Kɔl-gɨ-Ɗari gɨ Ja̰ wal 1:14 - Gabri Maja

¹⁴ Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:14 ပူးပေါင်းရင်းမြစ်များ

Matɨyo 1:16

Jagob wɔɔ Jɨsɛb Mari kudurɔ, bɨ Mari wɔɔ Jesu, kan teeyige na Kɨris.

Kɔl-gɨ-Ɗari gɨ Lug wal 2:11

Labɨde kan wɔɔge Ba-pɔɗɛ kalaŋ a cay ƴaa di da Dabid, ban na Kɨris ban gɨ Kumu dorii le bɨ, ban na Ba-gulɔŋ nee bɨ.

Kɔl-gɨ-Ɗari gɨ Lug wal 2:7

Hɨndi wɔɔ kɨyoo gɨ cay wase. Hɨndi nɔngɨri dan̰ kɨbɨ badɨge bɨ, dɨbii duroy bəgɨrə gɨŋ kɨya gɨ kɨɗɨn̰ unɔ a duroy ƴaa gɨ ni bogɨn̰ kɨrge nee gaŋ.

Kɔl-gɨ-Ɗari gɨ Lug wal 9:32

Pɨyɛr dan̰ ka-pogɨn̰i ga danayi le, kuŋ diige tɔgɨ ama kɨɗɨn̰ ga kan sayge te kuŋ gaŋ na kan solge asɨn̰a di da Jesu bɨ, ban̰aŋ ga sɔɔ ga ɨrege danayi le bɨ.

Kɔl-gɨ-Ɗari gɨ Ja̰ wal 1:1

Tumɔ ɓɨragɨ gɨ cay gɨsəŋ laan̰ gusɨge naŋ ƴee le, ban gɨ kan teeyige Kɔl le woy nee ɨni. Ban som pɨna na dan̰ Kumu bɨ, Kɔl na Kumu bɨ.

Kɔl-gɨ-Ɗari gɨ Ja̰ wal 11:40

Ama Jesu dɨboo cay nee yoo hɨn̰: «Kɛ ɨŋ yane naŋ ga? Ɨŋ yene hɨn̰: Hɨn̰ gɨ me na bɨga kudurɛɛ canɨ na, me kɨya sɔlɛ gusoŋ-tɔgɛ gɨ da Kumu dan̰ cɨnde.»

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 14:9

Jesu dɨbi cay nee yeyi hɨn̰: «Pilib, ɨŋ som danagɨŋ karɨnɨ sɨngɨɗɨ bɨ, na mɨna ma mɨn̰ sɨlaŋ naŋ coŋ ga? Ungo gɨ na sɨlaŋ dan̰ tɨdi na, sol Banɨ dan̰ tɨdi bɨ. Na mɨna ma mɨn̰ ye: “Gɨ ɨŋ na gɨlgɨŋ Banɨ coŋ ga?”

Kɔl-gɨ-Ɗari gɨ Ja̰ wal 17:22

Ɨŋ-bandi ɨŋ bɨge gusoŋ-tɔgɛ gɨ ji ba bəŋ. Ɗe kan na bugoŋge pɨna hɨn̰ gɨ na ba bugoŋ pɨna bɨ le.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Kɔl-gɨ-Ɗari gɨ Ja̰ wal 18:37

Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Kɔl-gɨ-Ɗari gɨ Ja̰ wal 2:11

Hɨnga ga nee le, ma na hɨnga ga ɗɨn̰ cɨn̰-kɨɗɨn̰ ga cay wase ga Jesu lee. Ban lee na a Kana a cay gɨsəŋ ga Galile gaŋ. Ban gɨl gusoŋ-tɔgɛ koyi cɨn̰ kalaŋ, lee gɨ ka-aye-cay-tɨbayi beege kuduroyge cayi.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:18

Waŋ waŋ gɨ na bɨga kuduroyi cayi na, bɔyɛ kɔl unɔ cayi. Ama waŋ waŋ gɨ na bɨga kuduroyi cayi naŋ na, boyge kɔl cayi ɨni, kɨya wa ban bɨga kuduroyi a cay Kurɨn̰-Kumu gɨ pɨna hayi kəɗ kəɗ le naŋ.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 8:32

Hɨn̰ wo̰ na, kɨŋ kɨya sɔlɛ kɔl gɨ cɨndi gɨ ojɨ cay Kumu bɨ, kɔl gɨ cɨndi kɨya lɔɔ gɨ kɨŋ kɨya bɨləŋ kalaŋ ga ka-sɔmɛ cayge kalɨn̰ bɨ.»

Gɨye-lɔɔ 13:33

Ma ban lee hɨnga ga nee le haw kɛ bɨni ni-gandi kongɨn̰ii. Kɨya wa Jesu gɨ ba ma le, ban boyi lɨbii duroy kalaŋ ga madɨrdaŋ gaŋ, hɨn̰ gɨ kan ba walge a duroy magtubu sɔɔdo dɨŋ da Kɨbe-Kɨra Sɔm le. Walge yege hɨn̰: “Ji na kuronɨ, Ayɨn̰ toy labɨde na, ɨŋ na ban̰.”

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

1 Korɛ̰t 15:47

Adam ungo gɨ cay wase gɨ leeyige dan̰ gɨsəŋ le, ban mana gɨ da gɨsəŋ. Ama Adam gɨ ni sɔɔdi na, sayga na gɨɗɨgɨ-Kumu gɨŋ ɨrga.

