Galad 4:4 - Gabri Maja

⁴ Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Galad 4:4 ပူးပေါင်းရင်းမြစ်များ

Matɨyo 1:23

«Sɨlagɨŋ, tɨmbali di cɨl kɨya ƴɔɔ kur bɨ, Kɨya wɔɔ kɨye gɨ bara, Kan kɨya se gusondi na Emanɨwɛl.» Duroy na Kumu dananagɨŋ.

Matɨyo 3:15

Ama Jesu dɨbii cay nee yey hɨn̰: «Gɨ haw kɛ na, ɗa ɗe ana lee hɨn̰ wo̰. Kɨya wa hɨnga nɔm ga Kumu gey gɨ na na laa le, na kɨya lɔɔ ɗe or kɨɗɨn̰dɨge gaŋ hɨn̰ wo̰ le kɔ.» Ɨni na, Ja̰ say gey cay nee bɨ leeyi batɛm.

Matɨyo 5:17

«Kɨŋ ɗɔɔ ba ɨrɨme gɨ ɨŋ na ɨrga naa kɨya mɔndɛ gasɨn̰-kɔl gɨ da Moyis wala, hɨnga ga ni gɨle ga da ka-yɔɔ-kɔl-gɨ-Kumu-ba-yɔɔ. Ɨŋ ɨrga na kɨya mɔndɛ naŋ, ama na kɨya lɔɔ ɗe or kɨɗɨn̰dɨge gaŋ.

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

Kɔl-gɨ-Ɗari gɨ Lug wal 1:31

Sɨla! Me kɨya ƴɔɔ kur bɨ, me kɨya wɔɔ kɨye gɨ bara bɨ, me kɨya ɗɔɔ gusondi na Jesu.

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Kɔl-gɨ-Ɗari gɨ Lug wal 2:7

Hɨndi wɔɔ kɨyoo gɨ cay wase. Hɨndi nɔngɨri dan̰ kɨbɨ badɨge bɨ, dɨbii duroy bəgɨrə gɨŋ kɨya gɨ kɨɗɨn̰ unɔ a duroy ƴaa gɨ ni bogɨn̰ kɨrge nee gaŋ.

Kɔl-gɨ-Ɗari gɨ Lug wal 20:44

Kɨlma Dabid kalɨn̰ ma, te Kɨris ban gɨ Kumu dori le “Ba-gulonɨ.” Ma kɛ, na mɨna ma Kɨris le, gɨ bɨle kungay kɨlma Dabid coŋ ga?»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 10:36

Banɨ ba dɔrɔŋ gɨyigəŋ a cay gɨsəŋ gaŋ. Na mɨna ma magɨŋ yəŋ gɨ ɨŋ na yagɨde naa Kumu, kɨya gɨ ɨŋ ye gɨ ɨŋ naa Kurɨn̰-Kumu le ga?

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 8:42

Jesu jɨga dɨbɨge cay nee yege hɨn̰: «Hɨn̰ gɨ baygɨŋ ni naa Kumu na, kɨŋ ni kɨya geyəŋ, kɨya wa ɨŋ andɨgaŋ na gusi Kumu maŋ ɨrga. Ɨŋ ɨre na dan̰ cay gusɨnɨ hɨnge naŋ, na ban ba gɨyigəŋ.»

Gɨye-lɔɔ 1:7

Jesu jɨga dɨbɨge cay nee yege hɨn̰: «Na kɔl kogɨŋ gɨ ni sɔlɛ wɔlɛdi, wala tɨwadi di Banɨ ba ɔjɛ dan̰ dɔnɔ toyi le naŋ.

Magtubu di Pol wal bɨn̰ kalaŋ ga Rɔm 1:3

Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 15:8

Aŋ yəgɨŋ, Kɨris bɨle marɨna ba-gɨye gɨ da Jubɨn̰əŋ na kɨya gɨlɨn̰ gɨ Kumu naa ungo gɨ ɨre a cay tɨbayi dɨŋ bɨ, dɨɗɨn̰ kɨbɨ hɨnga ga Kumu ye gɨ ɗi na kɨya bɨn̰ mon̰iige bɨ.

Magtubu di Pol wal bɨn̰ kalaŋ ga Rɔm 5:6

Ho’o, kɨya wa a boy wɔlɛ gɨ Kumu ojɨ gɨŋ, kɨɗɨn̰ ga na-gandi na ɨran̰ dan̰ dɔnɔ di ni poɗɨn̰ gusɨna naŋ ƴee le, Kɨris ma kol cayna na-gandi ka-lɔɔ ɨsɨna.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Kɔlɔs 2:14

Kumu mondu magtubu di ɗe dɨbe kɔl cayna le muɗɔgɨ muɗɔgɨ coŋ. Magtubu di nee le, dɨbɨ kɔl cayna ojɨn̰ na cay gasaŋ ga na ɓala lɔɔ hɨngadɨge dɨɗe naŋ. Magtubu di ɗe dɨbe kɔl cayna le Kɨris orɨn̰ danaa gagɨloo a cay sɨya-gɨ-dagɨli gɨŋ mɔndɔɔ muɗɔgɨ muɗɔgɨ coŋ.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

Əbɨro 9:10

Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

1 Ja̰ 4:2

Sɨlagɨŋ, gɨyəŋ gɨ kɨŋ ba kɨya solɨn̰ gɨ ungo na orɨn̰ dan̰ Turnɔ di da Kumu a gusi ba kɛ: Hɨn̰ gɨ ungo na ya gɨ Jesu-Kɨris na ɨrga a cay gɨsəŋ gaŋ kɛ hɨn̰ ungo gɨ ɨndi wo̰ na, ban ye kɔl na dan̰ gɨyəŋ gɨ da Turnɔ di da Kumu.