Galad 5:10 - Gabri Maja

¹⁰ Ba-gulɔŋ lee gɨ ɨŋ si kuduronɨ pɨna caygɨŋ, hɨn̰ gɨ ɨrɨmedɨgɨŋ na kɨya wɔyɛ kan̰di dan̰ hɨnge naŋ. Ama ungo gɨ ba dɨbe do̰ duroygɨŋ le, ban naa ungo gɨ mɨna mɨna kalɨn̰ ma, Kumu kɨya lɔɔ gɨ hɨnga lɔɔdi kɨya ɓalɨn̰a dan̰ kɨbi.

Galad 5:10 ပူးပေါင်းရင်းမြစ်များ

Gɨye-lɔɔ 15:24

Ni je gɨ kalaŋ ga pɨna wo̰, na sayge duroyni kɛ orge mɔndɛ kuduroygɨŋ bɨ, dorge turnoygɨŋ bɨ, dan̰ kɔl yɔɔdɨge. Ama kalaŋ ga nee le, na ni ba-aye noyni bɨge ojɨn̰ cay kɔl gɨ nee le naŋ bɨrɨŋ.

1 Korɛ̰t 5:5

Tɨwado di nee dɨŋ le, dɨragɨŋ ungo gɨ nee le duroygɨŋ coŋ, dibiigɨŋ bɨn̰ Sidan. Ɗe gɨye-lɔɔ kuyoŋdi-gusi mundoŋ ama turnoyi way pɔɗɛ a boy wɔlɛ gɨ Ba-gulɔŋ kɨya jɨga.

2 Korɛ̰t 1:15

Na cɨndi, ɨŋ bee kuduronɨ caygɨŋ osu. Na toy di hɨn̰ wo̰ ma ɨŋ gey ɔrɛ gusɨgɨŋ pa dɨm. Hɨn̰ wo̰ na kɨŋ kɨya ɓale wɔɔ tɔrɛ-kɨbɨ caygɨŋ sɔɔ.

2 Korɛ̰t 10:2

Gɨ kɨŋ ɗɔɔ ba lɔɔ gɨ ɗe gɨ kɨɗɨn̰ ga ɨŋ na bugoŋ gusɨgɨŋ na, kɨŋ orɨn̰ danaŋ bɨrɨŋ gɨ ɨŋ gɨ yogɨŋ kɔl ga osɨdəŋ naŋ. Ɨŋ gey yogɨŋ kɔl na hɨn̰ kɔl gɨ ɨŋ ba kɨya yon̰ kalaŋ ga pɨna ga yege kol cayni gɨ ni na kobɨ naa hal gɨ da kalaŋ ga ɨndəŋ naŋ.

2 Korɛ̰t 10:6

Ama ni som cay tɨbayni dɨŋ ɨni ɗe hɨn̰ gɨ kɨŋ na gɨl jɔɔ kɔl kogɨŋ doŋ gɨ na kuɗa duroŋ cɨrɛɗ na, kalaŋ ga na ka-jɔɔ kɔl naŋ le, ni kɨya halge, kɨya cay hɨnga ga ɨsɨni ga kan lee le.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 2:3

Kɔl gɨ naa ɨŋ ba wal duroy magtubu dɨŋ le, ɨŋ wal na ɗe gɨ ɨŋ na bugoŋ gusɨgɨŋ na, kalaŋ ga ojɨ gɨ kan na laa ɗe gusɨnɨ na mɔŋ le na bɨlge ka-mɔndɛ kuduronɨ naŋ. Kɨya wa ɨŋ sol kuɗa gɨ kɨŋ-gandi le, hɨn̰ gɨ gusɨnɨ na mɔŋ na, kɨŋ-gandi kalɨn̰ ma gusɨgɨŋ kɨya moogɨŋ bɨ.

2 Korɛ̰t 2:6

Ojɨn̰ cay ungo gɨ nee le, sɔ gɨ kɨŋ ba say dan̰ kondɨwaygɨŋ adɨldii le, ɓal.

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

2 Korɛ̰t 7:16

Gusɨnɨ mɔŋ tɔgɨ kɨya wa ɨŋ ɓal bɔgɛ kuduronɨ caygɨŋ ojɨn̰ cay hɨnga nɔm.

2 Korɛ̰t 8:22

Kurɨndɨni gɨ ni ba gɨwasii kɨbɨ hɨnga ga kondɨ gaŋ bɨ, gɨl gɨ gusi na hɨmbalii gɨɗaŋ a kɨbɨ gɨye gɨŋ le, ni gɨyii ɗe or danage. Haw kɛ na gusi hɨmbalii gɨɗaŋ ɗɨn̰ gɨ tumɔ coŋ, kɨya wa ban bee kuduroy cɔb cɔb caygɨŋ.

