Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kɔl-gɨ-Ɗari gɨ Ja̰ wal 1:29 - Gabri Maja

29 Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

အခန်းကိုကြည့်ပါ။ ကော်ပီ




Kɔl-gɨ-Ɗari gɨ Ja̰ wal 1:29
65 ပူးပေါင်းရင်းမြစ်များ  

Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»


Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»


Wan̰dodo dɨŋ ɨni na, Ja̰ dan̰ ka-aye-cay-tɨbayi sɔɔ ɨrege danayi a kɨɗɨn̰ ga nee gaŋ ɗaŋ coŋ.


Kɨɗɨn̰ ga Ja̰ sol Jesu pɨde ɨni na, ban ye hɨn̰: «Sɨlagɨŋ kurɨn̰-dɨmangɨ gɨ da Kumu!»


Wan̰dodo dɨŋ ɨni na, Jesu ojɨ kuduroy gɨ ni ɔrɛ a cay gɨsəŋ ga Galile gaŋ. Ban wayi Pilib a te gɨyəŋ gɨŋ, bɨ ban yeyi hɨn̰: «Ɨre, kɨba karɨnɨ.»


Lee wɔlɛ sɨbɨ kardi nee ɨni na, gɔrɛ woy a cay ƴaa di Kana di woy a cay gɨsəŋ ga Galile gaŋ. Jesu ƴoyi woy danage nee bɨ.


Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.


Bɨ kan yen̰ge tama le hɨn̰: «Haw kɛ na, ni-gandi ni bee kuduroyni cayi na kɨya cay kɔl kɛɛ gɨ me ye ƴɔbɨ naŋ. Ama na kɨya gɨ ni-gandi gusɨni, ni je kɔl koyi dan̰ sɨmayni bɨ, ni sol leen̰ cɨndi gɨ ban na ba-pɔɗɛ-kalaŋ nɔm ga cay gɨsəŋ gaŋ bɨ.»


Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»


Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.


Kɔl gɨ ban ɗoŋsɨ le ba kɛ: «Ban woy na hɨn̰ dɨmangɨ di kan orɨn̰ge danaa, Kɨɗɨn̰ dɨɗedo gaŋ wo̰. Hɨn̰ kurɨn̰-dɨmangɨ gɨ ɨre kɨbi munduŋ, Tumoy ba dɨle teɗii wo̰, Ban hanga kɨbi dḛ wo̰ naŋ.


Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.


Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.


Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.


Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»


Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.


Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.


Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.


Na toy di hɨn̰ wo̰ ma, ojɨ gɨ naa wa wa kalɨn̰ ma, Jesu na bɨl gɨlɨn̰ hɨn̰ karmii wo̰ te hɨnga nɔm, ɗe ban na bɨlɨn̰ mangɨl gɨ da ka-cay ka-bɔgɛ kɨbar bɨ, gɨ ba sɔlɛ cɨn̰-n̰age di da kalaŋ bɨ, gɨ ɨre kɨbɨ gɨye koyi gɨŋ tumoy Kumu ɗe Kumu na ɗe kuduroyi jal cay ɨsɨna gɨ da te kalaŋ.


Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.


Ama ban boy caygɨŋ na dan̰ kɨbar gɨ da Kɨris gɨ kɨledi osu tɔgɨ. Ban woy gɨlɨn̰ na hɨn̰ kurɨn̰-dɨmangɨ gɨ kɨɗɨn̰di pɨna wo̰ mundoŋ naŋ bɨ.


Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.


Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.


Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.


Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.


Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.


Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.


Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.


Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.


Kardi nee ɨŋ sol kurɨn̰-dɨmangɨ ɨre a cay garma gɨ teeyige Sin̰o. Kalaŋ kayi dubu kɨɗɨn̰ aru-dan̰-toyge-poɗɨn̰-cayge-poɗɨn̰ danayi. Kan walge guson̰ kurɨn̰-dɨmangɨ bɨ, guson̰ bayi bɨ, a jɨndɨge.


ba-gulondi kɨya sɔɔ cɛrɛ di suru kuduroy-hɔmɛ di da Kumu bɨ. Beege cɛrɛ di suru le boy kobo kuduroy-hɔmɛ di da Kumu dɨŋ dɨle pɔlɨn̰ɛ dan̰ hɨnga ga ɗaŋ nee. Lee gɨ hɨnga ga ni mɨrɨn̰tɨn̰i kɨya lɔɔ ba-gulondi duroy tɨwa dɨŋ bɨ, duroy kɨrbaŋdi hɨnga ga ƴee hɨn̰ tɨwa wo̰ bɨ, tumoy ka-ƴɔbɛ ga daa nii ga woyge dan̰ cɨndɨge bɨ, tumoy Kurɨn̰-dɨmangɨ bɨ.


