Kɔl-gɨ-Ɗari gɨ Ja̰ wal 10:1 - Gabri Maja

¹ «Jagɨŋ! Aŋ yəgɨŋ daa waŋ na cɨndi, hɨn̰ gɨ gamge na wɨyage boy jaŋ gɨŋ, ama ungo na naya ba kardɨge boy jaŋ gɨŋ dan̰ gɨyəŋ gɨ ɗaŋ na, ban andaŋ na dan̰ kɨbɨ gɨyəŋ naŋ. Ungo gɨ nee le na ba-hase bɨ, na ba-dɨɗe kɨɗɨn̰ bɨ.

Kɔl-gɨ-Ɗari gɨ Ja̰ wal 10:1 ပူးပေါင်းရင်းမြစ်များ

Matɨyo 7:15

«Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰.

Kɔl-gɨ-Ɗari gɨ Ja̰ wal 10:7

Jesu yege ɗaŋ coŋ hɨn̰: «Jagɨŋ! Aŋ yəgɨŋ daa waŋ na cɨndi, ɨŋ na kɨbɨ-ƴaa gɨ da gamge.

Kɔl-gɨ-Ɗari gɨ Ja̰ wal 3:3

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na jɨgage wɔɔge ungo hɨrɨwa naŋ na, ban kɨya ɓale sɔlɛ dɔɔ-ƴaa di da Kumu naŋ.»

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Əbɨro 5:4

Gɨye gɨ da mangɨl gɨ da ka-cay ka-bɔgɛ kɨbar bɨ hurɔmɔ di woy kol caa bɨ le, na ungo ba kɨya ɓale dɨbe cay gusi koyi gɨŋ gaŋ naŋ. Na Kumu ma na ba tɔgɛ kalaŋ kɨbɨ nee, hɨn̰ gɨ ban ba teen̰ Aro̰ wo̰.

1 Pɨyɛr 1:10

Ka-yɔɔ-kɔl-gɨ-Kumu-ba-yɔɔ ga yege kɔl gɨ sayga gusi Kumu ojɨn̰ cay hɨnga ga Kumu kɨya lɔɔ bɨgɨŋ kalɨn̰ le, geyge sɔlɛ duroy pɔɗɛ gɨ nee le. Kɨya cayi na, kan malge toy gɨɗaŋ.

2 Pɨyɛr 2:1

Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.