Galad 6:12 - Gabri Maja

¹² Aŋ yəgɨŋ, kalaŋ ga malge gɨ kɨŋ na wala ban̰a dan̰ osɨwa le, na kalaŋ ga geyge gɨle gusɨge cɨn̰ kalaŋ. Leen̰ cɨndi na, kan leege hɨn̰ wo̰ ɗe gɨ kalaŋ na gɨ gɨlge cɨn̰ kɨya cay Kɨris naŋ bɨ, cay tɔgɛ bɛrnɛ tɨmay Kɨris cay sɨya-gɨ-dagɨli gɨŋ naŋ bɨ.

Galad 6:12 ပူးပေါင်းရင်းမြစ်များ

Matɨyo 23:27

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ woy gɨlɨn̰ na hɨn̰ cay kamɨn̰aŋ ga leege bɛrɛ tɨrɨjɨ wo̰. Lee gɨ ungo na sɨla kardɨge ga doŋ na lee kambɨla, ama duroyge gɨ ƴen̰ na, wanɨn̰ dan̰ isi da kalaŋ ga ma bɨ, dan̰ hɨnga ga osɨn̰ ga toyge kan̰dɨge kan̰dɨge boy nee.

Matɨyo 23:28

Kɨŋ-gandi kalɨn̰ ma, kɨŋ woy na hɨn̰ wo̰ bɨ, kardi gusɨgɨŋ gɨ doŋ woy kuɗa tumoy kalaŋ hɨn̰ kalaŋ ga dan̰ durɔ ɗɨngar wo̰. Ama yɔɔ kɔl kɨbɨgɨŋ sɔɔ-sɔɔ bɨ, ɨsɨna bɨ wandɨn̰ kuduroygɨŋ daa.

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Matɨyo 5:10

Tumoy wolwa woy kol caygɨŋ, kɨŋ ga kan gɨlgɨŋge cɨn̰ kɨya cay hɨnga ga dan̰ durɔ ɗɨngar, Kɨya wa dɔɔ-ƴaa di daa le na togɨŋ!

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:2

Hɨn̰ gɨ ji na bɨn̰ ungo gɨ ba-n̰age hɨnga na, ji ɗɔɔ ba dɔgɛ-bɨla cay nee, hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Kan na, kan bɨdɨn̰ge ka-n̰age hɨnga na a duroy ƴaa-daye-di-da-Jubɨn̰əŋ gaŋ bɨ, a te gɨyəŋ ga woli gaŋ bɨ, ɗe kalaŋ na hɨramgege. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:5

«Kɨŋ-gandi na, kɨɗɨn̰ ga kɨŋ na kɨya ɔlɛ Kumu na, wɔyɛgɨŋ hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Ga mooge ɨre dan̰ tɨbayige daa duroy ƴaa-daye-di-da-Jubɨn̰əŋ gaŋ bɨ, tɨbɨn̰ gɨyəŋn̰əŋ gaŋ bɨ, kɨya olɨn̰ Kumu ɗe kalaŋ na solge le naŋ. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Lug wal 20:47

Kan na ka-lɔbdɛ hɨnga ga da kandɨ ga kodɨn̰ige ma bɨ, kɨɗɨn̰ ga kan ɨre tumoy kalaŋ kɨya ɔlɛ Kumu na, kan lee gusɨge hɨn̰ kalaŋ ga dan̰ durɔ ɗɨngar wo̰. Kɔl gɨ kan kɨya bɔyɛ a cayge le, kɨya dɨmbɨrwa tɔgɨ.»

Kɔl-gɨ-Ɗari gɨ Ja̰ wal 7:18

Ungo gɨ ye kɔl dan̰ gusondi koyi gaŋ le, mal na gusoŋ-tɔgɛ koyi ban. Ama ungo gɨ ba male gusoŋ-tɔgɛ gɨ da ban gɨ ba gɨygii na, ban na ungo gɨ hɨnde, lee gɨ hɨnga ga dan̰ gɨyəŋdɨge naŋ unɔ kuduroy.

Gɨye-lɔɔ 15:1

Ɨni na, kalaŋ ga pɨna wo̰ saygage a cay gɨsəŋ ga Jude gaŋ, ɨrgage gɨlɨn̰ge ka-karme ga a Antɨyɔs kɔl, yege hɨn̰: «Hɨn̰ gɨ kɨŋ na ɗa gɨ kan na walagɨŋ ban̰a dan̰ gɨyəŋ gɨ da gasɨn̰-kɔl gɨ da Moyis naŋ na, Kumu kɨya poɗɨgɨŋ naŋ bɨrɨŋ.»

Gɨye-lɔɔ 15:5

Ama ka-aye kudurɔ ga pɨna wo̰ ga ka-kɔbɛ kardi hɨnga gɨle ga da Parɨsɨn̰an̰əŋ sayge daa kɨɗɨn̰ dayaŋ gaŋ le yege hɨn̰: «Ka-aye kudurɔ ga na Jubɨ naŋ le, naa wa wa kalɨn̰ ma ojɨ gɨ kan walage ban̰a. Bɨ ojɨ gɨ ni na aya noyni bɨge ɗe kan na kɨba te gasɨn̰-kɔl gɨ da Moyis bɨ.»

