Kɔl-gɨ-Ɗari gɨ Ja̰ wal 1:45 - Gabri Maja

⁴⁵ Pilib way Natanɨyɛl bɨ, yeyi hɨn̰: «Ni way ban gɨ kan walge koldi, ɗe duroy magtubu Gasɨn̰-kɔl gɨ da Moyis gɨŋ bɨ, duroy magtubu da ka-yɔɔ-kɔl-gɨ-Kumu-ba-yɔɔ gɨŋ bɨ le. Na Jesu kurɨn̰ Jɨsɛb gɨ Najarɛt.»

Kɔl-gɨ-Ɗari gɨ Ja̰ wal 1:45 ပူးပေါင်းရင်းမြစ်များ

Matɨyo 10:3

Pilib dan̰ Bartelemi bɨ, Tomas dan̰ Matɨyo ba-hɔgɛ lambo bɨ, Jag kurɨn̰ Alpe dan̰ Tade bɨ,

Matɨyo 13:55

Kɛ na ban ma na kurɨn̰ ba-lɔɔ gɨye sɨya le naŋ ga? Kɛ ƴoyi gusɔndɔ na Mari naŋ ga? Kɛ Jag bɨ, Jɨsɛb bɨ, Simo bɨ, Jud bɨ, na karmii naŋ ga?

Matɨyo 2:23

Ban or sɔmɛ a cay ƴaa-di-gumu di pɨna wo̰ di toge na Najarɛt, lee gɨ kɔl gɨ ka-yɔɔ-kɔl-gɨ-Kumu-ba-yɔɔ ba yege le or kɨɗɨn̰di gaŋ. Kan yege hɨn̰: «Kan kɨya togii na ungo gɨ Najarɛt.»

Matɨyo 21:11

Ɨni na, dɨmdɨrdi kalaŋ dɨbɨgege cay nee yegege hɨn̰: «Na Jesu ba-yɔɔ-kɔl-gɨ-Kumu-ba-yɔɔ, gɨ sayga Najarɛt di woy a cay gɨsəŋ ga Galile gaŋ.»

Marg 14:67

Hɨndi sol Pɨyɛr som ƴobɨ tɨwa ɨni na, ɗe cɨndo cayi bɨ yeyi hɨn̰: «Ji-bandi kalɨn̰ ma tumɔ ji or dan̰ Jesu ungo gɨ a cay ƴaa-di-gumu di Najarɛt dɨŋ le bɨ.»

Marg 6:3

Kɛ ban na ba-lɔɔ gɨye sɨya naŋ ga? Kɛ ban na kurɨn̰ Mari bɨ, ban na Jag bɨ, Joses bɨ Jud bɨ, Simo bɨ, kurɨndɨge naŋ ga? Bɨ kɛ karmii ga kandɨ wɨyage duroyni kɛ naŋ ga?» Jesu woy gɨlɨn̰ na hɨn̰ gundi sɨya gɨ de tɨbayige wo̰.

Kɔl-gɨ-Ɗari gɨ Lug wal 18:37

Kalaŋ le jɨga dibiige cay nee yeyige hɨn̰: «Na Jesu gɨ Najarɛt ba pɨde.»

Kɔl-gɨ-Ɗari gɨ Lug wal 2:4

Jɨsɛb kalɨn̰ ma sayga a cay karɨn̰ ƴaa ga Najarɛt, ga woy a cay gɨsəŋ ga Galile gaŋ. Kɨya ɔrɛ jɨn̰ Bɛdɨlɛhɛm cay ƴaa di da Dabid di woy a cay gɨsəŋ ga Jude gaŋ, kɨya gɨ ban kalɨn̰ ma na a te wɨn̰je gɨ da Kɨlma Dabid bɨ.

Kɔl-gɨ-Ɗari gɨ Lug wal 2:48

Kɨɗɨn̰ ga Jesu kandi solige na, kɔl kayge sɛl sɛl. Ƴoyi ɨngɨrii ye hɨn̰: «Haj! Kuronɨ, na kɨya wa ma mɨn̰ leeni hɨn̰ wo̰ ga? Sɨla! Ni-gandi dan̰ ban̰ sɔɗɨmɔŋ kuduroyni baa dugo naŋ, ni darin̰ gorɨn̰ cay kɨɗɨn̰ gaŋ nɔm nɔm.»

Kɔl-gɨ-Ɗari gɨ Lug wal 24:27

Ɨni na, Jesu dor te kɔl gɨ ojɨ cayi, gɨ kan walge duroy Magtubu di da Kumu dɨŋ. Ban ay toy a cay magtubu da Moyis dɨŋ bɨrɨŋ, andɨn̰ duroy Magtubu di da ka-yɔɔ-kɔl-gɨ-Kumu-ba-yɔɔ nɔm.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Lug wal 3:23

Kɨɗɨn̰ ga Jesu ay te tɔgɛ bɛrnɛ na, ban orɨn̰ dan̰ ɨlge ɓal na hɨn̰ toy-sɨbɨ wo̰. Boy ɨrɨme gɨ da kalaŋ gɨŋ le, Jɨsɛb na bayi. Jɨsɛb na kurɨn̰ Eli,

Kɔl-gɨ-Ɗari gɨ Lug wal 4:22

Kan nɔm yege kɔl gɨ ɗari kol cayi bɨ, kɔl kayge yɔd bɨ. Kɨya cay kɔl ga ɗadɨrdaŋ gɨ ba andaŋ a kɨbi le. Ama kardi nee na, kalaŋ ga pɨna duroyge yege hɨn̰: «Kɛ na ban kurɨn̰ Jɨsɛb le naŋ ga?»

