Galad 3:14 - Gabri Maja

¹⁴ Ban lee na hɨn̰ wo̰ ɗe gɨ tɔrɛ-kɨbɨ gɨ da Abɨraham na ɨre bugoŋ gusi kalaŋ ga toyge na Jubɨ naŋ, dan̰ te bugoŋ pɨna dan̰ Jesu-Kɨris. Ɗe gɨ ni na wan̰ Turnɔ di Kumu ye gɨ ɗi na kɨya bɨna dan̰ gɨyəŋ gɨ da aye kudurɔ le.

Galad 3:14 ပူးပေါင်းရင်းမြစ်များ

Kɔl-gɨ-Ɗari gɨ Lug wal 11:13

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari, ma na mɨna ma Bayna gɨ som a daa nii, kɨya lɔɔ ɗɨn̰ gɨ nee le bɨn̰ kan ga ɨngɨriige Turnɔ ɗe-kuduroy-bɛrɛ le naŋ ga?»

Kɔl-gɨ-Ɗari gɨ Lug wal 24:49

Sɨlagɨŋ! Ɨŋ-bandi, ɨŋ kɨya gɨygɨn̰ dan̰ hɨnga ga Banɨ ba ye gɨ ɗi na kɨya lɔɔ bɨgɨŋ le. Ama kɨŋ-gandi na, kɨŋ sɨma cay ƴaa-di-gumu dɨŋ kɛ, bɨrɨŋ gɨ ɗe dɔnɔ di da Kumu gɨsɨn caygɨŋ.»

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Gɨye-lɔɔ 5:32

Na-gandi bɨ, Turnɔ ɗe-kuduroy-bɛrɛ di Kumu bɨn̰ kan ga ka-jɔɔ kɔl koyi bɨ le, nana tɨmon̰ ga da hɨnga ga lee gusɨge le.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

2 Korɛ̰t 1:22

Kumu ɗe kambe kayi a gusɨna bɨ, bɨna dan̰ Turnoyi a ɗugoyna di bɨle woy hɨn̰ hɨnga ga gɨlna gɨ Kumu na kɨya bɨna hɨnga ga ɗari ga ban ƴom cay tɨbayge kol cay kalaŋ kayi.

Galad 3:16

Woy na hɨn̰ wo̰ bɨ, kɨya Abɨraham bɨ, kungayi bɨ, gɨ Kumu ye gɨ ɗi na kɨya bɨge hɨnga. Na gɨ ni yɔɔ gɨ na kongɨn̰ii hɨn̰ gɨ kan na kondɨ wo̰ naŋ. Ama kungay le, na ungo gɨ pɨna hayi kəɗ kəɗ, ungo gɨ nee le na Kɨris.

Galad 3:2

Na kɔl gɨ ba kɛ pɨna hayi ma maŋ gey gɨ kɨŋ dɨbəŋ cay nee. Kɔl le ba kɛ: Kɨŋ way Turnɔ di da Kumu, na kɨya lɔɔ gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari ma magɨŋ been̰ kuduroygɨŋ cay nee ga?

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

Epɛs 2:22

Kɨya bugoŋ gɨ kɨŋ bugoŋ pɨna dan̰ Kɨris le, Kumu bəgɨŋ pɨna dan̰ ka-aye kudurɔ ga ɗaŋ, ɗe gɨ agɨŋ na bɨlɨn̰ hɨn̰ ƴaa di Kumu som nee dan̰ gɨyəŋ gɨ da Turnɔ.

Epɛs 3:16

Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.