Galad 5:7 - Gabri Maja

⁷ Kɨŋ gɨre kuɗa a te gɨyəŋ gɨ da Kɨris gɨŋ, hagɨŋ bɨ kɛ na waŋ ba jɨga nargɨŋ bɔgɛ kɔl a cay kɔl gɨ cɨndi gɨŋ le ga?

Galad 5:7 ပူးပေါင်းရင်းမြစ်များ

Matɨyo 13:21

Ama kɔl gɨ da Kumu le bɨga sarnay kuduroyge naŋ, kɔl gɨ kan ƴeege le kan ɨrge cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge, naŋ le, kan na gɨlge-cɨn̰ kɨya cay kɔl gɨ da Kumu na, kan dɨbɨge aye kudurɔ koge coŋ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Magtubu di Pol wal bɨn̰ kalaŋ ga Rɔm 10:16

Ama na kalaŋ nɔm ba bɔgɛ kɔl a cay Kɔl-gɨ-Ɗari gɨŋ naŋ. Ho’o, ba-yɔɔ-kɔl-gɨ-Kumu-ba-yɔɔ Ijay kalɨn̰ ma ye hɨn̰: «Ay Ba-gulɔŋ, kɛ na waŋ ba bɔgɛ kuduroy a cay tɔgɛ bɛrnɛ toni dɨŋ ga?»

Magtubu di Pol wal bɨn̰ kalaŋ ga Rɔm 15:18

Na cɨndi, hɨn̰ gɨ ɨŋ na mala yɔɔ kɔl a cay hɨnga na, na a cay hɨnga ga Kɨris lee kol canɨ ƴɔbɨ, ma maŋ kɨya yɔɔ kɔl cay nee. Dan̰ gɨyəŋ hɨnge na, ban lee gɨ kalaŋ ga toyge na Jubɨ naŋ jege kɔl kɨbɨ Kumu. Ban lee hɨnga ga nee le na dan̰ kɔl bɨ gɨye bɨ,

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 2:8

Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

1 Korɛ̰t 9:24

Kɨŋ sol gɨ ka-bɔgɛ sɨwa kɨɗɨn̰ gɨre gaŋ le, gɨrege nɔm hage. Ama na ungo pɨna hayi gɨ gɨre ɗɨn̰ kamdi ba wɔɔ cay kobi. Ayagɨŋ mana di kɔl gɨ nee le gɨsɨn̰ dan̰ gɨyəŋ gɨ da aye kudurɔ ɗe agɨŋ wan̰ cay kobɨgɨŋ.

2 Korɛ̰t 10:5

ni mondɨ hɨnga nɔm ga ɨrgan̰ dan̰ dɔgɛ jɔrgɔ gɨ narɨn̰ kalaŋ sɔlɛ Kumu le bɨ. Ni kɨya ƴɔmɛ cay tɨban̰ ɨrɨme gɨ da kalaŋ nɔm guyɔŋdu, ɗe kalaŋ ga nee le beege kɔl cay Kɨris.

Galad 2:2

Na kɨya cay andaŋ gɨ Kumu andaŋ canɨ, ma maŋ orɨn̰ Jerusalɛm le. Kɨɗɨn̰ ga ɨŋ bugoŋ na, ɨŋ dor te Kɔl-gɨ-Ɗari gɨ ɨŋ ba tee bɛrnɛdi bɨn̰ kalaŋ ga toyge na Jubɨ naŋ le, ɗe tumoy ka-dɔrɛ tumoy kalaŋ ga gɨmdəŋ kan̰dɨge. Ɨŋ lee hɨn̰ wo̰ na ɗe gɨ gɨye gɨ ɨŋ lee tumɔ bɨ, gɨ ɨŋ ɨre gɨre koldi haw kɛ bɨ le, ɗe na da ban̰ gusɨnɨ naŋ.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 5:10

Ba-gulɔŋ lee gɨ ɨŋ si kuduronɨ pɨna caygɨŋ, hɨn̰ gɨ ɨrɨmedɨgɨŋ na kɨya wɔyɛ kan̰di dan̰ hɨnge naŋ. Ama ungo gɨ ba dɨbe do̰ duroygɨŋ le, ban naa ungo gɨ mɨna mɨna kalɨn̰ ma, Kumu kɨya lɔɔ gɨ hɨnga lɔɔdi kɨya ɓalɨn̰a dan̰ kɨbi.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

Əbɨro 11:8

Na dan̰ gɨyəŋ gɨ da aye kudurɔ ma, Abɨraham je kɔl kɨbɨ Kumu, kɨɗɨn̰ ga Kumu teeyi. Lee gɨ ban say ɗe cay gɨsəŋ kayi coŋ orɨn̰ a cay gɨsəŋ ga Kumu ojɨ bii leen̰ cay gɨsəŋ kayi. Ban say or dɨle sɔlɛ kɨɗɨn̰ ga ban or jɨn̰ nee jɛɗɨ.

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.