Kɔl-gɨ-Ɗari gɨ Ja̰ wal 1:51 - Gabri Maja

⁵¹ Jesu dɨbɨge cay nee coŋ yege hɨn̰: «Jagɨŋ, aŋ yəgɨŋ daa waŋ na cɨndi, kɨŋ kɨya sɔlɛ gɨɗɨgɨ-Kumu hangaŋ bɨ, ka-ƴɔbɛ ga da Kumu kɨya nɔɔge jɨn̰ daa bɨ, gɨsɨnege jɨn̰ dugo bɨ, canɨ ɨŋ-bandi Kurɨn̰-ungo le.»

Kɔl-gɨ-Ɗari gɨ Ja̰ wal 1:51 ပူးပေါင်းရင်းမြစ်များ

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Matɨyo 3:16

Kɨɗɨn̰ ga ban leen̰ Jesu batɛm coŋ ɨni na, ban andaŋ duroy kaŋ gaŋ doŋ. Kɨɗɨn̰di ga nee gaŋ le bɨ ga ma, gɨɗɨgɨ-Kumu hangaŋ wɨn̰ bɨ, Jesu sol Turnɔ di da Kumu sayga daa gɨlɨn̰ hɨn̰ guu di bɛrɛ kən̰jəŋ wo̰, ɨrga gɨsɨn cayi.

Matɨyo 4:11

Ɨni na, Haban̰ ɗeeyi nee kɔ kɛgɛgɛ. Bɨ ga ma, ka-ƴɔbɛ ga daa ɨrgage gusi Jesu bɨ solge kardi dan̰ hɨnga.

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Matɨyo 9:6

Ama ɨŋ kɨya lɔɔ hɨnga pɨna haw kɛ gɨ kɨya gɨle hɨn̰ gɨ Kumu na bɨn̰ Kurɨn̰-ungo le dɔnɔ di ni dorɨn̰ ɨsɨna cay kalaŋ.» Ɨni na, Jesu yen̰ ba-mɨraye le hɨn̰: «Sa daa, aya gasɨlaŋ-jala kan̰ bɨ ɨra ɨndi.»

Marg 1:10

Ban andaŋ duroy kaŋ gaŋ doŋ ɨni na, kɨɗɨn̰di ga nee gaŋ le bɨ, gɨɗɨgɨ-Kumu hangaŋ pɨraŋ bɨ ga ma, Turnɔ di da Kumu sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi bɨ.

Marg 14:62

Jesu dɨbii cay nee yeyi hɨn̰: «Əw, ɨŋ na ban, bɨ kɨŋ nɔm kɨŋ kɨya sɔlɛ Kurɨn̰-ungo sɔmɛ a cay kali di ni tɨrɨmbala dɨŋ kɨway Kumu ba dɔnɔ gɨ gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Kɔl-gɨ-Ɗari gɨ Lug wal 2:13

Kɨɗɨn̰ ga nee le bɨ! Kondɨwadi ka-ƴɔbɛ ga daa nii ga a gɨɗɨgɨ-Kumu gaŋ andɨgaŋge lug lug bugoŋge dan̰ ba-ƴɔbɛ gɨ daa nii gɨ ɨre a kɨɗɨn̰ ga nee gaŋ le, hɨramɨn̰ge Kumu yen̰ge hɨn̰:

Kɔl-gɨ-Ɗari gɨ Lug wal 2:9

Ɨni na, ba-ƴɔbɛ gɨ daa nii gɨ da Ba-gulɔŋ Kumu andaŋ cayge hɨrɨj bɨ, asɨn̰a gɨ da Ba-gulɔŋ Kumu asɨn̰ cayge wɨlɨn̰ nɔm, gaa ma gusɨge n̰orge rag rag dan̰ hundɔrɔ.

Kɔl-gɨ-Ɗari gɨ Lug wal 22:43

[Kɨɗɨn̰di ga nee gaŋ le bɨ, ba-ƴɔbɛ gɨ daa nii andaŋ cayi dobii bandɨ kuduroyi.

