Galad 3:1 - Gabri Maja

¹ Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 3:1 ပူးပေါင်းရင်းမြစ်များ

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 7:26

Ama waŋ waŋ gɨ na ja kɔl hɨnge gɨ ɨŋ ba ye kɛ le bɨ na aya laan̰ gɨye naŋ na, kɨya bɨle wɔyɛ na hɨn̰ ungo gɨ ba-dɨngale gɨ gaɗɨ ƴaa toyi a cay kɨlay gɨŋ.

Kɔl-gɨ-Ɗari gɨ Lug wal 24:25

Ɨni na, Jesu yege hɨn̰: «Ay! Ka-dɨngale ga ɨrɨmedɨgɨŋ nɨn̰e tɔgɨ. Kɨŋ baa bɔgɛ kuduroygɨŋ a cay kɔl nɔm gɨ ka-yɔɔ-kɔl-gɨ-Kumu-ba-yɔɔ ba yege le ga?

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Magtubu di Pol wal bɨn̰ kalaŋ ga Rɔm 10:16

Ama na kalaŋ nɔm ba bɔgɛ kɔl a cay Kɔl-gɨ-Ɗari gɨŋ naŋ. Ho’o, ba-yɔɔ-kɔl-gɨ-Kumu-ba-yɔɔ Ijay kalɨn̰ ma ye hɨn̰: «Ay Ba-gulɔŋ, kɛ na waŋ ba bɔgɛ kuduroy a cay tɔgɛ bɛrnɛ toni dɨŋ ga?»

Magtubu di Pol wal bɨn̰ kalaŋ ga Rɔm 2:8

Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

1 Korɛ̰t 11:26

Kɨya wa a bon̰ tɨwa nɔm gɨ kɨŋ kɨya dɔɔ mapa di nee le bɨ, sɔ hɨnga ga a bon̰ kobo ga ni nare gɨ nee le bɨ na, kɨŋ kɨya tɔgɛ bɛrnɛdi tɨma da Ba-gulɔŋ bɨrɨŋ gɨsɨn̰ gɨ ban kɨya jɨgan̰.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

2 Korɛ̰t 10:5

ni mondɨ hɨnga nɔm ga ɨrgan̰ dan̰ dɔgɛ jɔrgɔ gɨ narɨn̰ kalaŋ sɔlɛ Kumu le bɨ. Ni kɨya ƴɔmɛ cay tɨban̰ ɨrɨme gɨ da kalaŋ nɔm guyɔŋdu, ɗe kalaŋ ga nee le beege kɔl cay Kɨris.

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

Galad 1:2

Na ɨŋ-bandi bɨ, karmɨnɨ nɔm ga danaŋ bɨ le, ba gɨyɨn̰ dan̰ magtubu di kɛ le. Ni gɨyɨn̰ bɨn̰ na kalaŋ ga a duroy Ka-Daye ga a cay gɨsəŋ ga Galasi gaŋ.

Galad 1:6

Kɔl kayaŋ sɛl sɛl kɨya wa kɨŋ bɨle kardɨgɨŋ dan̰ gɨre gɨ daa wo̰ bɨn̰ Kumu, ban gɨ ba togɨgɨŋ dan̰ gɨyəŋ gɨ da ɗarwa di sayga gusi Jesu-Kɨris le, kɨya kɔbɛ kardi tɔgɛ bɛrnɛ Kɔl-gɨ-Ɗari gɨ ɗaŋ.

Galad 2:14

Ama kɨɗɨn̰ ga ɨŋ sol gɨye-lɔɔdɨge ɨra dan̰ durɔ naŋ bɨ, ɨra pɨna dan̰ kɔl gɨ cɨndi gɨ da Kɔl-gɨ-Ɗari naŋ bɨ ɨni na, ɨŋ yen̰ Kepas cɨn̰ kalaŋ nɔm hɨn̰: «Hɨn̰ gɨ ji gɨ ni Jubɨ, ji na ɨra hɨn̰ ungo gɨ toyi na Jubɨ naŋ na, ji ɗe na hada di da Jubɨ coŋ. Naa hɨn̰ wo̰ na, na kɨya wa ma man̰ gey ɗɔɔ dɔnɔ a cay kalaŋ ga toyge na Jubɨ naŋ, ɗe na bɨləŋge hɨn̰ kalaŋ ga toyge na Jubɨ wo̰ ga?»

Galad 3:3

Kɛ na mɨna ma gɨrɨn̰ caygɨŋ laa gɨye naŋ wo̰ ga? Tumɔ na kɨŋ lee gɨye na dan̰ Turnɔ di da Kumu, ama haw kɛ na kɨŋ dar na gɨ ni dɨɗe kɨbi cɨrɛɗ na dan̰ togɨygɨŋ ɨni ga?

