Galad 3:17 - Gabri Maja

¹⁷ Kɔl gɨ ɨŋ ba ye le toy ba kɛ: Kumu gɨsɨ hɨnga kayi ga ni lɔɔ ban̰di dan̰ gɨyəŋdɨge bɨ, ye gɨ hɨnga ga ban ye gɨ ɗi na kɨya lɔɔ le na kɨya wɔyɛ jaŋ ban̰di nee bɨ. Gasɨn̰-kɔl gɨ ba ɨrga ɨlge aru poɗɨn̰ dan̰ toy-sɨbɨ kardi nee le, kɨya ɓale mɔndɛ naŋ bɨ, kɨya ɓale dɔrɛ coŋ naŋ bɨ.

Galad 3:17 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Gɨye-lɔɔ 7:6

Kɔl gɨ Kumu ba ye le ba kɛ: “Kongɨn̰iin̰ kɨya sɔmɛge cay gɨsəŋ ga da kalaŋ ga ɗaŋ gaŋ. Kan kɨya lɔɔge guyɔŋdu bɨ, kan kɨya gɨlge cɨn̰ bɨ, ɨlge aru poɗɨn̰.

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 3:3

Ama hɨn̰ gɨ kan ga pɨna na bɨlge kardɨge bɨn̰ Kumu na, kɛ na kɨya yɔ na mɨna coŋ ga? Kɛ bɨle kardɨge gɨ kan bɨle bɨn̰ Kumu le, kɨya nare Kumu ɨre a cay tɨbayi dɨŋ ga?

1 Korɛ̰t 1:12

Kɔl gɨ ɨŋ ba gey yogɨŋ ba kɛ: Waŋ waŋ kalɨn̰ ma kɔl yɔdi or kan̰di kan̰di. Kan ga pɨna yege hɨn̰: «Ɨŋ-bandi ɨŋ na gɨ da Pol.» Ga ɗaŋ yege hɨn̰: «Ɨŋ-bandi ɨŋ na gɨ da Apolos.» Ga ɗaŋ coŋ yege hɨn̰: «Ɨŋ-bandi ɨŋ na gɨ da Kepas.» Bɨ ga ɗaŋ yege hɨn̰: «Ɨŋ-bandi ɨŋ na gɨ da Kɨris.»

1 Korɛ̰t 1:17

Kɨya gɨ Kɨris gɨyəŋ na kɨya leen̰ kalaŋ batɛm naŋ, ama na kɨya tɔgɛ bɛrnɛ Kɔl-gɨ-Ɗari, dɨle tɔgɛ bɛrnɛ dan̰ gɨyəŋ gɨ da sɔlɛ-hɨnga da cɨn̰-muɗɔlɛ da kalaŋ. Kɨya wa naa hɨn̰ wo̰ na, tɨma di Kɨris ma a cay sɨya-gɨ-dagɨli gɨŋ le kɨya bɨle na hɨnga ga kalɨn̰ wo̰ dugo.

1 Korɛ̰t 10:19

Kɛ na kɨya wa ma maŋ yəgɨŋ dan̰ kɔl gɨ nee le ga? Kɛ ɨŋ ye na gɨ kuyoŋ gɨ kalaŋ wadɨldege been̰ kɨbar bɨn̰ kulan̰əŋ le na hɨnga ga? Kɛ ɨŋ gey yɔ na gɨ kulan̰əŋ na orɨn̰ge dan̰ hɨnga ga pɨna ga leen̰ cɨndi nee ga?

1 Korɛ̰t 7:29

Ay, karmɨnɨ ga ban̰aŋ dan̰ ga kandɨ, kɔl gɨ ɨŋ ba gey yogɨŋ ba kɛ: Jaman di ni ba somɨn̰ nee le sɨngɨɗɨ tɔgɨ naŋ ɨni. Haw kɛ orɨn̰ tumɔ na, ɗa gɨ kan ga ƴeege kandɨ jɨgage sɨma hɨn̰ kalaŋ ga ƴa gusɨge naŋ wo̰.

2 Korɛ̰t 1:20

Na cɨndi, hɨnga nɔm ga Kumu ye gɨ ɗi na kɨya lɔɔ le, ban lee dan̰ gɨyəŋ gɨ da Kɨris. Dan̰ gɨyəŋ gɨ da Kɨris, Kumu ye «Əw.» Na toy di hɨn̰ wo̰ ma na yəgɨŋ «Ɗa-ɗe-woy-hɨn̰-wo̰» dan̰ gusondi bɨ, na dɨbɨn̰ gusoŋ-tɔgɛ cay Kumu bɨ.