Kɔl-gɨ-Ɗari gɨ Lug wal 22:69

Ama aŋ yəgɨŋ, an̰ toy haw kɛ na, ɨŋ-bandi Kurɨn̰-ungo le, ɨŋ kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ a cay kobi gɨ bara gɨŋ.»

Kɔl-gɨ-Ɗari gɨ Lug wal 24:4

Kɨɗɨn̰ ga kan ba ɨrɨmge bɨrɨŋ wayan̰ge cay tɨbayge naŋ bɨ ga ma, kan solge kalaŋ won̰ge sɔɔ dan̰ badɨge ga jɨran̰de andaŋge cayge dus.

Kɔl-gɨ-Ɗari gɨ Lug wal 3:21

Wɔlɛ gɨ pɨna wo̰, pa dɨm ma kan kɨya ƴɔmɛge Ja̰ dangay dɨŋ ƴee na, ban leen̰ kalaŋ nɔm ga ba ɨrgage gusi batɛm bɨ, Jesu kalɨn̰ ma ɨrga gusi ɗe ban na leeyi batɛm bɨ. Kɨɗɨn̰ ga Jesu ɨre ol Kumu ɨni na, gɨɗɨgɨ-Kumu hangaŋ pɨraŋ.

Kɔl-gɨ-Ɗari gɨ Ja̰ wal 1:50

Jesu jɨga dɨbi cay nee yey hɨn̰: «Na kɨya yɔ gɨ ɨŋ yen̰ gɨ ɨŋ na solɨn̰ te tuguyɔŋ dɨŋ le ma, mɨn̰ been̰ kuduron̰ canɨ ga? Ayɨn̰ toy haw kɛ na, ji kɨya sɔlɛ-hɨnga ga gɨmdəŋ ɗɨn̰ ga nee le ƴee.»

Kɔl-gɨ-Ɗari gɨ Ja̰ wal 10:1

«Jagɨŋ! Aŋ yəgɨŋ daa waŋ na cɨndi, hɨn̰ gɨ gamge na wɨyage boy jaŋ gɨŋ, ama ungo na naya ba kardɨge boy jaŋ gɨŋ dan̰ gɨyəŋ gɨ ɗaŋ na, ban andaŋ na dan̰ kɨbɨ gɨyəŋ naŋ. Ungo gɨ nee le na ba-hase bɨ, na ba-dɨɗe kɨɗɨn̰ bɨ.

Kɔl-gɨ-Ɗari gɨ Ja̰ wal 10:7

Jesu yege ɗaŋ coŋ hɨn̰: «Jagɨŋ! Aŋ yəgɨŋ daa waŋ na cɨndi, ɨŋ na kɨbɨ-ƴaa gɨ da gamge.

Kɔl-gɨ-Ɗari gɨ Ja̰ wal 13:16

Jagɨŋ! Aŋ yəgɨŋ daa waŋ na cɨndi, guyɔŋ le gumu ɗɨn̰ ba-gulondi naŋ bɨ, ba-gɨre-gɨye kalɨn̰ ma gumu ɗɨn̰ ba-gɨyii naŋ bɨ.

Kɔl-gɨ-Ɗari gɨ Ja̰ wal 13:38

Jesu dɨbi cay nee yeyi hɨn̰: «Na cɨndi gɨ ji gey mare kɔl canɨ ga? Jagɨŋ! Aŋ yəgɨŋ daa waŋ na cɨndi, tumɔ pa dɨm ma, kuɗa kɨya ale ƴee na, ji kɨya man̰e kɨbɨn̰ cay sɨbɨ yɔ gɨ ji na sɨlaŋ naŋ.»

Kɔl-gɨ-Ɗari gɨ Ja̰ wal 14:12

Jagɨŋ! Aŋ yəgɨŋ daa waŋ na cɨndi, waŋ waŋ gɨ na bɨga kuduroy canɨ na, kɨya lɔɔ gɨye nɔm gɨ ɨŋ ba lee le bɨ. Ban kɨya lɔɔ gɨye gɨ gɨmdəŋ ɗɨn̰ ban gɨ kɛ nɔm coŋ. Kɨya wa ɨŋ or na gusi Banɨ.