2 Korɛ̰t 12:9

Ama Ba-gulɔŋ yəŋ hɨn̰: «Ɗarwa tɨnge ɓalɨn̰. Dɔnɔ tɨnge kɨya gɨle guso ɗəndəŋ gusi ungo gɨ ɨran̰ dan̰ dɔnɔ naŋ.» Na toy di hɨn̰ wo̰ ma ɨŋ kɨya gɨle gusɨnɨ dan̰ gusi-mɔwa gɨɗaŋ cay dɔnɔ di ɨŋ ɨran̰ naŋ, ɗe dɔnɔ di da Kɨris gɨl guso doŋ kol canɨ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Kɔlɔs 1:19

Hɨnga nɔm ga ba wandɨn̰, Gusi Kumu tɛlɛlɛ tɛlɛlɛ le, Wandɨn̰ gusi kurondi bɨ. Kɨya gɨ Kumu ba geye hɨn̰ wo̰,

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Kɔlɔs 2:9

Jɔɔgɨŋ kɔl koge naŋ kɨya wa hɨnga nɔm ga wandɨn̰ gusi Kumu tɛlɛlɛ tɛlɛlɛ le, wandɨn̰ gusi Kɨris tɛlɛlɛ tɛlɛlɛ bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 1:5

Na cɨndi duroy ka-ƴɔbɛ ga daa le, pɨna wo̰ gɨ Kumu yeyi hɨn̰: «Ji na kuronɨ, ayɨn̰ toy labɨde ɨŋ na ban̰» le, unɔ. Naŋ le, ɗaŋ coŋ: «Ɨŋ kɨya bɨle ban̰ bɨ, ji kɨya bɨle kuronɨ bɨ» le, unɔ.

Əbɨro 10:5

Na toy di hɨn̰ wo̰ ma, kɨɗɨn̰ ga Kɨris ɨre ɨrga cay gɨsəŋ gaŋ na, ban yen̰ Kumu hɨn̰: «Ji-bandi ji gey hɨnga ga ni bogɨn̰ kɨbar naŋ bɨ, Hɨnga ga ni aye be naŋ bɨ, Ama ji-bandi ji lee kuyonɨ bəŋ.

Əbɨro 2:11

Jesu ba dorɨn̰ kalaŋ mɨra te ɨsɨna koge gɨŋ bɨ, kan ga ban dorge mɨra te ɨsɨna koge gɨŋ bɨ le, kan nɔm toge dɨŋ bayge na pɨna. Na toy di hɨn̰ wo̰ ma, dasi dayi di ni togɨge karmii ga ban̰aŋ dan̰ ga kandɨ naŋ.

Əbɨro 5:5

Gɨ da Kɨris kalɨn̰ ma, na hɨn̰ wo̰ bɨ. Na ban ba bɨle mangɨl gɨ da ka-cay ka-bɔgɛ kɨbar dɨbɨn̰ gusoŋ-tɔgɛ a cay gusi koyi gɨŋ gaŋ naŋ. Ama ban gɨ ba dɨbe gusoŋ-tɔgɛ a cayi le, na Kumu gɨ ye hɨn̰: «Ji na Kuronɨ, Ayɨn̰ toy labɨde na, ɨŋ ye daa waŋ ɨŋ na ban̰.»

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

1 Ja̰ 4:9

Sɨlagɨŋ gɨyəŋ gɨ Kumu wasɨn̰ɨn̰ geye koyi duroynagɨŋ ba kɛ: Ban gɨygɨ Kurondi gɨ pɨna hayi kəɗ kəɗ a cay gɨsəŋ gaŋ ɗe ana na orɨn̰ dan̰ sɔmɛ-bɨra dan̰ gɨyəŋ koyi.

2 Ja̰ 1:7

Ka-nare cɨn̰-kɨɗɨn̰ kondɨ andaŋge a cay gɨsəŋ gaŋ. Kan kan̰ge yɔ daa pɨraŋ hɨn̰ gɨ Jesu-Kɨris na ɨrga naa hɨn̰ ungo gɨ ɨndi wo̰ a cay gɨsəŋ gaŋ. Ungo gɨ na ya kɔl gɨ hɨn̰ wo̰ na, ban na ba nare kɨɗɨn̰ bɨ na ba-baa gɨ da Kɨris bɨ.

Wasɨn̰a 19:13

Badɨge ga ni dɔbɛ cay kamdɨge gaŋ ga ban dobɨ le, dobɨge duroy kɨbar gɨŋ bɨ, gusondi na Kɔl gɨ da Kumu bɨ.

Wasɨn̰a 21:3

Ɨni na, ɨŋ je noy ungo gɨ ye dan̰ togi sayga a cay kali-tɨrɨmbala dɨŋ ye hɨn̰: «Sɨlagɨŋ! Kɨɗɨn̰ sɔmɛ ga da Kumu kɨya wɔyɛ duroy kalaŋ ga ɨndəŋ! Ban kɨya sɔmɛ duroyge bɨ, kan kɨya bɨləŋ te kalaŋ kayi bɨ. Ho’o, Kumu gusi koyi kalɨn̰ ma kɨya sɔmɛ danage bɨ, ban kɨya wɔyɛ na Kumu koge bɨ.