Galad 5:13 - Gabri Maja

¹³ Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Galad 5:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

1 Korɛ̰t 8:9

Ama ɗagɨŋ muɗɔlɛ a cay gusɨgɨŋ ɗe sɔmɛ cay-kalɨn̰ di kɨŋ ba orɨn̰ le, bɨle gundi sɨya gɨ kɨya dɔgɛ tɨban̰ kan ga togɨyge unɔ ɗe laydaŋge boy ɨsɨna gɨŋ naŋ.

1 Korɛ̰t 9:19

Na cɨndi ɨŋ na ungo gɨ ɨŋ som canɨ kalɨn̰, lee gɨ ɨŋ na guyɔŋ da ungo pɨna naŋ. Ama ɨŋ bɨləŋ guyɔŋ gɨ da kalaŋ nɔm ɗe aŋ na wan̰ dɨmdɨrdi kalaŋ hal a te gɨyəŋ gɨ da Kɨris gɨŋ.

2 Korɛ̰t 12:15

Kol caygɨŋ na, ɨŋ kɨya mɔndɛ hɨnga nɔm ga orɨn̰ dan̰ gusi-mɔwa bɨ, ɨŋ kɨya bee gusɨnɨ kol caygɨŋ nee bɨ coŋ. Hɨn̰ gɨ ɨŋ na geygɨŋ tɔgɨ hɨn̰ wo̰ na, kɛ kɨŋ kɨya geyəŋ dḛ wo̰ hagɨŋ ga?

2 Korɛ̰t 2:8

Na toy di hɨn̰ wo̰ ma maŋ dobɨ bandɨ kuduroygɨŋ gɨ kɨŋ na gɨlii ɗe ban sol gɨ kɨŋ na geyii.

2 Korɛ̰t 3:17

Ba-gulɔŋ le na Turnɔ di da Kumu, kɨɗɨn̰ ga Turnoy Ba-gulɔŋ woy a nee le, na kɨɗɨn̰ ga ni somɨn̰-dan̰-ca kalɨn̰.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 4:22

Kɨya wa kan walge duroy magtubu dɨŋ gɨ Abɨraham na wɔɔ karɨn̰ ban̰aŋ sɔɔ, gɨ pɨna ƴoyi na guyɔŋdi di kan tooge na Agar bɨ, gɨ ɗaŋ ƴoyi na ɗe-ƴaa di kan tooge na Sara bɨ.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Galad 5:14

Kɨya wa gasɨn̰-kɔl gɨ da Kumu nɔm duroyi na pɨna hayi ƴɔbɨ, ban ba kɛ: «Ji kɨya ɗɔɔ mɨgan̰ jam tɨdɨn̰ dɨŋ, Hɨn̰ kuyoŋdi-gusɨn̰ wo̰.»

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 6:2

Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe.

Epɛs 5:21

Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Pɨyɛr 2:16

Laagɨŋ gɨye-lɔɔ gɨ da kalaŋ ga cayge kalɨn̰. Ama kɨŋ ɗɔɔ ba aye gɔrɛ cay-kalɨn̰ le loon̰ badɨge ga ni tolɨn̰ cay ɨsɨna naŋ. Ama kɨŋ hale gɨybəŋ gɨ kɨŋ naa gɔyɔŋ ga da Kumu naŋ.

2 Pɨyɛr 2:19

Kan ayge tumoyge bɨge yegege hɨn̰ gɨ kan na kɨya andaŋ kɨbɨ guyɔŋdu dɨŋ coŋ, ama kan kalɨn̰ ma na gɔyɔŋ ga da gɨye-lɔɔ gɨ kɨya orɨn̰ dan̰ ungo dɨbii kɨbɨ tɨma dɨŋ. Kɨya wa ungo na guyɔŋ gɨ da hɨnga ga ɗɨn̰ cayi.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.