2 Korɛ̰t 10:12

Ni-gandi ni ɓala gɨ ni se gusɨni a kɨway kalaŋ ga pɨna ga hɨram gusɨge le naŋ bɨrɨŋ. Ni gey gɨse gusɨni danage naŋ. Kan som gɨsɨ gusɨge dan̰ gusɨge koge bɨ, gɨsɨ gusɨge duroyge bɨ. Dan̰ gɨyəŋ gɨ nee le na, kan gɨl gɨ kan naa ka-matɨr.

2 Korɛ̰t 11:13

Kalaŋ ga nee le na ka-gɨre-gɨye ga cɨndi naŋ, kan na ka-lɔɔ gɨye ga ka-nare cɨn̰ kalaŋ ga leege gusɨge gɨlɨn̰ hɨn̰ ka-gɨre-gɨye ga da Kɨris wo̰.

Galad 2:14

Ama kɨɗɨn̰ ga ɨŋ sol gɨye-lɔɔdɨge ɨra dan̰ durɔ naŋ bɨ, ɨra pɨna dan̰ kɔl gɨ cɨndi gɨ da Kɔl-gɨ-Ɗari naŋ bɨ ɨni na, ɨŋ yen̰ Kepas cɨn̰ kalaŋ nɔm hɨn̰: «Hɨn̰ gɨ ji gɨ ni Jubɨ, ji na ɨra hɨn̰ ungo gɨ toyi na Jubɨ naŋ na, ji ɗe na hada di da Jubɨ coŋ. Naa hɨn̰ wo̰ na, na kɨya wa ma man̰ gey ɗɔɔ dɔnɔ a cay kalaŋ ga toyge na Jubɨ naŋ, ɗe na bɨləŋge hɨn̰ kalaŋ ga toyge na Jubɨ wo̰ ga?»

Galad 2:3

Sɨlagɨŋ, Titɨ ban gɨ ni Gɨrɛg gɨ toyi na Jubɨ naŋ gɨ bəŋ le kalɨn̰ ma, kan sige tɔgɨ cay gɨ ni walii ban̰a naŋ.

Galad 5:11

Ay, karmɨnɨ ga ban̰aŋ dan̰ ga kandɨ, hɨn̰ gɨ ɨŋ-bandi kalɨn̰ ma, ɨŋ na ɨr tɨga bɛrnɛ bɨn̰ kalaŋ coŋ gɨ wale ban̰a na ojɨ gɨ ni lɔɔ na, kɛ na kɨya wa ma Jubɨn̰əŋ ɨrege gɨləŋge cɨn̰-gɨle-cɨn̰ coŋ ga? Hɨn̰ gɨ leen̰ cɨndi, ɨŋ na ɨr ya kɔl gɨ hɨn̰ wo̰ na, tɔgɛ bɛrnɛ di da sɨya-gɨ-dagɨli kɨya homge naŋ ɨni.

Galad 6:13

Kan ga na kalaŋ ga walge ban̰a kalɨn̰ ma, bɨgage kɔl a cay gasɨn̰-kɔl gaŋ nɔm dan̰ gɨyəŋdi naŋ. Ama, kan geyge gɨ kɨŋ na wala ban̰a age na den̰ jorgɨyge, kɨya cay hɨnga ga kɨŋ ba lee le.

Pilib 1:15

Na cɨndi, kalaŋ ga pɨna duroyge teege bɛrnɛ di da Kɨris na kɨya cay cɨn̰-pɨɗɨma bɨ jangɨ bɨ. Ama ga pɨna na teege bɛrnɛ na dan̰ ɨrɨme gɨ ɗari.

Pilib 2:4

Ɗɔ gɨ waŋ waŋ kalɨn̰ ma se cɨndi kardi hɨnga ga ojɨ cayi toyi ƴɔbɨ naŋ, ama kuɗa gɨ ban si cɨndi ujan̰ cayi hɨnga ga da kamdi bɨ.

Pilib 3:18

Ɨŋ ye kɔl gɨ nee le, kɨya wa kalaŋ ga geyge kɔl gɨ da sɨya-gɨ-dagɨli gɨ da Kɨris naŋ woyge nee dan̰ kondiige, hɨn̰ gɨ ɨŋ ba yəgɨŋ tɨba kondɨ le, ma maŋ jɨga yəgɨŋ haw kɛ dan̰ kaŋdi cɨnɨ.

Kɔlɔs 2:23

Na cɨndi, hada ga nee le, hɨn̰ gɨ ji na sɨlage na, na hɨnga ga gɨl cɨn̰-muɗɔlɛ kɨya wa kan ɨngɨr gɨ kalaŋ na bɨgage kɔl cay hada bɨ, dɨba cayge dugo bɨ, gɨlɨn̰ kuyoŋdi-gusɨge cɨn̰ bɨ. Ama ɗarwadɨge pɨna wo̰ unɔ kɨya wa kan ɓalage gɨ ni nare kalaŋ ga ɨndəŋ lɔɔ hɨnga ga ɨsɨni ga kuduroyge ojɨ lɔɔ le naŋ.