Kɔl-gɨ-Ɗari gɨ Ja̰ wal 1:12 - Gabri Maja

¹² Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Kɔl-gɨ-Ɗari gɨ Ja̰ wal 1:12 ပူးပေါင်းရင်းမြစ်များ

Matɨyo 10:40

«Waŋ waŋ gɨ na ƴɨmagɨŋ kuɗa gusi na, ƴɔmɔŋ na ɨŋ-bandi kuɗa gusi bɨ. Waŋ waŋ gɨ na ƴɨmaŋ kuɗa gusi na, ƴom na ban gɨ gɨygəŋ le kuɗa gusi bɨ.

Matɨyo 12:21

Te wɔɔ gɨ da kalaŋ ga ɗaŋ Kɨya ɗɔɔge ɨrɨmedɨge cayi.»

Matɨyo 18:5

Waŋ waŋ gɨ na ƴɨma kɨye gɨ n̰əŋ gusi, hɨn̰ ban gɨ kɛ le dan̰ gusoŋnɨ na, ƴɔmɔŋ na ɨŋ-bandi gusɨnɨ gusi bɨ.

Kɔl-gɨ-Ɗari gɨ Ja̰ wal 1:11

Ban ɨrga na cay ƴaadi dɨŋ, ama kalaŋ ga a cay ƴaadi dɨŋ, ƴɨmayige gusɨge naŋ.

Kɔl-gɨ-Ɗari gɨ Ja̰ wal 1:7

Ban ɨrga na kɨya lɔɔ tɨmon̰ bɨ. Ban lee na tɨmon̰ da asɨn̰a, ɗe gɨ kalaŋ nɔm na bɨgan̰ge kuduroyge cay asɨn̰a gɨŋ, dan̰ gɨyəŋ gɨ da tɨmon̰ toyi.

Kɔl-gɨ-Ɗari gɨ Ja̰ wal 11:52

Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Kɔl-gɨ-Ɗari gɨ Ja̰ wal 2:23

Duroy wɔlɛn̰əŋ ga ban somɨn̰ a cay ƴaa-di-gumu di Jerusalɛm dɨŋ kɨya loon̰ kɨdɨrɛ gɨ ni Pakɨ gɨ da Jubɨ le, kalaŋ kondɨ beege kuduroyge cay gusondi, kɨɗɨn̰ ga kan solge hɨnga ga ɗɨn̰ cɨn̰-kɨɗɨn̰ nɔm ga ban lee le.

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 3:18

Waŋ waŋ gɨ na bɨga kuduroyi cayi na, bɔyɛ kɔl unɔ cayi. Ama waŋ waŋ gɨ na bɨga kuduroyi cayi naŋ na, boyge kɔl cayi ɨni, kɨya wa ban bɨga kuduroyi a cay Kurɨn̰-Kumu gɨ pɨna hayi kəɗ kəɗ le naŋ.

Gɨye-lɔɔ 3:16

Ungo gɨ kɨŋ ba solii dan̰ cindɨgɨŋ nɔm kɛ bɨ, gɨ kɨŋ ba solii kuɗa bɨ le, na guson̰ Jesu gɨ ban bee kuduroyi cay nee, ba lɔɔ ma tɨbay osɨdəŋ kəŋ kəŋ. Aye kudurɔ gɨ ban ay bɨn̰ Jesu jaŋ ƴɔbɨ, ba bii dan̰ pɔɗɛ gɨ ni kuyoŋdi-gusi caŋ caŋ tumoygɨŋ nɔm kɛ.

Magtubu di Pol wal bɨn̰ kalaŋ ga Rɔm 8:14

Kalaŋ nɔm ga Turnɔ di da Kumu ba dor tumoyge le, kan na karɨn̰ Kumu.

Magtubu di Pol wal bɨn̰ kalaŋ ga Rɔm 8:16

Turnɔ di da Kumu dan̰ guso kalɨn̰ ma lee tɨmon̰ a ɗugoyna gɨ na naa karɨn̰ Kumu.

Magtubu di Pol wal bɨn̰ kalaŋ ga Rɔm 8:19

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

Kɔlɔs 2:6

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa.

2 Pɨyɛr 1:4

Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.