Galad 4:17 - Gabri Maja

¹⁷ Kalaŋ ga ba yege kɔl ɨl a cay gasɨn̰-kɔl gaŋ le, geyge bogɨgɨŋge na toyge, ama ɨrɨmedɨge kuɗa naŋ. Kan geyge corgɨŋge na gusɨnɨ coŋ, ɗe agɨŋ na bugoŋ toyge.

Galad 4:17 ပူးပေါင်းရင်းမြစ်များ

Matɨyo 23:15

Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ gor tɨrga gon̰ cay kɨɗɨn̰ gaŋ nɔm ga a cay gɨsəŋ gaŋ bɨ, cay kɨɗɨn̰ gaŋ nɔm ga a cay kuray gɨ gumu taa taa gɨŋ bɨ, kɨya malɨn̰ ungo pɨna nɛŋ gɨ ɗe na bɨle Jubɨ. Bɨ kɨɗɨn̰ ga ungo le bɨləŋ Jubɨ ɨni na, kɨŋ bɨlii leen̰ ba andaŋ duroy tɨwa di ni gehɛn dɨŋ, ɗɨn̰ togɨŋ cay sɔɔ.

Magtubu di Pol wal bɨn̰ kalaŋ ga Rɔm 10:2

Ho’o, ɨŋ ɓal lɔɔ tɨmon̰ kol cayge gɨ gusɨge na hɨmbalge a te gɨye gɨ da Kumu gɨŋ hage, ama gusi-hɨmbalwa toge di nee le, ɗa sarnayge na a cay hɨnga-sɔlɛ ga leen̰ cɨndi gaŋ naŋ.

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

1 Korɛ̰t 11:2

Ɨŋ hɨramgɨŋ kɨya wa a bon̰ hɨnga nɔm kɨŋ hɨn a canɨ bɨ, hɨnga ga ɨŋ ba gɨlgɨŋ tumɔ le kɨŋ ƴom kuɗa bɨ.

1 Korɛ̰t 4:18

Kalaŋ ga pɨna duroygɨŋ ɨrɨmge gɨ ɨŋ na kɨya jɔgɛ tagɨŋ naŋ, lee gɨ kan dege jorgiige tɔgɨ.

1 Korɛ̰t 4:8

Kɨŋ sɨdɨldəŋ ɨni bɨ, kɨŋ way hɨnga ga ni wɔɔ tɔgɨ ɨni bɨ! Kɨŋ na kɛrɨmbɛlɛŋ, ama ni na kɛrɨmbɛlɛŋ naŋ! Ni gey tɔgɨ gɨ kɨŋ na daa cay ƴaa leen̰ cɨndi ɗe ani na dɨn̰ cay ƴaa danagɨŋ bɨ!

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

Galad 4:16

Ɨni na, haw kɛ ɨŋ bɨle ba-baadɨgɨŋ na kɨya cay kɔl gɨ cɨndi gɨ ɨŋ ba yəgɨŋ le ga?

Galad 4:18

Hɨnga ga kuɗa na, pɨbɨldɨgɨŋ na kɨya cay gɨye-lɔɔ gɨ ɗari dan̰ wɔlɛ pɨna pɨna. Kɨŋ ɗɔɔ ba game gɨ, ɨŋ na wɨya danagɨŋ pa dɨm ma magɨŋ lee naŋ.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.