Galad 2:9 - Gabri Maja

⁹ Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

Galad 2:9 ပူးပေါင်းရင်းမြစ်များ

Matɨyo 16:18

Ama ɨŋ-bandi ɨŋ ye hɨn̰: Ji na Pɨyɛr, duroy na garma, bɨ ɨŋ-bandi ɨŋ kɨya gaɗe te Ka-Daye kange a cay garma gɨ nee gɨŋ le bɨ. Dɔnɔ da tɨma kɨya ɓale lɔɔ hɨnga danaa naŋ.

Kɔl-gɨ-Ɗari gɨ Lug wal 22:8

Jesu say gɨy Pɨyɛr dan̰ Ja̰ tumɔ yege hɨn̰: «Ɨragɨŋ ƴɔmɛgɨŋ cay hɨnga ga ni dɔɔ gɨ da kɨdɨrɛ gɨ ni Pakɨ.»

Kɔl-gɨ-Ɗari gɨ Ja̰ wal 1:42

Ban orɨn̰ dan̰ Simo gusi Jesu. Jesu sol Simo ɗɛɛ ɨni na, yey hɨn̰: «Ji na Simo kurɨn̰ Ja̰, ama kan kɨya togɨn̰ na, Kepas» duroy na «Garma.»

Gɨye-lɔɔ 12:17

Ban leege kobi gɨ kan na sɨgɨyage dugo. Bɨ ban dorge te gɨyəŋ gɨ Ba-gulɔŋ ba lee dorii dangay dɨŋ le bɨge. Bɨ ban yege ɗaŋ coŋ hɨn̰: «Ɨragɨŋ yan̰ Jag dan̰ karmɨna ga ɗaŋ koldi.» Kardi nee ban andaŋ or kɨɗɨn̰ ga ɗaŋ gaŋ.

Gɨye-lɔɔ 15:13

Kɨɗɨn̰ ga kan dɨɗɨge kɨbɨ kɔl koge ɨni na, Jag ay kɔl bɨ yege hɨn̰: «Karmɨnɨ, jagɨŋ kɔl hɨnge!

Gɨye-lɔɔ 15:7

Kɨɗɨn̰ ga kan man̰ge kɔl ɨl pɨvb ɨni na, Pɨyɛr say daa duroyge bɨ yege hɨn̰: «Karmɨnɨ, kɨŋ sol gɨ Kumu dɔrɔŋ karɨnɨ sɨngɨɗɨ cay wase duroygɨŋ bɨ, gɨyəŋ gusi kalaŋ ga toyge na Jubɨ naŋ, ɗe gɨ kan na jan̰ bɛrnɛ di da Kɔl-gɨ-Ɗari gɨ kɨya andaŋ kɨbɨnɨ bɨ, bɨgan̰ge kuduroyge cay nee.

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 15:15

Ama naa hɨn̰ wo̰ kalɨn̰ ma, a duroy magtubu tɨnge di ɨŋ ba wal gɨyɨn̰ bɨgɨŋ le, ɨŋ yəgɨŋ hɨnga ga pɨna hangɨn̰ kuduronɨ bɨgɨŋ, ama na ɗe gɨ aŋ na hɨnɨn̰ kuduroygɨŋ a cay hɨnga ga kɨŋ sol ɨni. Ɨŋ ye kol hɨnga ga nee le hɨn̰ wo̰ na dan̰ gɨyəŋ gɨ da ɗarwa di Kumu lee danaŋ.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 11:5

Ka-gɨre-gɨye ga nee ga kɨŋ ba ye kan naa ga gɨmdəŋ le, ɨŋ ya gɨ ɨŋ naa gɨ dḛ toyge naŋ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 8:4

Kan lɔɗɨdege toyni gɨɗaŋ gɨ ni na bɨge gɨyəŋ gɨ ni bugoŋ pɨna danani cay jɨbe te karmɨni ga woyge dan̰ cɨndɨge ga somge a cay ƴaa-di-gumu di Jerusalɛm dɨŋ.

Galad 1:16

Bɨ kɨɗɨn̰ ga ban wasɨn̰ cay Kurondi bəŋ, ɗe gɨ ɨŋ na tɨga bɛrnɛ kɔl koyi gɨ ɗari bɨn̰ kalaŋ ga toyge na Jubɨ naŋ le, ɨŋ ɨra gusi ungo pɨna wo̰ ɨngɨrii kɔl naŋ bɨ,

Galad 1:18

Ɨlge sɨbɨ kardi nee na, ɨŋ say or a Jerusalɛm aŋ na sɔlɛ Kepas gɨ ɨŋ sɨlayi tumɔ naŋ ƴee bɨ, ɨŋ somɨn̰ danayi wɔlɛ mɔjɨ-cay-bay.

Galad 2:1

Ɨlge mɔjɨ-cay-poɗɨn̰ kardi nee na, ɨŋ bɨle canɨ jogɨ a Jerusalɛm ɗaŋ coŋ, dan̰ Barnabas bɨ, ɨŋ orɨn̰ dan̰ Titɨ kɔbɔŋ nee bɨ.

Galad 2:2

Na kɨya cay andaŋ gɨ Kumu andaŋ canɨ, ma maŋ orɨn̰ Jerusalɛm le. Kɨɗɨn̰ ga ɨŋ bugoŋ na, ɨŋ dor te Kɔl-gɨ-Ɗari gɨ ɨŋ ba tee bɛrnɛdi bɨn̰ kalaŋ ga toyge na Jubɨ naŋ le, ɗe tumoy ka-dɔrɛ tumoy kalaŋ ga gɨmdəŋ kan̰dɨge. Ɨŋ lee hɨn̰ wo̰ na ɗe gɨ gɨye gɨ ɨŋ lee tumɔ bɨ, gɨ ɨŋ ɨre gɨre koldi haw kɛ bɨ le, ɗe na da ban̰ gusɨnɨ naŋ.

Galad 6:3

Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

Wasɨn̰a 3:12

«Ungo gɨ na bɨya-kɨmbɨl na, ɨŋ kɨya lɔɔ gɨ ban kɨya bɨle sɨya gɨ ni duroy ƴaa-di-da-Kumu hɨnge. Ban kɨya sɔmɛ nee bɨ andaŋ duroy nee coŋ naŋ bɨrɨŋ. Ɨŋ kɨya wale guson̰ Kumu hɨnge a cayi bɨ, ɨŋ kɨya wale guson̰ cay ƴaa-di-gumu da Kumu hɨnge di na Jerusalɛm di hɨrɨwa di sayga gusi Kumu gɨsɨn dugo cayi bɨ, ɨŋ kɨya wale gusoŋ gɨ hɨrɨwa a cayi bɨ.