Galad 5:11 - Gabri Maja

¹¹ Ay, karmɨnɨ ga ban̰aŋ dan̰ ga kandɨ, hɨn̰ gɨ ɨŋ-bandi kalɨn̰ ma, ɨŋ na ɨr tɨga bɛrnɛ bɨn̰ kalaŋ coŋ gɨ wale ban̰a na ojɨ gɨ ni lɔɔ na, kɛ na kɨya wa ma Jubɨn̰əŋ ɨrege gɨləŋge cɨn̰-gɨle-cɨn̰ coŋ ga? Hɨn̰ gɨ leen̰ cɨndi, ɨŋ na ɨr ya kɔl gɨ hɨn̰ wo̰ na, tɔgɛ bɛrnɛ di da sɨya-gɨ-dagɨli kɨya homge naŋ ɨni.

Galad 5:11 ပူးပေါင်းရင်းမြစ်များ

Gɨye-lɔɔ 16:3

Pol gey gɨ ban na ɨra danayi. Lee gɨ ban ayi bɨ, walii ban̰a kɨya cay Jubɨ ga somge a cay gɨsəŋ ga nee gaŋ le. Kɨya wa kan nɔm solge gɨ bay naa Gɨrɛg.

Gɨye-lɔɔ 21:21

Kan jege kɔl kɨbɨ kalaŋ ga yege gɨ ji na gɨlɨn̰ kalaŋ ga ni Jubɨ nɔm ga somge a cay jaa di da te wɔɔ gɨ da kalaŋ ga toyge na Jubɨ naŋ gaŋ, ji na yege gɨ na ojɨ gɨ kan na ɗa gasɨn̰-kɔl gɨ da Moyis coŋ bɨ, ojɨ gɨ kan na gɨ walɨn̰ karɨndɨge ban̰a naŋ bɨ, ojɨ gɨ kan na gɨ kɔbɛ hada ga da mon̰inagɨŋ naŋ bɨ.

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 15:30

Bɨ na-gandi kalɨn̰ ma na kɨya wa mana som kɨbɨ tɨma dɨŋ dan̰ tɨwa nɔm ga?

Galad 2:3

Sɨlagɨŋ, Titɨ ban gɨ ni Gɨrɛg gɨ toyi na Jubɨ naŋ gɨ bəŋ le kalɨn̰ ma, kan sige tɔgɨ cay gɨ ni walii ban̰a naŋ.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 4:29

Hɨn̰ gɨ tumɔ a boy wɔlɛ gɨ da Abɨraham gɨŋ, ban gɨ kan ba wooyge dan̰ gɨyəŋ gɨ gaŋ gaŋ, ba leen̰ ban gɨ kan ba wooyge dan̰ gɨyəŋ gɨ da Turnɔ cɨn̰-gɨle-cɨn̰ le, gɨle-cɨn̰ le woy na hɨn̰ wo̰ haw kɛ kol cayna bɨ.

Galad 6:12

Aŋ yəgɨŋ, kalaŋ ga malge gɨ kɨŋ na wala ban̰a dan̰ osɨwa le, na kalaŋ ga geyge gɨle gusɨge cɨn̰ kalaŋ. Leen̰ cɨndi na, kan leege hɨn̰ wo̰ ɗe gɨ kalaŋ na gɨ gɨlge cɨn̰ kɨya cay Kɨris naŋ bɨ, cay tɔgɛ bɛrnɛ tɨmay Kɨris cay sɨya-gɨ-dagɨli gɨŋ naŋ bɨ.

Galad 6:17

Ay toy haw kɛ orɨn̰ tumɔ na, ɨŋ gey gɨ ungo pɨna wo̰ duroygɨŋ, na gɨ tɔbɔŋ duroy nee kɨya cay kɔl gɨ nee le naŋ ɨni. Kɨya wa dɨraŋ di woy gusɨnɨ le, gɨl gɨ ɨŋ naa gɨ da Jesu.