Kan na kalaŋ ga dɨbage gusɨge duroy kɨni gɨŋ malan̰ge kandɨ naŋ, kɨya wa sɨlage kandɨ naŋ. Kan ga nee le na ka-kɔbɛ kurɨn̰-dɨmangɨ a kɨɗɨn̰ gaŋ nɔm ga ban orɨn̰ nee. Kan na kalaŋ ga ban boy cayge duroy kalaŋ ga ɨndəŋ bɨ, kan woy gɨlɨn̰ na hɨn̰ hɨnga ga cay wase ga walge duroy yage gɨŋ ɗege dan̰ cɨndɨge gɨ ni aye bɨn̰ Kumu bɨ, bɨn̰ kurɨn̰-dɨmangɨ bɨ.


Kan kɨbɨge kɨra hɨn̰ gɨ da Moyis, marɨna ba-gɨye gɨ da Kumu tumɔ ba kɨbɨn̰ wo̰. A duroy kɨra koge gɨŋ le, kan hɨramge Kumu kɨya gɨ na Kurɨn̰-dɨmangɨ le na ba poɗɨge yen̰ge hɨn̰: «Ji Ba-gulɔŋ gɨ dɔnɔdɨn̰ ɗɨn̰ dɔnɔ nɔm, Ji som a cay dɔnɔ nɔm, Gɨye-lɔɔdɨn̰ nɔm gɨmdəŋ tɔgɨ bɨ Dor turnoyi kɨɗɨn̰ bɨ. Ji dii-ƴaa a cay te kalaŋ nɔm, Ga a cay gɨsəŋ gaŋ bɨ, Ji lee hɨnga dan̰ cɨndi bɨ durɔ ɗɨngar bɨ.


Kan kɨya dɨbe kɨmbɨl dan̰ Kurɨn̰-dɨmangɨ le, ama Kurɨn̰-dɨmangɨ kɨya bɔyɛ kɨmbɨl cayge kɨya wa ban ƴɔbɨ ma na Ba-gulɔŋ gɨ a cay ba-gulɔŋn̰əŋ bɨ, kɨlma gɨ a cay kɛrɨmbɛlɛŋ bɨ. Kan ga ban teege bɨ, kan ga ban torge bɨ, kan ga ɨrege cay tɨbayge dɨŋ bɨ le, kɨya bɔyɛge-kɨmbɨl danayi bɨ.»


Kuɗa gɨ na leegɨŋ gusi-mɔwa bɨ, Tɨganagɨŋ pɨre bɨ, dɨbɨnagɨŋ gusoŋ-tɔgɛ cayi bɨ. Sɨlagɨŋ, wɔlɛ gɨ da gɔrɛ ƴaa, Gɨ da Kurɨn̰-dɨmangɨ le ɓal ɨni bɨ, Tamdi ƴom cay tɨbaa ɨni bɨ.


Ɨni na, ba-ƴɔbɛ gɨ daa nii gɨ pɨna wo̰ yəŋ hɨn̰: «Wala dugo: Tumoy wolwa woy a cay kalaŋ ga molgege a kɨɗɨn̰ gɔrɛ gɨ da Kurɨn̰-dɨmangɨ gɨŋ le.» Ban jɨga yəŋ ɗaŋ hɨn̰: «Ho’o, kɔl nɔm gɨ ba kɛ le, na kɔl gɨ da Kumu leen̰ cɨndi hage.»


Bɨrɨm gɨ da cay ƴaa-di-gumu le, orɨn̰ dan̰ tɨbayi mɔjɨ-cayge-sɔɔ. Walge guson̰ ka-gɨre-gɨye ga mɔjɨ-cayge-sɔɔ ga da Kurɨn̰-dɨmangɨ le cay nee pɨna pɨna nɔm.