Kɔl-gɨ-Ɗari gɨ Ja̰ wal 16:20

Jagɨŋ, aŋ yəgɨŋ daa waŋ na cɨndi, kɨŋ kɨya ɨle bɨ, kɨŋ kɨya ɨle gusɨgɨŋ bɨ. Ama kalaŋ ga a cay gɨsəŋ gaŋ na kɨya sɔmɛge na duroy gusi-mɔwa dɨŋ. Kɨŋ-gandi, kɨŋ kɨya gɨle-cɨn̰ ama gɨle-cɨn̰ togɨŋ kɨya bɨle gusi-mɔwa.

Kɔl-gɨ-Ɗari gɨ Ja̰ wal 16:23

«Wɔlɛdi gɨ nee le, kɨŋ kɨya jɔgɛ ɨngɨrəŋ duroy kɔl pɨna wo̰ naŋ ɨni. Jagɨŋ, aŋ yəgɨŋ daa waŋ na cɨndi, hɨn̰ gɨ kɨŋ na ɨngɨrɨn̰ Banɨ hɨnga dan̰ gusoŋnɨ na, ban kɨya bɨgɨŋ.

Kɔl-gɨ-Ɗari gɨ Ja̰ wal 21:18

Jagɨŋ! Aŋ yəgɨŋ daa waŋ na cɨndi, kɨɗɨn̰ ga ji ba marɨna ƴee na, ji saɗɨ wɨrdɨn̰ kon̰ dan̰ sɔndurɔŋ bɨ, ji orɨn̰ kɨɗɨn̰ ga kuduron̰ gey gaŋ bɨ. Ama kɨɗɨn̰ ga ji na laa gɨ esi na, ungo gɨ ɗaŋ ba kɨya saɗɨn̰ te wɨrdɨn̰ bɨ, orɨn̰ danan̰ kɨɗɨn̰ ga kuduron̰ gey naŋ gaŋ bɨ.»

Kɔl-gɨ-Ɗari gɨ Ja̰ wal 3:3

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na jɨgage wɔɔge ungo hɨrɨwa naŋ na, ban kɨya ɓale sɔlɛ dɔɔ-ƴaa di da Kumu naŋ.»

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Kɔl-gɨ-Ɗari gɨ Ja̰ wal 5:19

Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 5:27

Kɨye bayi le, bii dan̰ dɔnɔ gɨ ni bon̰ kɔl cay kalaŋ, kɨya wa ban na Kurɨn̰-ungo.

Kɔl-gɨ-Ɗari gɨ Ja̰ wal 6:26

Jesu dɨbɨge cay nee yege hɨn̰: «Jagɨŋ ɨŋ yəgɨŋ na kɔl gɨ cɨndi, kɨŋ malaŋ na kɨya hɨnga ga ɗɨn̰ cɨn̰-kɨɗɨn̰ ga kɨŋ sol le naŋ, ama na kɨya cay mapa gɨ kɨŋ di sɨdɨldəŋ.

Kɔl-gɨ-Ɗari gɨ Ja̰ wal 6:32

Ama Jesu jɨga dɨbɨge cay nee yege hɨn̰: «Jagɨŋ, ɨŋ yəgɨŋ daa waŋ na cɨndi, na Moyis ba bɨgɨŋ mapa gɨ sayga gɨɗɨgɨ-Kumu gɨŋ le naŋ, ama na Banɨ ba bɨgɨŋ mapa gɨ leen̰ cɨndi gɨ sayga a daa nii.

Kɔl-gɨ-Ɗari gɨ Ja̰ wal 6:47

Jagɨŋ, aŋ yəgɨŋ daa waŋ na cɨndi, ungo gɨ na bɨga kuduroyi canɨ le, orɨn̰ dan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:53

Jesu yege hɨn̰: «Jagɨŋ aŋ yəgɨŋ daa waŋ na cɨndi, hɨn̰ gɨ kɨŋ na da kuyoŋdi Kurɨn̰-ungo naŋ bɨ, sa kɨbardi naŋ bɨ na, kɨŋ kɨya orɨn̰ dan̰ sɔmɛ-bɨra gɨ dan̰ cɨndi naŋ.

