Galad 3:26 - Gabri Maja

²⁶ Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 3:26 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:7

Ban ɨrga na kɨya lɔɔ tɨmon̰ bɨ. Ban lee na tɨmon̰ da asɨn̰a, ɗe gɨ kalaŋ nɔm na bɨgan̰ge kuduroyge cay asɨn̰a gɨŋ, dan̰ gɨyəŋ gɨ da tɨmon̰ toyi.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Magtubu di Pol wal bɨn̰ kalaŋ ga Rɔm 8:19

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 6:18

«Ɨŋ kɨya bɨle baygɨŋ bɨ, kɨŋ-gandi kalɨn̰ ma kɨŋ kɨya bɨle karɨnɨ ga ban̰aŋ dan̰ kandɨ bɨ. Ba-gulɔŋ gɨ dɔnɔdi ɗɨn̰ dɔnɔ nɔm ba yɔ hɨn̰ wo̰.»

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Galad 4:14

Hɔmɨn̰ɛ gɨ ba ləŋ le na kandi gɨwase ga kɨŋ-gandi nɔm, kɨŋ ni kɨya dɔrɔŋ n̰ərə bɨ, kan̰aŋ bɨ, koldi. Ama kɨŋ laa hɨn̰ wo̰ naŋ, kɨŋ ƴɔmɔŋ gusɨgɨŋ hɨn̰ ba-ƴɔbɛ gɨ daa nii gɨ da Kumu wo̰ bɨ, hɨn̰ Jesu-Kɨris gusi wo̰ bɨ.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 1:1

Na ɨŋ-bandi Pol ba wale magtubu di kɛ le. Ɨŋ na ba-gɨre-gɨye gɨ da Jesu-Kɨris, kɨya gɨ na kuduroy geye gɨ da Kumu koyi. Ɨŋ wal magtubu di kɛ le bɨn̰ na kalaŋ ga woyge dan̰ cɨndɨge a cay ƴaa-di-gumu di Epɛs dɨŋ bɨ, ga ɨrege cay tɨbayige dɨŋ dan̰ wɔlɛ pɨna pɨna a te bugoŋ pɨna dan̰ Jesu-Kɨris koge gɨŋ bɨ.

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

Epɛs 5:1

Ayagɨŋ cay tɨbay Kumu, kɨya gɨ kɨŋ na karɨndi bɨ ban geygɨŋ bɨ.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.

Pilib 1:8

Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

Kɔlɔs 1:4

Kɨya wa ni je kol aye kudurɔ kogɨŋ, kol bugoŋ pɨna dan̰ Jesu-Kɨris bɨ, kol geye gɨ kɨŋ gey kalaŋ ga woyge dan̰ cɨndɨge nɔm bɨ.

Kɔlɔs 2:6

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa.

Pilemo 1:1

Na ɨŋ-bandi Pol gɨ woy dangay dɨŋ kɨya cay Jesu-Kɨris le, ni-gandi dan̰ kurɨndɨna Timote, ni wal dan̰ kɔl gɨ kɛ le gɨyɨn̰ bɨn̰ ji-bandi Pilemo gɨ ni lee-ton̰, ji mɨgayni ba-lɔɔ gɨye bɨ,

Pilemo 1:9

Ama na-gandi na gey gusɨna, na toy di hɨn̰ wo̰ ma ɔlɛ hɨnge gɨ ɨŋ gey ɗɔɔ tumon̰ le, ɨŋ gey gɨ ji na laa naa dan̰ guson̰ wandɨ. Əw ɨŋ-bandi Pol gɨ esi bɨ, gɨ ɨŋ woy dangay dɨŋ kol cay Jesu-Kɨris ban̰ nee haw kɛ bɨ le,

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.