Galad 5:18 - Gabri Maja

¹⁸ Ama hɨn̰ gɨ Turnɔ di da Kumu na ba dɨra tumoygɨŋ na, gasɨn̰-kɔl na ba dɔɔ caynagɨŋ naŋ ɨni.

Galad 5:18 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:13

Kɨɗɨn̰ ga Turnɔ di da kɔl gɨ cɨndi kɨya caga na, hɨndi kɨya gɨlgɨŋ kɔl gɨ cɨndi nɔm. Kɨya wa hɨndi kɨya yɔɔ kɔl wo̰ dan̰ cay gusoo naŋ, ama hɨndi kɨya yɔ na kɔl gɨ hɨndi je bɨ, hɨndi kɨya yəgɨŋ kol hɨnga nɔm ga kɨya caga bɨ.

Magtubu di Pol wal bɨn̰ kalaŋ ga Rɔm 7:4

Ay karmɨnɨ ga ban̰aŋ dan̰ ga kandɨ, kɨŋ-gandi kalɨn̰ ma kogɨŋ woy na hɨn̰ wo̰ ojɨn̰ cay gasɨn̰-kɔl bɨ. Dan̰ gɨyəŋ gɨ da bugoŋ pɨna kogɨŋ dan̰ Kɨris le, kɨŋ na kalaŋ ga kɨŋ ma ɨni bɨ, kɨŋ duroŋ a te dɔnɔ di da gasɨn̰-kɔl gɨŋ coŋ ɨni bɨ, lee gɨ kɨŋ na ga da ungo gɨ ɗaŋ. Kɨŋ na kalaŋ ga da Kɨris gɨ boy lɨbɨ duroy kalaŋ ga mage ɗe ana na leen̰ hɨnga ga ɗari ga Kumu gey.

Magtubu di Pol wal bɨn̰ kalaŋ ga Rɔm 8:12

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, ojɨ gɨ naa wa wa kalɨn̰ ma, na gura hɨn̰ gɨ Turnɔ ba gey wo̰, gɨ nee le woy na hɨn̰ tugɨla wo̰ a cayna. Ama na tugɨla di na orɨn̰ a gusi kuyoŋdi-gusu gɨŋ, kɨya kobɨn̰ ɨrɨme gɨ da kuyoŋdi-gusu naŋ.

Magtubu di Pol wal bɨn̰ kalaŋ ga Rɔm 8:14

Kalaŋ nɔm ga Turnɔ di da Kumu ba dor tumoyge le, kan na karɨn̰ Kumu.

Galad 5:16

Jagɨŋ, kɨbagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ hɨn̰ wo̰ na, kɨŋ kɨya kɔbɛ tabɨlaŋdi lɔɔ hɨnga ga da kuyoŋdi-gusɨgɨŋ naŋ.

Galad 5:23

kaledi ungo gɨ jal bɨ, dɔnɔ di ni ƴomɨn̰-gusɨn̰ cay hɨnga bɨ. Hɨnga ga nee le nɔm, gasɨn̰-kɔl kan̰age naŋ.

Galad 5:25

Hɨn̰ gɨ na na sɨmagɨŋ-bɨra naa dan̰ gɨyəŋ gɨ da Turnɔ di da Kumu na, kuɗa gɨ na ɗɔɔgɨŋ ɗe dor tumoynagɨŋ bɨ.

1 Timote 1:9

Kuɗa gɨ na sɨla gɨ Kumu be gasɨn̰-kɔl na kɨya cay kalaŋ ga dan̰ durɔ ɗɨngar naŋ. Ama na kɨya cay ka-lɔɔ hɨnga ga dan̰ gɨyəŋdɨge naŋ bɨ, ka-baa bɨ, ka-lɔɔ ɨsɨna bɨ, ka-lɔɔ terɨn̰ bɨ, ka-bugoŋ dan̰ Kumu cay hɨnga ga woy dan̰ cɨndɨge naŋ bɨ, ka-dɨɗe ban̰an̰ge dan̰ ƴon̰iige bɨ, ka-dɨɗe kalaŋ bɨ,

2 Timote 1:7

Kɨya wa Kumu bɨnagɨŋ na Turnɔ di ni hɨndarɨn̰ cɨn̰ ungo naŋ. Ama dan̰ gɨyəŋ gɨ da Turnɔ ɗe-kuduroy-bɛrɛ le, ban bɨnagɨŋ tɔgɨ bɨ, geye bɨ, ƴɔmɛ gusɨna osɨwa cay hɨnga gaŋ bɨ.