Kɔl-gɨ-Ɗari gɨ Ja̰ wal 8:34

Jesu jɨga dɨbɨge cay nee yege hɨn̰: «Jagɨŋ! Aŋ yəgɨŋ daa waŋ na cɨndi, waŋ waŋ gɨ na laa ɨsɨna na, na guyɔŋ gɨ da ɨsɨna.»

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Kɔl-gɨ-Ɗari gɨ Ja̰ wal 8:58

Jesu jɨga dɨbɨge cay nee yege hɨn̰: «Jagɨŋ! Aŋ yəgɨŋ daa waŋ na cɨndi, tumɔ pa dɨm ma woon̰ge Abɨraham ƴee na, “Ɨŋ woy nee” ɨni.»

Gɨye-lɔɔ 10:11

Ban sol gɨɗɨgɨ-Kumu hangaŋ bɨ, hɨnga ga pɨna wo̰ andɨgaŋ duroy nee gɨsɨngɨ jɨn̰ dugo bɨrɨŋ dugo gɨsəŋ. Hɨnga ga nee le, woy gɨlɨn̰ na hɨn̰ kɨbɨ badɨge ga gumu ga kan ƴom tɨbɨn̰dɨge ga poɗɨn̰ wo̰.

Gɨye-lɔɔ 7:56

Etɛn ye hɨn̰: «Sɨlagɨŋ, ɨŋ sol gɨɗɨgɨ-Kumu hangaŋ pɨraŋ bɨ, Kurɨn̰-ungo ɨre dan̰ tɨbayi daa a cay kobɨ Kumu gɨ bara gɨŋ bɨ.»

2 Tesalonigɨ 1:7

Na ban ma, wɔlɛ gɨ Ba-gulɔŋ Jesu kɨya andɨgaŋ gɨɗɨgɨ-Kumu gɨŋ dan̰ ka-ƴɔbɛ kayi ga daa nii ga orɨn̰ge dan̰ dɔnɔ kɨya ɨrgage na, kɨŋ ga kan gɨlgɨŋge-cɨn̰ bɨ, ni-gandi bɨ na, ban kɨya bɨna dɔrɛ gɨlale.

2 Tesalonigɨ 1:9

Hɨnga ga ni gɨle-cɨn̰ ga ba kɨya looge kɨya cay ɨsɨna koge le, na mundoŋ gɨ kan kɨya mundoŋge dan̰ tumoyge muɗɔg muɗɔg coŋ, hen̰ tumoyi Ba-gulɔŋ bɨ, hen̰ dan̰ gɨmɨn̰aw di da dɔnɔ toyi bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Magtubu di Jud wal 1:14

Inɔg gɨ na te mon̰dɨna gɨ pɨna pɨna kɨɗɨn̰ jurgum ayɨn̰ toy a cay Adam le. Ban ye-kɔl-gɨ-Kumu-ba-yɔɔ ye hɨn̰: «Sɨlagɨŋ, Ba-gulɔŋ ɨrga dan̰ ka-gɨre-gɨye kayi ga woyge dan̰ cɨndɨge ga kondɨwayge ɗɨn̰ ɗɔngɨsɛ,

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 4:1

Kardi hɨnga ga nee le na, ɨŋ sol hɨnga ga ɗaŋ coŋ. Ɨŋ sol kɨbɨ-ƴaa di gɨɗɨgɨ-Kumu dɨŋ hangaŋ. Ɨŋ je noy ungo gɨ naa tumɔ ba ye kɔl danaŋ le ye hɨn̰ burun̰ji wo̰. Ungo gɨ nee le, ye hɨn̰: «Naya jɨn̰ gusɨnɨ kɛ aŋ gɨlɨn̰ hɨnga ga naa wa wa kalɨn̰ ma kɨya caga kardi nee le.»