2 Korɛ̰t 9:6

Hɨngɨŋ a cay kɔl gɨ ba kɛ gɨŋ: Hɨn̰ gɨ ungo na gɨsɨ dḛḛ wo̰ na, kɨya wale na dḛḛ wo̰ bɨ, hɨn̰ gɨ ungo na gɨsɨ hala, na kɨya wale na halwa bɨ.

Galad 3:15

Ay, karmɨnɨ ga ban̰aŋ dan̰ ga kandɨ, ɨŋ ay gɨye-lɔɔ gɨ da kalaŋ ga ɨndəŋ, kɨya gɨlgɨŋ hɨnga pɨna. Hɨn̰ gɨ ungo na gɨsɨ gɔsɨnɛ hɨnga kayi ga kɨya bɔɔ ban̰di dan̰ gɨyəŋdɨge na, ungo gɨ ɗaŋ kɨya ɓale mɔndɛ coŋ naŋ bɨ, dɔrɛ kɔl boy nee coŋ naŋ bɨ, dɨbe koyi cay nee naŋ bɨ.

Galad 3:21

Kɛ gasɨn̰-kɔl kɨya mɔndɛ hɨnga ga Kumu ye gɨ ɗi na kɨya lɔɔ le ga? Cə, na hɨn̰ wo̰ naŋ bɨrɨŋ! Tumɔ hɨn̰ gɨ kalaŋ na ɓalage wɔɔ sɔmɛ-bɨra gɨ dan̰ cɨndi dan̰ gɨyəŋ gɨ da kɔbɛ gɨ kan kobɨ gasɨn̰-kɔl nɔm gɨ Kumu bɨge na, kan ni kɨya bɨlege kalaŋ ga dan̰ durɔ ɗɨngar dan̰ gɨyəŋ gɨ da gɨye-lɔɔ gɨ nee le ɨni.

Galad 5:16

Jagɨŋ, kɨbagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ hɨn̰ wo̰ na, kɨŋ kɨya kɔbɛ tabɨlaŋdi lɔɔ hɨnga ga da kuyoŋdi-gusɨgɨŋ naŋ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

Epɛs 2:12

Hɨngɨŋ gɨ a boy wɔlɛdi gɨ nee gɨŋ le, kɨŋ sɨla Kɨris ban gɨ Kumu dorii le naŋ bɨ, kɨŋ ɓala ɨre duroy te wɨn̰je gɨ da Ɨsɨrayɛl, kalaŋ ga Kumu torge tumɔ le naŋ bɨ. Hɨnga ga Kumu gɨsɨ kɨya cay saɗe kɨbɨ pɨna ɓɨse gusu le kɨŋ mɨnde durdɨne naŋ bɨ, hɨnga ga kɨŋ kɨya bɔgɛ ɨrɨmedɨgɨŋ cay nee unɔ bɨ, Kumu kalɨn̰ ma kɨŋ sɨlayi tumɔ naŋ bɨ.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Kɔlɔs 2:4

Ɨŋ ye kɔl gɨ nee le hɨn̰ wo̰ na ɗe gɨ agɨŋ na ɗen̰ ungo wo̰ nare cɨndɨgɨŋ dan̰ kɔl ga mɔɔ cangɨn̰ danagɨŋ a gɨyəŋ gɨ ɗaŋ gɨŋ naŋ.

Əbɨro 11:13

Kalaŋ ga jɨne ga nee le nɔm mage na dan̰ aye kudurɔ koge. Dɨle wɔɔge hɨnga ga Kumu ye gɨ ɗi na kɨya bɨge le, ama kan solge mandɨge na hen̰ te ɨrga bɨ leen̰ge gusi-mɔwa koldɨge bɨ. Lee gɨ kan yege leen̰ cɨndi gɨ ke naa kɨrge bɨ ka-sɔmɛ cay tɨbayge dɨŋ bɨ.

Əbɨro 7:18

Mondɨge te tumɔ di ɨlgi coŋ na hɨn̰ wo̰, kɨya wa gɨ tɔgɔɔ unɔ bɨ, wɨya gɨ ni loon̰ gɨye naŋ bɨ.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.