Galad 4:30 - Gabri Maja

³⁰ Ama Magtubu di da Kumu ye na mɨna ga? Hɨndi ye gɨ: «Ji taya tama di ni guyɔŋdi coŋ dan̰ kurɔndɔɔ, Kɨya wa uja gɨ kurɨn̰ tama di ni guyɔŋdi Kɨya wɔɔ hɨnga ga ni ban̰di-gulɔŋ pɨna Dan̰ kurɨn̰ tama di ɗe ƴaa le naŋ.»

Galad 4:30 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 8:35

Guyɔŋ le sɨma a da ka-ƴaadi dan̰ cɨndi naŋ, ama kɨye ba-ƴaa ba-sɔmɛ dan̰ cɨndi.

Magtubu di Pol wal bɨn̰ kalaŋ ga Rɔm 11:2

Kumu ɗa te kalaŋ kayi ga ban torge tumɔ ɓɨrag hayi le coŋ naŋ. Kɛ kɔl gɨ walge a duroy Magtubu di da Kumu dɨŋ ojɨn̰ cay ba-yɔɔ-kɔl-gɨ-Kumu-ba-yɔɔ Eli le, kɨŋ hal gɨybəŋ cay nee ga? A kɨɗɨn̰di ga pɨna gaŋ na, ban yen̰ kɔl Kumu bɨ, ɨlɨn̰ gusi a cay te wɨn̰je gɨ da Ɨsɨrayɛl tumoy Kumu. Eli ɨle gusi ye hɨn̰:

Magtubu di Pol wal bɨn̰ kalaŋ ga Rɔm 4:3

Kɛ Magtubu di da Kumu ye na wa ga? Hɨndi ye hɨn̰: «Abɨraham bee kuduroy a cay Kumu, lee gɨ Kumu bɨlii leen̰ ungo gɨ dan̰ durɔ ɗɨngar a cɨndi kɨya cay aye kudurɔ koyi.»

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Galad 3:8

Magtubu di da Kumu ye koldi tumɔ ye gɨ Kumu na kɨya lɔɔ ɗe gɨ kalaŋ ga toyge na Jubɨ naŋ, naa kɨya bɨləŋge kalaŋ ga dan̰ durɔ ɗɨngar, kɨya cay aye gɨ kan ayge kuduroyge. Na toy di hɨn̰ wo̰ ma, Magtubu di da Kumu di nee le, tee bɛrnɛ di da kɔl-gɨ-ɗari gɨ nee le tumɔ bɨn̰ Abɨraham yey hɨn̰: «Kɨya can̰ na, te wɔɔ gɨ da kalaŋ nɔm ga a cay gɨsəŋ gaŋ, kɨya wɔɔge tɔrɛ-kɨbɨ.»

Galad 4:22

Kɨya wa kan walge duroy magtubu dɨŋ gɨ Abɨraham na wɔɔ karɨn̰ ban̰aŋ sɔɔ, gɨ pɨna ƴoyi na guyɔŋdi di kan tooge na Agar bɨ, gɨ ɗaŋ ƴoyi na ɗe-ƴaa di kan tooge na Sara bɨ.

Galad 4:31

Hɨn̰ wo̰ na, Karmɨnɨ ga ban̰aŋ dan̰ ga kandɨ, na na karɨn̰ tama di ni guyɔŋdi naŋ, ama na na karɨn̰ tama di ɗe ƴaa.

Magtubu di Jag wal 4:5

Kɔl gɨ kan wal duroy Magtubu di da Kumu dɨŋ ye hɨn̰: «Kumu gey turnɔ di ban ɗo som kuduroynagɨŋ le bɨrɨŋ leen̰ jangɨ.» Kɛ kɨŋ ɨrɨm hɨn̰ gɨ, Magtubu di da Kumu le, na ye kɔl gɨ nee le na kalɨn̰ wo̰ dugo ga?