Galad 3:27 - Gabri Maja

²⁷ Kɨya wa kɨŋ-gandi nɔm ga kan leegɨŋge batɛm le, kɨŋ bugoŋ pɨna dan̰ Kɨris, kɨŋ tobɨ Kɨris gusɨgɨŋ hɨn̰ badɨge wo̰.

Galad 3:27 ပူးပေါင်းရင်းမြစ်များ

Kɔl-gɨ-Ɗari gɨ Lug wal 15:22

Ama bayi yen̰ dan̰ gɔyɔŋ kayi hɨn̰: “Ɨren̰gɨŋ dan̰ gumɔjɨ gɨ sɨngɨɗɨ gɨ kuɗa le haw dɨbayigɨŋ gusi bɨ, dɨbayigɨŋ gambaŋ kobi bɨ, tɨbaygɨŋ gɨyabe tɨbayi bɨ.

Gɨye-lɔɔ 16:15

Kan looge batɛm dan̰ ka-ƴaado pɨna bɨ, hɨndi molni, yeni hɨn̰: «Hɨn̰ gɨ kɨŋ na sɨla gɨ ɨŋ naa ɗe-aye kudurɔ bɨn̰ Ba-gulɔŋ na, kɨŋ ɨre sɨma tange.» Hɨndi loɗɨdɨde toyni bɨrɨŋ gɨ ni ɨrga som a taa.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 8:16

Kɨya wa Turnɔ ɗe-kuduroy-bɛrɛ gɨsɨn cay ungo pɨna naŋ ƴee. Kan leegege batɛm na dan̰ guson̰ Ba-gulɔŋ Jesu ƴɔbɨ.

Gɨye-lɔɔ 9:18

Ɨni na, kɔl gɨ kɨbɨna kɛ bɨ, hɨnga ga hɨn̰ urbudi hɨnga wo̰, andɨdaŋ cɨn̰ Sol bugoŋ dugo, lee gɨ ban jɨga sol kɨɗɨn̰. Ban say daa bɨ, leeyige batɛm bɨ.

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

1 Korɛ̰t 10:2

Lee gɨ kan nɔm bugoŋge pɨna dan̰ Moyis dan̰ gɨyəŋ gɨ da batɛm di bon̰ gɨrɨmbale gaŋ bɨ, bon̰ kuray gɨ gumu gɨŋ bɨ.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

Epɛs 4:24

Laagɨŋ gɨye-lɔɔ gɨ da ungo gɨ hɨrɨwa gɨ Kumu ɗey ɗe na andaŋ le hɨn̰ badɨge ga hɨrɨwa ga kɨŋ dobɨ gusɨgɨŋ wo̰: Na ungo gɨ dan̰ durɔ bɨ, gɨ woy dan̰ cɨndi bɨ, dan̰ gɨyəŋ gɨ da kɔl gɨ cɨndi bɨ.

Kɔlɔs 3:10

Ama kɨŋ dobɨ hal gɨ da ungo gɨ hɨrɨwa gusɨgɨŋ hɨn̰ badɨge wo̰ bɨ, Kumu ɨre bɨlgɨŋ ga hɨrɨwa jɨn̰ tumɔ tumɔ bɨ, bɨgɨŋ hɨnga sɔlɛ cay mɨgayge gaŋ ɗe agɨŋ na gɨlɨn̰ dan̰ Kumu gɨ ba sɨgɨŋ ca ca bɨ, solii leen̰ cɨndi bɨ.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.