Galad 1:7

Leen̰ cɨndi na, Kɔl-gɨ-Ɗari gɨ ɗaŋ unɔ, ama ɨŋ yəgɨŋ kɔl gɨ nee le hɨn̰ wo̰, na kɨya cay kalaŋ ga ka-tɔbɨdɛ kɔl duroygɨŋ. Kan geyge bɨle kɔl gɨ ɗari gɨ da Kɨris le ɗaŋ.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 2:6

Ama gɨ ojɨ cay ka-dɔrɛ tumoy kalaŋ ga kalaŋ je kɔl kɨbɨge le, kan naa kalaŋ ka-dɔrɛ tumoy kalaŋ wala, naa ka-dɔrɛ tumoy kalaŋ naŋ kalɨn̰ ma dɨlaŋ nee naŋ. Tumoy Kumu na, kalaŋ nɔm ɓadɨldɨn̰ge dɛj dɛj. Kalaŋ ga nee le gɨsɨge hɨnga ga ɗaŋ dan̰ dɔnɔ a cay kɔl hɨnge gɨŋ naŋ.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 4:11

Ay, ɗugonɨ ba dugo naŋ kol caygɨŋ, ojɨ gɨ gɨye gɨ ɨŋ lee duroygɨŋ gɨlalɨn̰ le, gɨ ban̰ gusɨnɨ ga?

Galad 4:17

Kalaŋ ga ba yege kɔl ɨl a cay gasɨn̰-kɔl gaŋ le, geyge bogɨgɨŋge na toyge, ama ɨrɨmedɨge kuɗa naŋ. Kan geyge corgɨŋge na gusɨnɨ coŋ, ɗe agɨŋ na bugoŋ toyge.

Galad 4:20

Ɨŋ gey gɨ ɨŋ ni na wɨya naa duroygɨŋ na, ɨŋ ni kɨya sɔlɛ gɨyəŋ gɨ ni yogɨŋ kɔl, kɨya wa ɨŋ wa cay tɨbanɨ naŋ kol caygɨŋ.

Galad 5:12

Kalaŋ ga ka-dɨbe do̰ duroygɨŋ hɨn̰ wo̰ le, kuɗa gɨ kan tɨra toyge coŋ si cay wale ban̰a dɨŋ na, kɨya kuɗa danage.

Galad 5:7

Kɨŋ gɨre kuɗa a te gɨyəŋ gɨ da Kɨris gɨŋ, hagɨŋ bɨ kɛ na waŋ ba jɨga nargɨŋ bɔgɛ kɔl a cay kɔl gɨ cɨndi gɨŋ le ga?

Galad 6:17

Ay toy haw kɛ orɨn̰ tumɔ na, ɨŋ gey gɨ ungo pɨna wo̰ duroygɨŋ, na gɨ tɔbɔŋ duroy nee kɨya cay kɔl gɨ nee le naŋ ɨni. Kɨya wa dɨraŋ di woy gusɨnɨ le, gɨl gɨ ɨŋ naa gɨ da Jesu.

Pilib 3:15

Kuɗa gɨ na-gandi nɔm ga cɨndɨna naa a te aye kudurɔ gɨŋ le, na kɨba ɨrɨme gɨ pɨna hayi gɨ nee le. Ama hɨn̰ gɨ hɨnga ga pɨna na wɨya, ma te tumoygɨŋ na ɓalɨn̰a cay nee naŋ kalɨn̰ ma, Kumu kɨya haŋge cɨndɨgɨŋ cay nee.

2 Tesalonigɨ 3:4

Ba-gulɔŋ bɨni ɨrɨme gɨ woy ɗɛgɛgɛ kol caygɨŋ. Kɨya wa hɨnga ga ni ay noyni bɨgɨŋ gɨ kɨŋ na laa le, kɨŋ lee bɨ, kɨŋ woy te lɔɔ cɨndɨgɨŋ tumɔ tumɔ bɨ.

1 Timote 1:20

Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.

Pilemo 1:21

Na kɨya sɔlɛ gɨ ɨŋ sol gɨ ji kɨya jɔɔ kɔl kɨbɨnɨ ma maŋ walɨn̰ magtubu di kɛ le, ɨŋ sol gɨ hɨnga ga ɨŋ ba ɨngɨrɨn̰ le, ji kɨya lɔɔ ɗe ɗɨn̰ coŋ.