Galad 4:5 - Gabri Maja

⁵ ɗe gɨ ban na dɨran̰ kɔl cay kalaŋ ga somge a te dɔnɔ di da ɓɨse gɨ da gasɨn̰-kɔl gɨŋ le bɨ, kan na bɨlɨn̰ge karɨn̰ Kumu bɨ.

Galad 4:5 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Lug wal 1:68

«Ba-gulɔŋ, ban na Kumu gɨ da te wɨn̰je gɨ da Ɨsɨrayɛl, Kuɗa gɨ kalaŋ hɨramayige! Kɨya wa ban ɨrga jɨbɨ te kalaŋ kayi bɨ, Ban ɨrga pɨndɨrge ɗege daa bɨ.

Kɔl-gɨ-Ɗari gɨ Ja̰ wal 1:12

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 8:14

Kalaŋ nɔm ga Turnɔ di da Kumu ba dor tumoyge le, kan na karɨn̰ Kumu.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Magtubu di Pol wal bɨn̰ kalaŋ ga Rɔm 8:19

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 9:4

Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 4:21

Yaŋgɨŋ ƴee bɨ, kɨŋ ga ka-geye tɔbɛ caygɨŋ te gasɨn̰-kɔl gɨ da Moyis gɨŋ le, kɛ kɨŋ sol duroy kɔl gɨ gasɨn̰-kɔl gɨ nee le ye hagɨŋ ga? Ɨŋ sɨla naŋ.

Galad 4:7

Lee gɨ haw kɛ na ji na guyɔŋ naŋ ɨni, ama ji na kurɨn̰ Kumu. Hɨn̰ gɨ ji na kurondi ɨni na, ji na ba-wɔɔ hɨnga ga ni ban̰di gulɔŋ ga Kumu gam ojɨ cay karɨndi.

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 9:12

Kɨris andaŋ a kɨɗɨn̰ ga woy dan̰ cɨndɨge cɨla gaŋ ga Kumu ɨre nee, na cay pɨna ƴɔbɨ dan̰ cɨndi. Ban andaŋ nee na dan̰ kɨbar gɨ da kugan̰əŋ naŋ bɨ, karɨn̰ sɨn̰əŋ naŋ bɨ, ama na dan̰ kɨbardi koyi. Na hɨn̰ wo̰ ma ban dorna beena daa kɨbɨ ɨsɨna konagɨŋ dan̰ tumoyna.

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

Wasɨn̰a 14:3

Kalaŋ ga ɨrege dan̰ kurɨn̰-dɨmangɨ le, kɨbɨge kɨra gɨ hɨrɨwa tumoy kali-tɨrɨmbala bɨ, tumoy kandi-se ga a gɨɗɨgɨ-Kumu gaŋ ga poɗɨn̰ bɨ tumoy ga muɗoldoŋ bɨ. Ungo pɨna wo̰ gɨ ba ɓale tɨrabe kɨra gɨ nee le unɔ, na kalaŋ ga dubu kɨɗɨn̰ aru dan̰ toyge poɗɨn̰ cayge poɗɨn̰ ga kurɨn̰-dɨmangɨ boy cayge duroy kalaŋ ga cay gɨsəŋ gaŋ ƴɔbɨ ba ɓalege.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,