kan̰ ɨrga gusɨnɨ ɗe gɨ agɨŋ na wan̰ sɔmɛ-bɨra gɨ dan̰ cɨndɨgɨŋ gɨ cɨndi coŋ.

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Magtubu di Pol wal bɨn̰ kalaŋ ga Rɔm 2:21

Naa hɨn̰ wo̰ na, ji gɨ ba gɨlɨn̰ kamdɨn̰ hɨnga le, kɛ na kɨya wa ma ji gɨlɨn̰ gusɨn̰ hɨnga naŋ ga? Ji gɨ ba tɔgɛ bɛrnɛ gɨ kalaŋ naa hase naŋ le, kɛ na kɨya wa ma man̰ hasɨ ga?

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

Əbɨro 6:17

Na toy di hɨn̰ wo̰ ma, Kumu gey gɨ ka-wɔɔ hɨnga ga Kumu ye gɨ ɗi na kɨya bee le, na sɨlage duroy arɨn̰a gɨɗaŋ gɨ cay gasɨndi ga ban ay le, ɗi na kɨya bɨle naŋ. Na kɨya cay kɔl gɨ nee le ma, ban dɨɗɨ kɨbɨ hɨnga ga ban ye gɨ ɗi na kɨya bee le dan̰ ɓɨse gusi.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

2 Pɨyɛr 1:11

Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.