Galad 6:18 - Gabri Maja

¹⁸ Karmɨnɨ ga ban̰aŋ dan̰ ga kandɨ, ɗa gɨ ɗarwa di da Ba-gulondɨna Jesu-Kɨris baa danagɨŋ bɨ, baa dan̰ turnoygɨŋ bɨ. Ɗa-ɗe-woy-hɨn̰-wo̰.

Galad 6:18 ပူးပေါင်းရင်းမြစ်များ

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Magtubu di Pol wal bɨn̰ kalaŋ ga Rɔm 1:13

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 16:20

Baa mɨnde gɨ Kumu gɨ ba-bee gusi-dɔbɛ kɨya rade cay Sidan a te tɨbayigɨŋ dɨŋ dugo. Kuɗa gɨ ɗarwa di da Ba-gulondɨna Jesu baa danagɨŋ.

Magtubu di Pol wal bɨn̰ kalaŋ ga Rɔm 16:23

Gayus gɨ ba ƴɔmɔŋ ɨŋ-bandi Pol tɨrga tayi bɨ, ba ƴɔmɛ Ka-Daye nɔm bɨ, ləgɨŋ lapɨya bɨ. Erasɨ gɨ ba-game gursu di da cay ƴaa-di-gumu bɨ, kurɨndɨna Kartus bɨ, ləgɨŋge lapɨya bɨ.

Galad 3:15

Ay, karmɨnɨ ga ban̰aŋ dan̰ ga kandɨ, ɨŋ ay gɨye-lɔɔ gɨ da kalaŋ ga ɨndəŋ, kɨya gɨlgɨŋ hɨnga pɨna. Hɨn̰ gɨ ungo na gɨsɨ gɔsɨnɛ hɨnga kayi ga kɨya bɔɔ ban̰di dan̰ gɨyəŋdɨge na, ungo gɨ ɗaŋ kɨya ɓale mɔndɛ coŋ naŋ bɨ, dɔrɛ kɔl boy nee coŋ naŋ bɨ, dɨbe koyi cay nee naŋ bɨ.

Galad 4:12

Ay, karmɨnɨ ga ban̰aŋ dan̰ ga kandɨ, ɨŋ lee n̰age toygɨŋ, ɗa gɨ kɨŋ wɨya hɨn̰ ɨŋ-bandi wo̰ bɨ, hɨn̰ gɨ ɨŋ-bandi kalɨn̰ ma ɨŋ ba lee gusɨnɨ gɨlɨn̰ hɨn̰ kɨŋ-gandi wo̰ bɨ. Kɨŋ laaŋ hɨnga ga ɨsɨni pɨna nɛŋ tumɔ naŋ.

Galad 4:28

Kɨŋ ga ni karmɨnɨ ga ban̰aŋ dan̰ ga kandɨ le, kɨŋ na karɨn̰aŋ ga woogɨŋge dan̰ gɨyəŋ gɨ da kɔl gɨ Kumu ye gɨ ɗi na kɨya lɔɔ, gɨlɨn̰ hɨn̰ gɨ da Isag wo̰.

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

2 Timote 4:22

Kuɗa gɨ Ba-gulɔŋ baa dan̰ turnon̰ bɨ, kuɗa gɨ ɗarwa di da Kumu baa danagɨŋ nɔm bɨ.

Pilemo 1:25

Kuɗa gɨ Ba-gulɔŋ Jesu-Kɨris laa ɗarwa danagɨŋ.

Wasɨn̰a 22:21

Kuɗa gɨ Ba-gulɔŋ Jesu laa ɗarwa danagɨŋ nɔm.