Hɨnga ga ni kɨni kɨya andaŋ a duroy cay ƴaa-di-gumu dɨŋ le naŋ bɨ, kalaŋ ga ka-lɔɔ bɨrane bɨ, ka-poy bɨ, kɨya andaŋge a duroy cay ƴaa-di-gumu dɨŋ le naŋ. Ama na kan ga walge gusondɨge a duroy magtubu sɔmɛ-bɨra da Kurɨn̰-dɨmangɨ dɨŋ le ƴɔbɨ, ba kɨya andaŋge a duroy cay ƴaa di nee dɨŋ le.


Kardi nee, ba-ƴɔbɛ gɨ daa nii pɨna, gɨ a duroy kan ga jurgum ga tumɔ ƴomge kobo ga jurgum ga hɨnga ga ɨsɨni ga ka-mɔndɛ kɨɗɨn̰ ga ni kagadɨge le, ɨrga gusɨnɨ yəŋ ye hɨn̰: «Ɨre aŋ gɨlɨn̰ ɗe kujɔ di kɨya bɨle tam Kurɨn̰-dɨmangɨ le.»


Ɨni na, ɨŋ sol Kurɨn̰-dɨmangɨ a durdi kali-tɨrɨmbala a duroy kandi-se ga gɨɗɨgɨ-Kumu gaŋ bɔb duroy ka-muɗɔlɛ. Kurɨn̰-dɨmangɨ le gɨlɨn̰ hɨn̰ gɨ kan na walge tumoyi tumɔ wo̰. Kurɨn̰-dɨmangɨ le orɨn̰ dan̰ kɨben̰di jurgum bɨ tɨdi jurgum bɨ, kan na Turnɔ di da Kumu ga jurgum ga Kumu gɨyge a cay gɨsəŋ gaŋ nɔm.


Kɨɗɨn̰ ga Kurɨn̰-dɨmangɨ ƴee magtubu le na, kandi-se ga gɨɗɨgɨ-Kumu gaŋ ga poɗɨn̰ bɨ, ka-muɗɔlɛ ga toyge-sɔɔ cayge poɗɨn̰ bɨ le, poyge gɨbayge dugo tumoy Kurɨn̰-dɨmangɨ le. Waŋ waŋ kalɨn̰ ma orɨn̰ dan̰ jange bɨ, ungo di leege dan̰ lɔr di kɨrbaŋdi hɨnga ga ɗo̰ tɨna wanɨn̰ nee. Kɨrbaŋdi hɨnga ga ɗo̰ tɨna le, na ɔlɛ gɨ da kalaŋ ga woyge dan̰ cɨndɨge.


Kardi nee ɨŋ sol Kurɨn̰-dɨmangɨ ƴom tambo di ɓagɨmɨn̰ge kɨbɨ magtubu pɨna duroy ga jurgum le haŋgɨ ɨni na, ɨŋ je noy kandi-se ga gɨɗɨgɨ-Kumu gaŋ pɨna duroy ga poɗɨn̰ ye dan̰ te tumoyi di ye hɨn̰ ale gɨ da Kumu wo̰ ye hɨn̰: «Ɨre.»


Kan yen̰ge garman̰əŋ bɨ, karɨn̰ orun̰əŋ bɨ: «Laydangɨŋ cayni wɨsanigɨŋ hen̰ cɨn̰ ba-sɔmɛ a cay kali-tɨrɨmbala dɨŋ bɨ, cɨn̰ kuduroy-hɔmɛ da Kurɨn̰-dɨmangɨ bɨ.


Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.


Kɨya wa kurɨn̰-dɨmangɨ gɨ ɨre a duroy kali-tɨrɨmbala dɨŋ bɔb le, kɨya sɔlɛ kardɨge hɨn̰ ba-ame gamge gɨ sol kardi gamge wo̰ bɨ. Ban kɨya dɔrɛ tumoyge orɨn̰ danage a kɨɗɨn̰ ga kan kɨya ɓale sɨn̰ kaŋ ga bee sɔmɛ-bɨra gɨ leen̰ cɨndi. Ɗaŋ coŋ Kumu kɨya hande kaŋdi cɨndɨge a cɨndɨge pɨrɛd pɨrɛd coŋ bɨ.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