Galad 4:14 - Gabri Maja

¹⁴ Hɔmɨn̰ɛ gɨ ba ləŋ le na kandi gɨwase ga kɨŋ-gandi nɔm, kɨŋ ni kɨya dɔrɔŋ n̰ərə bɨ, kan̰aŋ bɨ, koldi. Ama kɨŋ laa hɨn̰ wo̰ naŋ, kɨŋ ƴɔmɔŋ gusɨgɨŋ hɨn̰ ba-ƴɔbɛ gɨ daa nii gɨ da Kumu wo̰ bɨ, hɨn̰ Jesu-Kɨris gusi wo̰ bɨ.

Galad 4:14 ပူးပေါင်းရင်းမြစ်များ

Matɨyo 10:40

«Waŋ waŋ gɨ na ƴɨmagɨŋ kuɗa gusi na, ƴɔmɔŋ na ɨŋ-bandi kuɗa gusi bɨ. Waŋ waŋ gɨ na ƴɨmaŋ kuɗa gusi na, ƴom na ban gɨ gɨygəŋ le kuɗa gusi bɨ.

Matɨyo 18:5

Waŋ waŋ gɨ na ƴɨma kɨye gɨ n̰əŋ gusi, hɨn̰ ban gɨ kɛ le dan̰ gusoŋnɨ na, ƴɔmɔŋ na ɨŋ-bandi gusɨnɨ gusi bɨ.

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Kɔl-gɨ-Ɗari gɨ Lug wal 10:16

Ban jɨga yen̰ ka-aye-cay-tɨbayi yege hɨn̰: «Waŋ waŋ gɨ na ja kɔl kogɨŋ na, je na kɔl hɨnge bɨ. Waŋ waŋ gɨ na jɨbɨgɨŋ sɛdɨ coŋ na, jɨbəŋ na ɨŋ-bandi sɛdɨ coŋ bɨ. Waŋ waŋ gɨ na jɨbəŋ sɛdɨ coŋ na, jɨb na ban gɨ ba gɨyigəŋ sɛdɨ coŋ bɨ.»

Kɔl-gɨ-Ɗari gɨ Ja̰ wal 13:20

Jagɨŋ! Aŋ yəgɨŋ daa waŋ na cɨndi: «Waŋ waŋ gɨ na ƴɨma ban gɨ ɨŋ gɨyi kuɗa gusi na, ƴɔmɔŋ na ɨŋ-bandi gusi bɨ. Waŋ waŋ gɨ ƴɔmɔŋ kuɗa gusi le, ƴom na ban gɨ gɨyəŋ kuɗa gusi bɨ.»

1 Korɛ̰t 1:28

Kumu bɨnde na hɨnga ga kalɨn̰ wo̰ dugo cɨn̰ kalaŋ bɨ, hɨnga ga kalaŋ hagɨrge bɨ, kalaŋ ga ɓalage lɔɔ hɨnga naŋ bɨ, kɨya mondɨn̰ hɨnga ga woy hɨnga a cɨn̰ kalaŋ le,

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Galad 4:13

Kɨŋ sol kuɗa, na kɨya cay hɔmɨn̰ɛ gɨ ba ləŋ, ma maŋ wan̰ gɨyəŋ teen̰ bɛrnɛ Kɔl-gɨ-Ɗari cay wase bɨgɨŋ.

Galad 4:15

Boy wɔlɛ gɨ nee le, gusɨgɨŋ moogɨŋ tɔgɨ. Ama haw kɛ na, kol gusi-mɔwa togɨŋ le andaŋ na ani ga? Ɨŋ yəgɨŋ na kɔl gɨ cɨndi, boy wɔlɛdi gɨ nee le, hɨn̰ gɨ kɨŋ na ɓala dɔrɛ tɨdɨgɨŋ bəŋ na, kɨŋ ni kɨya dɔrɛ.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

1 Tesalonigɨ 4:8

Na toy di hɨn̰ wo̰ ma, waŋ waŋ gɨ na kan̰a hɨnga ga ni gɨlgɨŋ ga nee le na, kan̰a na ungo gɨ ɨndi naŋ, ama kan̰ na Kumu gɨ ba bɨgɨŋ Turnɔ toyi ɗe-kuduroy-bɛrɛ le.

Əbɨro 13:2

Ɗɔɔ gɨ kuduroygɨŋ hale gɨybəŋ a cay ƴɔmɛ kɨrge naŋ. Kɨya wa dan̰ gɨyəŋ gɨ da ƴɔmɛ kɨrge le, kalaŋ ga pɨna ƴomge ka-ƴɔbɛ ga daa nii gusɨge dɨle sɔlɛ.