Galad 6:8 - Gabri Maja

⁸ Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu.

Galad 6:8 ပူးပေါင်းရင်းမြစ်များ

Matɨyo 19:29

Bɨ waŋ waŋ gɨ na ɗa ƴaadi nɔm wala karmii ga ban̰aŋ wala, ga kandɨ wala, bayi wala ƴoyi wala, karɨndii wala, yage koyi coŋ kɨya canɨ na, ungo gɨ nee le kɨya wɔɔ ɗɨn̰ kan ga nee le tɨba aru bɨ, kɨya wɔɔ sɔmɛ-bɨra gɨ dan̰ tumoyi kardi nee bɨ.

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Kɔl-gɨ-Ɗari gɨ Lug wal 18:30

Kumu kɨya bii cay kobi haw kɛ, boy wɔlɛ gɨ haw kɛ gɨŋ bɨ, kɨya wɔɔ sɔmɛ-bɨra gɨ dan̰ cɨndi boy wɔlɛ gɨ kɨya caga gɨŋ bɨ.»

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 4:36

Ba-wale cay gasa way hɨnga ga ni cay kobi ɨni bɨ, ban day cɨn̰ gasa ga ɗari le daa kɨya cay sɔmɛ-bɨra gɨ dan̰ cɨndi le. Lee gɨ ba-gɨse bɨ, ba-wale gasa bɨ, leege gusi-mɔwa pɨna.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

1 Korɛ̰t 15:42

Kɨya wɔyɛ hɨn̰ wo̰ boy wɔlɛ gɨ kalaŋ ga madɨrdaŋ kɨya bɔyɛge lɨbe bɨ. Kuyoŋdi-gusɨna gɨ ɨmgiige dugo le, kɨya mundoŋ ama kuyoŋdi-gusɨna gɨ ba kɨya bɔyɛ lɨbe le, kɨya mundoŋ naŋ bɨrɨŋ.

Galad 6:7

Ɗagɨŋ muɗɔlɛ cay gusɨgɨŋ, naregɨŋ cɨn̰ gusɨgɨŋ naŋ. Kumu le, ungo kɨya ɓale sogii naŋ. Hɨnga ga ungo gɨsɨ le, na kan ga nee le kɔ ma ban kɨya wale.

1 Timote 1:16

Ama Kumu sol cɨn̰-n̰age hɨnge. Na toy di hɨn̰ wo̰ ma, Jesu-Kɨris gɨlɨn̰ ɗarwa toyi jɨn̰ doŋ, kɨya canɨ ɨŋ-bandi gɨ ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm. Kɨris lee wo̰ na kɨya ɗon̰ hɨnga ga ni gɨle kɨya cay kan ga kɨya bɔgɛ kuduroyge cayi gɨ ni wan̰ sɔmɛ-bɨra gɨ dan̰ cɨndi.

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Magtubu di Jag wal 3:18

Kalaŋ ga gusi-dɔbɛ ƴom kuduroyge tɔgɨ le, kɨya gɨsege na cɨn̰ gusi-dɔbɛ dan̰ kardɨge kardɨge. Bɨ cɨn̰ hɨnga ga kan kɨya walege le, na gɨye-lɔɔ gɨ or dan̰ durɔ ɗɨngar bɨ.

2 Pɨyɛr 2:12

Ama kalaŋ ga nee le, leege hɨnga dɨle ɨrɨme hɨn̰ kɨmɛnɛ ga coŋ ga kan woogege kɨya ƴomgege bɨ, dɨɗɨgege bɨ wo̰. Kan yagɨdege hɨnga ga kan sɨlage naŋ le. Kan kɨya mare na tɨma di gɨlɨn̰ hɨn̰ da kɨmɛnɛ ga coŋ wo̰.

2 Pɨyɛr 2:19

Kan ayge tumoyge bɨge yegege hɨn̰ gɨ kan na kɨya andaŋ kɨbɨ guyɔŋdu dɨŋ coŋ, ama kan kalɨn̰ ma na gɔyɔŋ ga da gɨye-lɔɔ gɨ kɨya orɨn̰ dan̰ ungo dɨbii kɨbɨ tɨma dɨŋ. Kɨya wa ungo na guyɔŋ gɨ da hɨnga ga ɗɨn̰ cayi.

Magtubu di Jud wal 1:21

Kɨŋ-gandi gusɨgɨŋ amagɨŋ gusɨgɨŋ ɨrɨn̰gɨŋ a cay geye gɨ Kumu geygɨŋ gɨŋ le, gaman̰ sɔmɛ-bɨra gɨ dan̰ tumoyi gɨ Ba-gulondɨna Jesu-Kɨris kɨya bɨna dan̰ gɨyəŋ gɨ da sɔlɛ cɨn̰-n̰age toyi le.

Wasɨn̰a 22:11

Kuɗa gɨ ungo gɨ ba lɔɔ hɨnga ga dan̰ durɔ ɗɨngar naŋ, laa ɨran̰ dan̰ cɨndi tumɔ bɨ, ungo gɨ ba lɔɔ kɨni laa ɨran̰ dan̰ cɨndi tumɔ bɨ, ungo gɨ ba lɔɔ hɨnga ga dan̰ durɔ ɗɨngar, laa ɨran̰ dan̰ cɨndi tumɔ bɨ, ungo gɨ ba wɔyɛ dan̰ cɨndi, wɨya dan̰ cɨndi jɨn̰ tumɔ bɨ.»