Kɔl-gɨ-Ɗari gɨ Ja̰ wal 1:44

Pilib na ungo gɨ Bɛtsayda, cay ƴaa-di-gumu di da Andɨre dan̰ Pɨyɛr.

Kɔl-gɨ-Ɗari gɨ Ja̰ wal 12:21

Kan orge gusi Pilib gɨ na ungo gɨ Bɛtsayda di a cay gɨsəŋ ga Galile gaŋ le, ɨngɨriige hɨn̰: «Ba-gulɔŋ, ni gey sɔlɛ Jesu.»

Kɔl-gɨ-Ɗari gɨ Ja̰ wal 14:8

Pilib yeyi hɨn̰: «Ba-gulɔŋ, gɨlni Ban̰ le, hɨn̰ wo̰ na ni kɨya ɨngɨrɨn̰ hɨnga ga ɗaŋ cay nee naŋ ɨni.»

Kɔl-gɨ-Ɗari gɨ Ja̰ wal 18:5

Kan dɨbiige cay nee yeyige hɨn̰: «Ni mal na Jesu gɨ Najarɛt.» Ban yege hɨn̰: «Na ɨŋ-bandi ba ɨre kɛ.» Judasɨ ba-aye cay Jesu le, ɨre danage nee bɨ.

Kɔl-gɨ-Ɗari gɨ Ja̰ wal 18:7

Ban ɨngɨrge ɗaŋ coŋ yege hɨn̰: «Kɨŋ mal na waŋ ga?» Kan dɨbiige cay nee yeyige hɨn̰: «Ni mal na Jesu gɨ Najarɛt.»

Kɔl-gɨ-Ɗari gɨ Ja̰ wal 19:19

Piladɨ wal kɔl boy sɨya gɨ habɨli gɨŋ de a cay sɨya-gɨ-dagɨli gɨŋ le. Kɔl gɨ kan ba walge le ba kɛ: «Na Jesu gɨ Najarɛt, kɨlma gɨ da Jubɨn̰əŋ.»

Kɔl-gɨ-Ɗari gɨ Ja̰ wal 21:2

Simo Pɨyɛr bɨ, Tomas gɨ tɨrɨmbalayi na Mɨgɨna bɨ, Natanɨyɛl gɨ a cay ƴaa di Kana di woy a cay gɨsəŋ ga Galile gaŋ bɨ, karɨn̰ Jebede bɨ, ka-aye-cay-tɨbayi ga ɗaŋ won̰ge sɔɔ bɨ, kan nɔm somge kɨɗɨn̰ pɨna.

Kɔl-gɨ-Ɗari gɨ Ja̰ wal 6:42

Kan dɨbige cay nee yeyige hɨn̰: «Kɛ, na Jesu Kurɨn̰ Jɨsɛb le naŋ ga? Na sɨla bayi dan̰ ƴoyi naŋ ga? Lee na mɨna ma, ban gɨ yɔ haw kɛ: “Ɨŋ sayga na daa nii gɨsɨn dugo ga”?»

Kɔl-gɨ-Ɗari gɨ Ja̰ wal 6:5

Jesu dor cayi daa, solɨn̰ kondɨwa gɨ da dɨmdɨrdi kalaŋ ga ɨrgage jɨn̰ gusi ɨni na, ban yen̰ Pilib ye hɨn̰: «Kɛ na kɨya kɨle mapa na ani ma mani gɨ bɨn̰ kalaŋ ga kɛ ɗe diige ɓalge ga?»

Kɔl-gɨ-Ɗari gɨ Ja̰ wal 6:7

Pilib dɨbi cay nee yeyi hɨn̰: «Mapa da gursu di ɓal cay kobɨ ba-lɔɔ gɨye gɨ ni wɔlɛ aru sɔɔ kalɨn̰ ma, kɨya ɓalge gɨ ɗe waŋ waŋ na way kɨway gɨ dḛ wo̰, naŋ bɨrɨŋ.»

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Gɨye-lɔɔ 22:8

Ɨŋ jɨga dɨbii cay nee yey hɨn̰: “Ji na waŋ ga Ba-gulɔŋ?” Noy ungo le jɨga dɨbəŋ cay nee yəŋ hɨn̰: “Ɨŋ na Jesu gɨ Najarɛt gɨ ji ba gɨləŋ-cɨn̰ le.”

Gɨye-lɔɔ 26:9

Hɨnge ɨŋ-bandi na, tumɔ ɨŋ ɨrɨm kuduronɨ ye hɨn̰, kuɗa gɨ ɨŋ na laa hɨnga nɔm ga togɨnɨ ɓal gɨ ni lɔɔ le, ɗe aŋ na mondɨn̰ dan̰ guson̰ Jesu gɨ Najarɛt le coŋ.

Gɨye-lɔɔ 3:6

Kɨɗɨn̰di ga nee gaŋ le bɨ, Pɨyɛr yeyi hɨn̰: «Ɨŋ ɨran̰ dan̰ gursu naŋ bɨ, lɔr naŋ bɨ. Ama hɨnga ga ɨŋ orɨn̰ le, aŋ bɨn̰: Dan̰ guson̰ Jesu-Kɨris gɨ Najarɛt le, saa daa ɨra daa!»