Galad 4:9

Ama haw kɛ na, kɨŋ sol Kumu bɨ, leen̰ cɨndi na, Kumu ba solgɨŋ. Ama na mɨna ma magɨŋ bɨle kɨya lɔɔ gɨye lɔɔ gɨ da tɔgɨn̰əŋ ga a cay gɨsəŋ gaŋ, ga na kula ga ɓalage lɔɔ hɨnga naŋ le ga? Kɛ kɨŋ gey jɔgɛ bɨləŋ gɔyɔŋ kage ɗaŋ coŋ ga?

Galad 5:11

Ay, karmɨnɨ ga ban̰aŋ dan̰ ga kandɨ, hɨn̰ gɨ ɨŋ-bandi kalɨn̰ ma, ɨŋ na ɨr tɨga bɛrnɛ bɨn̰ kalaŋ coŋ gɨ wale ban̰a na ojɨ gɨ ni lɔɔ na, kɛ na kɨya wa ma Jubɨn̰əŋ ɨrege gɨləŋge cɨn̰-gɨle-cɨn̰ coŋ ga? Hɨn̰ gɨ leen̰ cɨndi, ɨŋ na ɨr ya kɔl gɨ hɨn̰ wo̰ na, tɔgɛ bɛrnɛ di da sɨya-gɨ-dagɨli kɨya homge naŋ ɨni.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Epɛs 5:15

Ɨrɨmgɨŋ kuɗa a cay gɨye-lɔɔdɨgɨŋ gɨŋ. Kɨŋ ɗɔɔ ba lɔɔ hɨnga hɨn̰ kalaŋ ga ɨran̰ge dan̰ cɨn̰-muɗɔlɛ naŋ wo̰ naŋ, ama kɨŋ laa hɨnga hɨn̰ kalaŋ ga muɗoldoŋ wo̰.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

1 Timote 6:4

ban na ungo gɨ dɔgɛ-jɔrgɔ bibii bɨ, sɨla hɨnga naŋ bɨ. Ban orɨn̰ dan̰ ləgɨnə di ni man̰e-kɔl di woy naa hɨn̰ hɔmɨn̰ɛ wo̰ bɨ, di ni bɔjɨn̰ɛ cay maanadi kɔl nɔm bɨ. Na hɨnga ga nee le ba ɨrgan̰ dan̰ jangɨ bɨ, gange kɔl bɨ, yagɨde kɨɗɨn̰ bɨ, ɨrɨme ga ɨsɨni a cay gusɨna bɨ,

Əbɨro 11:8

Na dan̰ gɨyəŋ gɨ da aye kudurɔ ma, Abɨraham je kɔl kɨbɨ Kumu, kɨɗɨn̰ ga Kumu teeyi. Lee gɨ ban say ɗe cay gɨsəŋ kayi coŋ orɨn̰ a cay gɨsəŋ ga Kumu ojɨ bii leen̰ cay gɨsəŋ kayi. Ban say or dɨle sɔlɛ kɨɗɨn̰ ga ban or jɨn̰ nee jɛɗɨ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 4:17

Kɨya wa tɨwa di ni bon̰ kɔl ɓal ɨni. Ama na kalaŋ ga da Kumu ma kan kɨya aye toyi cayge. Ama hɨn̰ gɨ bɔyɛ kɔl na kɨya aye toy cayna na, kan ga kan̰ge bɔgɛ kuduroyge a cay Kɔl-gɨ-Ɗari le, kan gɨ dɨɗe kɨbi koge na mɨna ga?

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

Wasɨn̰a 18:3

Ho’o, hɨnga ga nee le lee gusɨge, Kɨya gɨ te wɔɔ gɨ da kalaŋ nɔm Siige cɛrɛ di suru gɨ hɨndi bɨge, Cɛrɛ di suru le gɨl na tabɨlaŋ, Da yɔyɛ kɔɔ gɨ dan̰ gɨyəŋdi naŋ. Kɛrɨmbɛlɛŋ ga cay gɨsəŋ gaŋ, Yoyge yɔyɛ gɨ dan̰ gangɨ cayge danaa bɨ, Ka-lɔɔ gɨyaw ga cay gɨsəŋ gaŋ, Leege gɨyaw danaa, Ɗe age na wan̰ kandi-wɔɔ tɔgɨ, Kol kandi-wɔɔ kaa ga kondi tɔgɨ bɨ.»

Wasɨn̰a 2:20

Ama hɨnga ga ɨŋ kan̰ kardɨgɨŋ nee na, na ɗɔɔ gɨ kɨŋ ɗe gɨyəŋ bɨn̰ tama di hɨn̰ Jijabɛl wo̰ duroygɨŋ. Hɨndi na tama di ye gɨ to naa tama di ɗe-yɔɔ-kɔl-gɨ-Kumu-ba-yɔɔ. Ama hɨndi na ɗe bɔgɛ marɨne ka-lɔɔ gɨye kange kayaŋ kɨya wa hɨndi gɨlge yɔyɛ gɨ dan̰ gangɨ ca bɨ, dɔɔ kuyoŋ ga been̰ge kɨbar bɨn̰ kulan̰əŋ bɨ.